საჯარო სამართლის იურიდიული პირის – საჯარო სამსახურის ბიუროს დებულების დამტკიცების შესახებ

1. დამტკიცდეს საჯარო სამართლის იურიდიული პირის – სა­ჯარო სამ­­სა­­ხუ­­რის ბიუროს (შემდგომში – ბიურო) თანდართული დე­ბუ­ლე­­ბა.

2.  ძალადაკარგულად გამოცხადდეს  „საჯარო სამართლის იურიდიუ­ლი პირის – საჯარო სამსახურის ბიუროს დებულების დამტკიცების შესა­ხებ“ საქართველოს მთავრობის 2013 წლის 17 დეკემბრის N338 დად­გენილება (www.matsne.gov.ge, 17/12/2013, 040030000.10.003.017505).

1. საჯარო სამსახურის ბიურო (შემდეგში – ბიურო) არის საჯარო სამართლის იურიდიული პირი, რომელიც შექმნილია „საჯარო სამსახურის შესახებ“ საქართველოს კანონის საფუძველზე საჯარო სამსახურის სფეროში ერთიანი სახელმწიფო პოლიტიკის შემუშავებისა და შესაბამისი საქმია­ნობის კოორდინაციის ხელშეწყობის, ამ სფეროში კანონმდებლობით დად­გე­ნილი ძირითადი მიმართულებების განხორციელების, საჯარო სამ­სახურის საბჭოსა და მისი წევრების საქმიანობის ორგანიზაციული, ტექ­ნი­კუ­რი, საინფორმაციო და საექსპერტო უზრუნველყოფის, თანამ­დებობის პირთა ქონებრივი მდგომარეობის დეკლარაციის მიღების, შესა­ბამისი თანა­მდებობის პირის ქონებრივი მდგომარეობის საჯაროობისა და დეკლარაციის დროულად ჩაბარებაზე კონტროლის უზრუნველყოფის, აგრეთვე, საქარ­თველოს კანონმდებლობით გათვალისწინებული სხვა ფუნქციების განხორ­ციელების მიზნით.

2. ბიურო თავისი საქმიანობისას ხელმძღვანელობს საქართველოს კონ­სტიტუციით, „საჯარო სამართლის იურიდიული პირის შესახებ“, „საჯა­რო სამსახურის შესახებ“, „საჯარო სამსახურში ინტერესთა შეუთავსებ­ლო­ბისა და კორუფციის შესახებ“ და საქართველოს სხვა კანონებით, საქართვე­ლოს მთავრობის დადგენილებებითა და განკარგულებებით, სხვა სამართლებ­რივი აქტებითა და ამ დებულებით.

3. საჯარო სამსახურის ბიუროს დებულებას, სტრუქტურასა და საშტა­ტო ნუსხას ამტკიცებს საქართველოს მთავრობა.

4. დასახული მიზნებისა და დაკისრებული ფუნქციების განსახორ­ციელებლად, ბიურო საკუთარი სახელით იძენს უფლებებსა და მოვალე­ობებს, დებს გარიგებებს და შეუძლია სასამართლოში გამოვიდეს მხარედ.

5. ბიუროს აქვს დამოუკიდებელი ბალანსი, ანგარიშსწორებისა და მიმ­დინარე საბანკო ანგარიშები (მათ შორის, სავალუტო), ბეჭედი, ბლანკი და იური­დიული პირის სხვა ატრიბუტები.

6. ბიუროს იურიდიული მისამართია: ქ. თბილისი, პ. ინგოროყვას ქ. №7.

მუხლი 2. ბიუროს ძირითადი ამოცანები

ბიუროს ძირითადი ამოცანებია:

ა) საჯარო სამსახურის სფეროში ერთიანი სახელმწიფო პოლიტიკის შემუ­შავება და შესაბამისი საქმიანობის კოორდინაციის ხელშეწყობა;

ბ) საჯარო სამსახურის სფეროში არსებული მდგომარეობისა და შესაბა­მისი ნორმატიული აქტების შესრულების შესწავლა და ანალიზი, აღნიშ­ნულის თაობაზე საქართველოს მთავრობისათვის მოხსენების, ხოლო საჯა­რო სამსახურის საბჭოსათვის – შესაბამისი დასკვნებისა და წინადადე­ბების წარდგენა;

გ) საჯარო სამსახურის სფეროს მარეგულირებელი სამართლებრივი ბაზის სრულყოფის თაობაზე წინადადებების მომზადება და საჯარო სამსა­ხუ­რის საბჭოსათვის განსახილველად წარდგენა;

