დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ადგილობრივი წყლის კომპანიების მხარდაჭერის მიზნით განსახორციელებელი ღონისძიების შესახებ | |
|---|---|
| დოკუმენტის ნომერი | 256 |
| დოკუმენტის მიმღები | საქართველოს მთავრობა |
| მიღების თარიღი | 25/02/2010 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 25/02/2010 |
| სარეგისტრაციო კოდი | 000000000.00(0).00.000000 |
ს აქართველოს მთ ავრობის
განკარგულება №256
2010 წლის 25 თებერვალი
ქ. თბილისი
ადგილობრივი წყლის კომპანიების მხარდაჭერის მიზნით განსახორციელებელი ღონისძიების შესახებ
1. საქართველოს რეგიონული განვითარებისა და ინფრასტრუქტურის სამინისტრომ „ საქართველოს 2010 წლის სახელმწიფო ბიუჯეტის შესახებ“ საქართველოს კანონით გათვალისწინებული წყლის კომპანიების მხარდაჭერის ღონისძიებებისათვის განსაზღვრული ასიგნებებიდან უზრუნველყოს ადგილობრივი წყლის კომპანიების მიერ მოხმარებული ელექტროენერგიის ღირებულების ნაწილობრივ ანაზღაურება.
2. 2010 წლის განმავლობაში, დამატებითი თანხების საჭიროების შემთხვევაში, საქართველოს რეგიონული განვითარებისა და ინფრასტრუქტურის სამინისტრომ საქართველოს ფინანსთა სამინისტროს წარუდგინოს შესაბამისი წინადადებები „ საქართველოს 2010 წლის სახელმწიფო ბიუჯეტის შესახებ“ საქართველოს კანონში ცვლილებების შეტანისას დამატებითი ასიგნებების გამოყოფის თაობაზე.
პრემიერ-მინისტრი ნ. გილაური
დოკუმენტის კომენტარები