„საცხოვრებელი სადგომით სარგებლობისას წარმოშობილი ურთიერთობების შესახებ“ საქართველოს კანონიდან გამომდინარე სასამართლო დავებზე სახელმწიფოს წარმომადგენლის დანიშვნის შესახებ

საქართველოს მთავრობის

განკარგულება №673

2010 წლის 2 ივნისი

ქ. თბილისი

„საცხოვრებელი სადგომით სარგებლობისას წარმოშობილი ურთიერთობების შესახებ“ საქართველოს კანონიდან გამომდინარე სასამართლო დავებზე სახელმწიფოს წარმომადგენლის დანიშვნის შესახებ

1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 27-ე მუხლის მე-2 პუნქტის შესაბამისად:

ა) „საცხოვრებელი სადგომით სარგებლობისას წარმოშობილი ურთიერთობების შესახებ“ საქართველოს კანონიდან გამომდინარე, სასამართლო დავებზე სახელმწიფოს წარმომადგენლად დაინიშნოს საქართველოს ფინანსთა სამინისტრო, გარდა ამ პუნქტის „ბ“ ქვეპუნქტით გათვალისწინებული შემთხვევებისა;

ბ) „საცხოვრებელი სადგომით სარგებლობისას წარმოშობილი ურთიერთობების შესახებ“ საქართველოს კანონის მე-2 მუხლის მე-12 და მე-13 პუნქტებიდან გამომდინარე, სასამართლო დავებზე სახელმწიფოს წარმომადგენლად დაინიშნოს საქართველოს ეკონომიკური განვითარების სამინისტრო.

2. საქართველოს ზოგადი ადმინისტრაციული კოდექსის 61-ე მუხლის შესაბამისად, ძალადაკარგულად გამოცხადდეს „საცხოვრებელი სადგომით სარგებლობისას წარმოშობილი ურთიერთობების შესახებ“ საქართველოს კანონიდან გამომდინარე სასამართლო დავებზე სახელმწიფოს წარმომადგენლის დანიშვნის შესახებ“ საქართველოს მთავრობის 2010 წლის 27 იანვრის №77 განკარგულება.

პრემიერ-მინისტრი             ნ. გილაური