დ) სახელმწიფო ორგანოთა (დაწესებულებათა) საკადრო სამსახუ­რე­ბის მუშაობის კოორდინაცია;

ე) საჯარო სამსახურში ადამიანური რესურსების მართვის პროცე­სების, საჯარო მოსამსახურეთა პროფესიული მომზადების, გადამზადებისა და კვალიფიკაციის ამაღლების კოორდინაცია და მეთოდური დახმარების გა­წევა;

ვ) საჯარო სამსახურის საბჭოსა და მისი წევრების საქმიანობის ორგა­ნიზაციული, ტექნიკური, საინფორმაციო და საექსპერტო უზრუნველ­ყო­ფა;

ზ) საჯარო სამსახურის მართვის სრულყოფის მიზნით, საჯარო სამსა­ხურის სფეროში სხვა სახელმწიფოთა გამოცდილების შესწავლა და განზო­გადება და თანამშრომლობა საერთაშორისო ორგანიზაციებთან;

თ) თანამდებობის პირის ქონებრივი მდგომარეობის დეკლარაციის ტექ­ნიკურად სწორად შევსების შესახებ ინსტრუქციის შედგენის უზრუნ­ველყ­ოფა;

ი) თანამდებობის პირის მიერ თანამდებობის პირის ქონებრივი მდგო­მარე­ობის დეკლარაციის ფორმის დაუბრკოლებლად მიღების უზრუნ­ვე­ლყოფა;

კ) თანამდებობის პირის მიერ შევსებული თანამდებობის პირის ქონებ­რივი მდგომარეობის დეკლარაციის მიღება, აღრიცხვა და შენახვა;

ლ) თანამდებობის პირის ქონებრივი მდგომარეობის დეკლარაციის შინა­არსის საჯაროობის უზრუნველყოფა;

მ) „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონის მე-2 მუხლში მოცემული ჩამონათვალის საფუ­ძ­ველზე, იმ თანამდებობის პირთა თანამდებობრივი რეესტრის შედგე­ნა და საქართველოს მთავრობისათვის დასამტკიცებლად წარდგენა, რომე­ლთა­თვისაც დეკლარაციის შევსება სავალდებულოა;

ნ) დეკლარირების პროცესის სრულყოფის მიზნით, შესაბამისი წინა­და­დებების შემუშავება;

ო) კანონმდებლობით გათვალისწინებული სხვა ამოცანების განხორ­ცი­­ელება.

მუხლი 3. ბიუროს ფუნქციები

1. ბიურო, ამ დებულების მე‑2 მუხლით გათვალისწინებული ამოცა­ნების შესრულების მიზნით, ახორციელებს შემდეგ ძირითად ფუნქციებს:

ა) შეისწავლის საჯარო სამსახურის სისტემის ფუნქციონირების ეფექ­ტიანობას და ამზადებს შესაბამის დასკვნებს;

ბ) განსაზღვრავს საჯარო სამსახურის სფეროში მოქმედი სტრუქტურე­ბის ტრანსფორმაციის აუცილებლობასა და შესაძლებლობას, შეიმუშავებს რეკომენდაციებს ახალი სტრუქტურების შექმნის ან არსებულის გარდასა­ქმ­ნე­ლად;

გ) შეიმუშავებს წინადადებებს სახელმწიფო ორგანოთა სტრუქტურის ჩამოყალიბების ძირითადი პრინციპების, ამ სტრუქტურებში შესაბამისი თანამ­დებობების ადგილისა და როლის შესახებ;

დ) ახორციელებს საჯარო სამსახურის დაწესებულებათა სისტემაში არსე­ბული საორგანიზაციო სტრუქტურების ანალიზს და, საჭიროების შემ­თხ­ვე­ვაში, შეიმუშავებს შესაბამის რეკომენდაციებს მათი სრულყოფის მიზ­ნით;

ე) ორგანიზებას უწევს საჯარო სამსახურის საბჭოს საქმიანობას, უზ­რუნ­ველყოფს საჯარო სამსახურის საბჭოს წევრებისათვის შესაბამისი ინ­ფორ­მაციის მიწოდებას;  

ვ) შეიმუშავებს საჯარო სამსახურის სფეროში სამოქმედო სტანდარ­ტების, ინსტრუქციების, სხვა მეთოდური და ნორმატიული დოკუმენტებისა და საკანონმდებლო წინადადებების პროექტებს;

ზ) შეისწავლის საჯარო მოსამსახურეთა სამსახურში მიღების, ატეს­ტა­ცი­ის, დაწინაურების, სამსახურიდან გათავისუფლების არსებულ პრაქტიკას და შეიმუშავებს შესაბამის რეკომენდაციებს;

თ) შეისწავლის საჯარო მოსამსახურეთა პროფესიული მომზადებისა და კვალიფიკაციის არსებულ დონეს, უზრუნველყოფს შესაბამის ღონისძიე­ბათა განხორციელებას საჯარო მოსამსახურეთა პროფესიონალიზმისა და კვა­ლიფიკაციის ამაღლების მიზნით;

ი) უზრუნველყოფს საჯარო სამსახურში ადამიანური რესურსების შე­სა­ხებ მონაცემთა ერთიანი ბაზის შექმნას და ადმინისტრირებას;

კ) შეიმუშავებს საჯარო მოხელეების ანაზღაურების სისტემის რეფორ­მის სტრატეგიას;

ლ) აანალიზებს მიღებულ ინფორმაციას საჯარო მოსამსახურეების უფ­ლებებისა და გარანტიების დაცვის, აგრეთვე დისციპლინური პასუხისმ­გებ­ლობის თაობაზე და ამზადებს შესაბამის დასკვნებს;

მ) უზრუნველყოფს საჯარო სამსახურის სფეროში სტატისტიკური მო­ნა­ცემების შეგროვებას, აანალიზებს მათ და ქმნის საჯარო სამსახურის ერ­თიან სახელმწიფოებრივ საინფორმაციო სისტემას;

ნ) შეიმუშავებს საჯარო მოსამსახურეების ეთიკისა და დისციპლინური ნორ­მების პროექტებს;

ო) შეიმუშავებს წინადადებებს საჯარო სამსახურის მართვის ახალი მეთოდებისა და ტექნიკის დანერგვის შესახებ;

პ) აანალიზებს საჯარო სამსახურის სფეროში მოქმედი ნორმატიული  აქტე­ბის შესრულებას და საქართველოს მთავრობას წარუდგენს შესაბამის მოხ­სენებას;

ჟ) მონაწილეობს საჯარო სამსახურში კორუფციის წინააღმდეგ ბრძოლის სახელმწიფო პროგრამების შემუშავებასა და განხორციელებაში, კონკრე­ტულ ღონისძიებათა დაგეგმვისა და განხორციელების პროცესში;

რ) ადგენს თანამდებობის პირის ქონებრივი მდგომარეობის დეკ­ლარ­აციის ტექნიკურად სწორად შევსების შესახებ ინსტრუქციას და უზ­რუნ­ველყოფს თანამდებობის პირის მიერ დეკლარაციის სწორად შევსე­ბას;

ს) უზრუნველყოფს თანამდებობის პირის მიერ დეკლარაციის ფორმის დაუ­ბრკოლებლად მიღებას;

ტ) უზრუნველყოფს შევსებული თანამდებობის პირის ქონებრივი მდგო­მარეობის დეკლარაციის მიღებას, აღრიცხვას და შენახვას;

უ) უზრუნველყოფს თანამდებობის პირის ქონებრივი მდგომარეობის დეკ­ლარაციის საჯაროობას;

ფ) უზრუნველყოფს თანამდებობის პირის მიერ ქონებრივი მდგომა­რეობის დეკლარირების ერთიანი ელექტრონული სისტემის დაუბრკო­ლე­ბელ ხელმისაწვდომობას;

ქ) ახორციელებს კონტროლს თანამდებობის პირის მიერ ქონებრივი მდგო­­მარეობის დეკლარაციის კანონით გათვალისწინებულ ვადებში წარ­დგენაზე;

ღ) უზრუნველყოფს იმ თანამდებობის პირთა თანამდებობრივი რეეს­ტრის შედგენას და საქართველოს მთავრობისათვის დასამტკიცებლად წარ­დ­გენას, რომელთათვისაც დეკლარაციის შევსება სავალდებულოა, აგრეთ­ვე, რეესტრში შესატანი ცვლილებებისა და დამატებების მომზადებას და საქარ­თველოს მთავრობისათვის დასამტკიცებლად წარდგენას;

ყ) იღებს კანონით გათვალისწინებულ ზომებს თანამდებობის პირის მიერ ქონებრივი მდგომარეობის დეკლარაციის შევსებასთან დაკავშირებულ სა­მართალდარღვევებზე;

შ) ახორციელებს თანამდებობის პირის ქონებრივი მდგომარეობის დეკ­ლა­რაციის მონაცემთა ანალიზს;

ჩ) დაკისრებული ამოცანების შესასრულებლად და თანამდებობის პირთა ქონებრივი მდგომარეობის დეკლარაციების მონაცემების დაზუს­ტე­ბის მიზნით, კანონმდებლობით დადგენილი წესით, სახელმწიფო ორგა­ნო­ებიდან და თანამდებობის პირისაგან გამოითხოვს საჭირო ინფორმაციას;

ც) შეისწავლის და განაზოგადებს საჯარო სამსახურის სფეროში სხვა სახე­ლმწიფოთა გამოცდილებას, ამყარებს კავშირს საერთაშორისო, მათ შო­რის, დონორ ორგანიზაციებთან და თანამშრომლობს მათთან;

ძ) ატარებს კონფერენციებს, სემინარებს, სამეცნიერო შეკრებებს, ბრი­ფინგებსა და პრესკონფერენციებს საჯარო სამსახურის სფეროში აქტუა­ლუ­რი საკითხების განსახილველად;

წ) საჯარო სამსახურის საბჭოსა და ბიუროს საქმიანობის გამჭვი­რვა­ლობისა და საჯარო სამსახურის სფეროში მიმდინარე პროცესებში საზო­გა­დოების მონაწილეობის უზრუნველყოფის მიზნით, ურთიერთობას ამყა­რებს არასამთავრობო სექტორთან და მასმედიასთან;

ჭ) განიხილავს ბიუროში შემოსულ ფიზიკური და იურიდიული პირე­ბის წერილობით განცხადებებსა და მომართვებს საქართველოს კანონმდებ­ლო­ბით დადგენილი წესით;

ხ) მასობრივი ინფორმაციის საშუალებებს აწვდის ინფორმაციას ბიუ­როს საქმიანობის სფეროსთან დაკავშირებულ საკითხებზე;

ჯ) ახორციელებს კანონმდებლობით გათვალისწინებულ სხვა ფუნქცი­ებს.

2. ბიუროს უფლება აქვს, დაკისრებული ამოცანების ეფექტიანად გან­ხორ­ციელებისათვის ხელშეკრულების საფუძველზე მოიწვიოს შესაბამისი დარ­გის ექსპერტები და სპეციალისტები.

3. ბიურო პასუხს არ აგებს მიღებული თანამდებობის პირთა ქონებ­რივი მდგომარეობის დეკლარაციების მონაცემთა სისრულესა და ნამდვი­ლო­ბაზე.

მუხლი 4. ბიუროს ხელმძღვანელობა

1. ბიუროს უფროსს ნიშნავს და ათავისუფლებს საქართველოს პრე­მიერ-მინისტრი.

2. ბიუროს უფროსი:

ა) ხელმძღვანელობს ბიუროს საქმიანობას და წარმოადგენს ბიუროს მესა­მე პირებთან ურთიერთობაში;

ბ) შეიმუშავებს ბიუროს წლიურ სამუშაო გეგმას და წარადგენს საჯარო სამ­სახურის საბჭოზე დასამტკიცებლად;

გ) ყოველწლიურად წარუდგენს ანგარიშს საქართველოს მთავრობასა და საჯარო სამსახურის საბჭოს ბიუროს მიერ გაწეული საქმიანობის შესახებ და ფინანსურ ანგარიშს;

დ) შეიმუშავებს ბიუროს საშტატო ნუსხისა და თანამდებობრივი სარგოების პროექტს და დასამტკიცებლად წარუდგენს საქართველოს მთავ­რო­ბას;

ე) კანონმდებლობით დადგენილი წესით შეიმუშავებს ბიუროს ბიუჯე­ტის პროექტს და დანიშნულებისამებრ წარადგენს დასამტკიცებლად;

ვ) თანამდებობაზე ნიშნავს და თანამდებობიდან ათავისუფლებს საშ­ტატო ნუსხით გათვალისწინებულ თანამშრომლებს, დებს შრომით ხელ­შეკ­რულებებს, ანაწილებს ფუნქციებს ბიუროს თანამშრომლებს შორის;

ზ) ამტკიცებს ბიუროს შინაგანაწესს;

თ) თვალყურს ადევნებს ბიუროს სტრუქტურული ქვედანაყოფების მიერ დაკისრებული მოვალეობების შესრულებას და ახორციელებს თანამ­შრო­მ­ელთა საქმიანობის სამსახურებრივ ზედამხედველობას;

ი) საჭიროების შემთხვევაში, ახდენს თავისი უფლებამოსილების დე­ლეგ­ირებას ბიუროს თანამშრომელზე;

კ) კომპეტენციის ფარგლებში გამოსცემს ინდივიდუალურ ადმინის­ტრაციულ­სამართლებრივ აქტებს;

ლ) შესაბამისი დაწესებულების ხელმძღვანელის წარდგინებით ნიშ­ნავს საკონკურსო­საატესტაციო კომისიის თავმჯდომარეს (გარდა ადგი­ლო­ბ­­რივი თვითმმართველობის მოხელეთა საკონკურსო­საატესტაციო კო­მი­სიის თავმჯდომარისა);

მ) იღებს კანონით გათვალისწინებულ ზომებს თანამდებობის პირის მიერ დეკლარაციის შევსებასთან დაკავშირებულ სამართალდარღვევებზე;

ნ) პირის სადეკლარაციო თანამდებობაზე განწესების ან თანამდე­ბო­ბიდან გათავისუფლების შესახებ წერილობითი ინფორმაციის ბიურო­სათ­ვის წარუდგენლობის შემთხვევის შესახებ აცნობებს შესაბამისი საჯარო და­წესებულების ხელმძღვანელს;

ო) ახორციელებს კანონმდებლობით გათვალისწინებულ სხვა უფ­ლე­ბა­მოსილებებს.

3. ბიუროს უფროსს ჰყავს მოადგილე, რომელსაც თანამდებობაზე ნიშ­ნავს და თანამდებობიდან ათავისუფლებს ბიუროს უფროსი.

4. ბიუროს უფროსის მოადგილის ფუნქციებს განსაზღვრავს ბიუროს უფ­როსი.

5. ბიუროს უფროსის არყოფნისას მის მოვალეობას ასრულებს ბიუროს უფ­როსის მოადგილე.

მუხლი 5. ბიუროს სტრუქტურა

ბიუროს სტრუქტურული ქვედანაყოფებია:

ა) ადმინისტრაციული დეპარტამენტი;

ბ) საჯარო სამსახურის რეფორმისა და განვითარების დეპარტამენტი;

გ) დეკლარაციებზე მუშაობის დეპარტამენტი.

მუხლი 6. ბიუროს სტრუქტურული ქვედანაყოფების ძირითადი ფუნ­ქციები

1. ადმინისტრაციული დეპარტამენტი ახორციელებს შემდეგ ძირითად ფუნქციებს:

ა) ახორციელებს საჯარო სამსახურის ბიუროს მიმდინარე საქმიანობის სამა­რთლებრივ უზრუნველყოფას;

ბ) ახორციელებს საჯარო მოსამსახურეთა კანონით განსაზღვრული უფ­ლ­ებებისა და გარანტიების დაცვის მონიტორინგს;

გ) უზრუნველყოფს ბიუროში დოკუმენტბრუნვის მოწესრიგებას, შემო­სუ­ლი და გასული დოკუმენტების რეგისტრაციას და კორესპონდენციის ად­რესატისათვის გადაცემას;

დ) ახორციელებს საჯარო სამსახურის ბიუროს მიმდინარე საქ­მია­ნობის ორგანიზაციულ და მატერიალურ­ტექნიკურ უზრუნ­ველ­ყოფას;

ე) საქართველოს კანონმდებლობით დადგენილი წესით უზრუნვე­ლ­ყოფს საფინანსო­ეკონომიკური საქმიანობის აღრიცხვა­ანგარიშგებას და სა­ბუღა­ლტრო ბალანსის წარმოებას;

ვ) აკონტროლებს საჯარო სამსახურის ბიუროს მატერია­ლურ­ტექ­ნი­კურ ფასეულობათა მდგომარეობას;

ზ) უზრუნველყოფს კონფერენციების, სემინარების, პრესკონფერე­ნ­ციე­ბის, ბრიფინგებისა და სამეცნიერო შეკრებების გამართვას საჯარო სამ­სახუ­რის სფეროში აქტუალური საკითხების განსახილველად;

თ) უზრუნველყოფს არსებულ ვაკანსიაზე პროფესიული და პერსო­ნალური მონაცემებით ყველაზე უფრო შესაფერის კანდიდატთა მოძიების კომ­პიუტერული სისტემის შექმნას;

ი) უზრუნველყოფს საჯარო სამსახურში ადამიანური რესურსების შე­სა­ხებ მონაცემთა ერთიანი ბაზის შექმნასა და ადმინისტრირებას;

კ) უზრუნველყოფს საჯარო სამსახურის სფეროში თანამედროვე საინფორ­მაციო­საკომუნიკაციო ტექნოლოგიების (ელექტრონული მმარ­თვე­ლო­ბა) სწავლებას;

ლ) კოორდინაციას უწევს სახელმწიფო ორგანოთა (დაწესებულებათა) საკა­დრო სამსახურების საქმიანობას;

მ) უზრუნველყოფს საჯარო სამსახურის სფეროში არსებულ ვაკანტურ თანამ­დებობაზე საკონკურსო პირობებით თანამშრომელთა შერჩევისა და ატეს­ტაციის სტანდარტული პროცედურების დამუშავებას;

ნ) უზრუნველყოფს საკონკურსო­საატესტაციო კომისიების მოდელუ­რი რეგლამენტის შემუშავებას;

ო) აანალიზებს ინფორმაციას საჯარო მოსამსახურეების უფლებებისა და გარანტიების დაცვის, დისციპლინური პასუხისმგებლობის თაობაზე და ამზა­დებს შესაბამის დასკვნებს;

პ) საქართველოს მთავრობისათვის შესაბამისი დასკვნის წარსადგენად აანა­ლიზებს საჯარო სამსახურის სფეროში მოქმედი ნორმატიული აქტების შესრულებას;

ჟ) უზრუნველყოფს საჯარო სამსახურის სფეროში სტატისტიკური მონაცემების შეგროვებას, აანალიზებს მათ და ქმნის საჯარო სამსახურის ერ­თიან სახელმწიფოებრივ საინფორმაციო სისტემას;

რ) ახორციელებს კანონმდებლობით გათვალისწინებულ სხვა ფუნქცი­ებს.

2. საჯარო სამსახურის რეფორმისა და განვითარების დეპარტამენტი ახორ­ციელებს შემდეგ ძირითად ფუნქციებს:

ა) შეიმუშავებს წინადადებებს სახელმწიფო ორგანოთა სტრუქ­ტუ­რების ჩამოყალიბების ძირითადი პრინციპების, ამ სტრუქტურებში შესაბა­მი­სი თანამდებობების ადგილისა და როლის შესახებ;

ბ) შეისწავლის საჯარო მოსამსახურეთა სამსახურში მიღების, ატეს­ტაცი­ის, დაწინაურების, სამსახურიდან გათავისუფლების არსებულ პრაქტი­კას და შეიმუშავებს შესაბამის რეკომენდაციებს;

გ) შეიმუშავებს საჯარო სამსახურის სფეროში სამოქმედო სტან­დარტების, ინსტრუქციების, სხვა მეთოდური და ნორმატიული დოკუმენ­ტე­­ბისა და საკანონმდებლო წინადადებების პროექტებს;

დ) შეიმუშავებს საჯარო მოსამსახურეების ეთიკისა და დისციპლი­ნუ­რი ნორმების პროექტებს;

ე) მონიტორინგს უწევს საჯარო სამსახურის სფეროში მოქმედი ნორ­მატიული აქტების შესრულებას და ამზადებს საჯარო სამსახურის საბჭოსა­თ­ვის შესაბამის დასკვნებსა და წინადადებებს;

ვ) საჯარო სამსახურის საბჭოსა და ბიუროს საქმიანობის გამჭვი­რვალობის და საჯარო სამსახურის სფეროში მიმდინარე პროცესებში საზო­გა­დოების მონაწილეობის უზრუნველყოფის მიზნით, ურთიერთობას ამყა­რებს არასამთავრობო სექტორთან და მასმედიასთან;

ზ) ორგანიზებას უწევს საჯარო სამსახურის საბჭოს საქმიანობას, უზ­რუნ­ველყოფს საბჭოს წევრებს შესაბამისი ინფორმაციით;

თ) შეიმუშავებს საჯარო მოხელეთა საქმიანობის შეფასების კრიტე­რიუმებსა და მეთოდებს;

ი) უზრუნველყოფს საჯარო სამსახურის სისტემაში საკადრო პოლი­ტიკის ერთიანი პრინციპების გატარებას და მონიტორინგს;

კ) საჯარო სამსახურის მართვის სრულყოფის მიზნით, უზრუნ­ველ­ყოფს საჯარო სამსახურის სფეროში სხვა სახელმწიფოთა გამოცდილების შესწავ­ლა-განზოგადებას და თანამშრომლობს საერთაშორისო ორგანიზაცი­ებ­თან;

ლ) შეისწავლის საჯარო მოსამსახურეთა პროფესიული მომზადებისა და კვალიფიკაციის არსებულ დონეს, უზრუნველყოფს შესაბამის ღონის­ძიე­ბათა განხორციელებას მათი პროფესიონალიზმისა და კვალიფიკაციის ამაღ­ლების მიზნით;

მ) მონაწილეობს საჯარო სამსახურში კორუფციის წინააღმდეგ ბრძო­ლის სახელმწიფო პროგრამების ფორმირებასა და განხორციელებაში, კონკ­რეტულ ღონისძიებათა დაგეგმვისა და განხორციელების პროცესში;

ნ) კოორდინაციას უწევს საჯარო სამსახურის სფეროში პროექტებისა და პრო­გრამების დაგეგმვასა და განხორციელებას;

ო) ადგენს საჯარო სამსახურის სფეროში მოქმედი სტრუქტურების ტრანს­ფორმაციის აუცილებლობასა და შესაძლებლობას, შეიმუშავებს რეკო­მე­ნ­დაციებს ახალი სტრუქტურების შექმნის ან არსებულის გარდასაქ­მნე­ლად;

პ) ახორციელებს საჯარო სამსახურის დაწესებულებათა სისტემაში არსე­ბული საორგანიზაციო სტრუქტურების ანალიზს და, საჭიროების შემთ­ხვე­ვაში, შეიმუშავებს შესაბამის რეკომენდაციებს მათი სრულყოფის მიზ­ნით;

ჟ) შეიმუშავებს წინადადებებს საჯარო სამსახურის მართვის ახალი მეთ­ოდებისა და ტექნიკის დანერგვის შესახებ;

რ) ახორციელებს გარე ფაქტორების შეფასებას საჯარო სამსახურის სფე­­როს სტრუქტურების საქმიანობის დაგეგმვისა და ორგანიზაციული   ცვლი­ლებების განხორციელებისათვის;

ს) ახორციელებს საჯარო სამსახურის დაწესებულებათა საქმიანობის მე­თ­ოდების ეფექტიანობის შესწავლას და ანალიზს;

ტ) ახორციელებს საჯარო სამსახურის დაწესებულებების მართვის მეთოდების, ორგანიზაციული და სტრუქტურული ხასიათის ცვლილებების გატა­რების პროცესის მონიტორინგს;

უ) უზრუნველყოფს საჯარო სამსახურის სისტემის სტრუქტურებში სხვადასხვა მმართველობითი დონის ხელმძღვანელებისათვის მართვის თა­ნამ­ედროვე მეთოდების მიზნობრივ სწავლებას;

ფ) ახორციელებს კანონმდებლობით გათვალისწინებულ სხვა ფუნქციებს.

3. დეკლარაციებზე მუშაობის დეპარტამენტი ახორციელებს შემდეგ ძირითად ფუნქციებს:

ა) ადგენს თანამდებობის პირის ქონებრივი მდგომარეობის დეკლა­რაციის ტექნიკურად სწორად შევსების შესახებ ინსტრუქციას და უზრუნ­ველ­ყოფს თანამდებობის პირის მიერ დეკლარაციის სწორად შევსებას;

ბ) უზრუნველყოფს თანამდებობის პირის მიერ დეკლარაციის ფორმის დაუბ­რკოლებლად მიღებას;

გ) უზრუნველყოფს შევსებული თანამდებობის პირის ქონებრივი მდგო­­მარეობის დეკლარაციის მიღებას, აღრიცხვას და შენახვას;

დ) უზრუნველყოფს თანამდებობის პირის ქონებრივი მდგომარეობის დეკ­ლარაციის საჯაროობას;

ე) უზრუნველყოფს თანამდებობის პირის მიერ ქონებრივი მდგომა­რეობის დეკლარირების ერთიანი ელექტრონული სისტემის დაუბრკო­ლებელ ხელმისაწვდომობას;

ვ) ახორციელებს კონტროლს თანამდებობის პირის მიერ ქონებრივი მდგომარეობის დეკლარაციის კანონით გათვალისწინებულ ვადებში წარდ­გე­ნაზე;

ზ) უზრუნველყოფს იმ თანამდებობის პირთა თანამდებობრივი რეესტრის შედგენას და საქართველოს მთავრობისათვის დასამტკიცებლად წარ­დ­გენას, რომელთათვისაც დეკლარაციის შევსება სავალდებულოა, აგრე­თვეб რეესტრში შესატანი ცვლილებებისა და დამატებების მომზადებას და საქართველოს მთავრობისათვის დასამტკიცებლად წარდგენას;

თ) ახორციელებს თანამდებობის პირის ქონებრივი მდგომარეობის დეკ­ლარაციის მონაცემთა ანალიზს;

ი) დაკისრებული ამოცანების შესასრულებლად და თანამდებობის პირთა ქონებრივი მდგომარეობის დეკლარაციების მონაცემების დაზუს­ტების მიზნით, სახელმწიფო ორგანოებიდან და თანამდებობის პირისაგან გამო­ი­თ­ხოვს შესაბამის ინფორმაციას;

კ) ახორციელებს კანონმდებლობით გათვალისწინებულ სხვა ფუნქციებს.

4. ბიუროს სტრუქტურული ქვედანაყოფის ხელმძღვანელი:

ა) ანაწილებს მოვალეობებს დაქვემდებარებული სტრუქტურული ქვე­და­ნაყოფის თანამშრომლებს შორის;

ბ) აკონტროლებს მისდამი დაქვემდებარებული სტრუქტურული ქვე­და­ნაყოფის თანამშრომლების მიერ სამსახურებრივი მოვალეობების შეს­რუ­ლებას;

გ) უზრუნველყოფს სტრუქტურული ქვედანაყოფის მიერ განხორ­ციელე­ბულ უფლებამოსილებათა კონტროლს;

დ) ბიუროს უფროსს წარუდგენს წინადადებებს სტრუქტურული ქვედა­ნაყოფის მუშაობის ორგანიზაციის, თანამშრომელთა წახალისების ან დის­ცი­პლინური პასუხისმგებლობის ზომების დაკისრების შესახებ.

5. ბიუროს უფროსი უფლებამოსილია ინდივიდუალური ადმინის­ტრა­ციულ სამართლებრივი აქტით გაანაწილოს მოვალეობები (სამუშაოს აღწე­რით) ბიუროს სტრუქტურული ქვედანაყოფის თანამშრომლებს შორის.

მუხლი 7. ბიუროს დაფინანსება

1. ბიუროს დაფინანსების წყაროებია:

ა) საქართველოს სახელმწიფო ბიუჯეტიდან გამოყოფილი მიზნობ­რივი სახსრები;

ბ) შეკვეთების შესრულებიდან მიღებული შემოსავლები;

გ) ხელშეკრულების საფუძველზე შესრულებული სამუშაოდან მიღ­ე­ბუ­ლი შემოსავლები;

დ) გრანტები;                                                      

ე) საქართველოს კანონმდებლობით ნებადართული სხვა შემოსავლე­ბი.

2. დასახული მიზნების შესასრულებლად ბიურო უფლებამოსილია, განა­ხორციელოს ეკონომიკური საქმიანობა კანონმდებლობით დადგენილი წესით.

3. ამ მუხლით გათვალისწინებული სახსრები და შემოსავლები მთლი­ა­ნად ხმარდება ბიუროს მიზნებისა და ფუნქციების განხორციელებას და მათი გამოყენება რაიმე სხვა მიზნით დაუშვებელია.

მუხლი 8. სახელმწიფო კონტროლი

ბიუროს საქმიანობაზე სახელმწიფო კონტროლს, „საჯარო სამართლის იური­დიული პირის შესახებ“ საქართველოს კანონის მე-12 მუხლის პირვე­ლი პუნქტის „ბ“ და „გ“ ქვეპუნქტებისა და მე-2 პუნქტის შესაბამისად, ახორ­ცი­ელებს მხოლოდ საქართველოს ფინანსთა სამინისტრო.

მუხლი 9. ბიუროს რეორგანიზაცია და ლიკვიდაცია

ბიუროს რეორგანიზაცია და ლიკვიდაცია ხორციელდება საქართვე­ლოს კანონმდებლობით დადგენილი წესით.

მუხლი 10. ბიუროს დებულებაში ცვლილების შეტანა

ბიუროს დებულებაში ცვლილებებისა და დამატებების შეტანა ხორ­ციე­ლდება საქართველოს კანონმდებლობით დადგენილი წესით.