„შრომითი მოვალეობის შესრულებისას დასაქმებულის ჯანმრთელობისათვის ვნების შედეგად მიყენებული ზიანის ანაზღაურების დახმარების დანიშვნისა და გაცემის წესის დამტკიცების თაობაზე“ საქართველოს მთავრობის 2013 წლის 1 მარტის №45 დადგენილებაში ცვლილების შეტანის შესახებ

 1. დადგენილების პირველი მუხლი ჩამოყალიბდეს შემდეგი რე­დაქ­­­ციით:

 „მუხლი 1. „საქართველოს 2013 წლის სახელმწიფო ბიუჯეტის შესა­ხებ“ საქართველოს კანონის 32-ე მუხლის მე-7 პუნქტის „ვ“ ქვეპუნქ­ტის, „სა­ქარ­თველოს 2014 წლის სახელმწიფო ბიუჯეტის შესახებ“ საქარ­თვე­ლოს კანონის 31-ე მუხლის მე-5 პუნქტის „ვ“ ქვეპუნქტის, „საქარ­თველოს მთავ­რობის სტრუქტურის, უფლებამოსილებისა და საქმიანობის წესის შესა­ხებ“ საქართველოს კანონის მე-5 მუხლის „ვ“ და „ო“ ქვე­პუნქტებისა და „ნორ­მატიული აქტების შესახებ“ საქართველოს კანონის მე-12 მუხ­ლის პირველი პუნქტისა და 25-ე მუხლის პირველი პუნქტის „ბ“ ქვე­პუნქ­ტის შესაბამისად, დამტკიცდეს:

 1. შრომითი მოვალეობის შესრულებისას დასაქმებულის ჯანმრთე­ლო­ბისათვის ვნების შედეგად მიყენებული ზიანის ანაზღაურების მიზ­ნით დახმარების დანიშვნისა და გაცემის წესი (დანართი №1).

 2. უწყებათაშორისი კომისიის შექმნისა და საქმიანობის წესი (და­ნართი №2).“.

 2. დადგენილებით დამტკიცებული წესის:

 ა) მე-5 მუხლს დაემატოს შემდეგი შინაარსის 2¹ პუნქტი:

 „2¹. ამ წესის შესაბამისად დახმარება შეიძლება ასევე დაენიშნოს საქართველოს მოქალაქეს, რომელსაც სამოქალაქო ავიაციის სისტემაში მუშაობისას დადგენილი აქვს პროფესიული დაავადება ან შრომითი მოვალეობის შესრულებისას დამსაქმებლის ბრალეულობით მის ჯანმ­რთელობას მიადგა ზიანი და კანონით დადგენილი წესით დანიშნული სარჩოს მიღება შეუწყდა 2007 წლის 17 აგვისტოდან და 1 სექტემბრიდან (საქართველოს ტრანსპორტისა და კომუნიკაციების სამინისტროს სამო­ქალაქო ავიაციის ადმინისტრაციის ლიკვიდაციის მომენტიდან) „შრო­მითი მოვალეობის შესრულებისას მუშაკის ჯანმრთელობისათვის მიყე­ნებული ზიანის ანაზ­ღაურების წესის შესახებ“ საქართველოს მთავრობის 2007 წლის 24 მარ­ტის №53 დადგენილებით, მათ შორის, სასა­მართლოს მიერ ამავე დად­გენილებიდან გამომდინარე მიღებული გადაწ­ყვე­ტილე­ბე­ბის საფუძ­ვე­ლზე.“;

 ბ) მე-5 მუხლის მე-3 პუნქტს დაემატოს შემდეგი შინაარსის „ვ“ ქვე­პუნქტი:

 „ვ) თუ ამ მუხლის 2¹ პუნქტით განსაზღვრულ პირთათვის სასა­მარ­თ­ლო გადაწყვეტილებით ვერ დგინდება ყოველთვიური გასაცემლის ოდენობა, დახმარების ოდენობა განისაზღვრება საქართველოს ტრანს­პორ­ტისა და კომუნიკაციების სამინისტროს სამოქალაქო ავიაციის ად­მინის­ტ­რაციის სალიკვიდაციო მასალებში დაცული დოკუმე­ნტა­ცი­ით/ცნო­ბით ყოველ­თვიური გასაცემლის შესახებ.“; 

 გ) მე-6 მუხლის მე-2 პუნქტს დაემატოს შემდეგი შინაარსის „დ“ ქვე­პუნქტი:

 „დ) ამ წესის მე-5 მუხლის 2¹ პუნქტით განსაზღვრული მაძიებ­ლისათვის დამატებით წარმოსადგენია სასამართლოს კანონიერ ძალაში შე­სული გადაწყვეტილება(ები) (ორიგინალი ან სათანადო წესით დამოწ­მებული ასლები) სარჩოს დანიშვნის ან/და სარჩოს გადახდის შეწ­ყვეტის თაობაზე. იმ შემთხვევაში, თუ ამ წესის მე-5 მუხლის 2¹ პუნქტით გან­საზღვრული პირისათვის სასამართლოს გადაწყვეტილებით ვერ დგინ­დება დანიშნული სარჩოს ოდენობა, დამატებით წარმო­სად­გენია საქარ­თველოს ტრანსპორტისა და კომუნიკაციების სამინისტ­როს სამო­ქა­ლაქო ავი­ა­ციის ადმინისტრაციის სალიკვიდაციო მასალებში დაცული (სა­თანადო წესით დამოწმებული) დოკუ­მენ­ტაცია/ცნობა, რომელშიც მი­თი­თებული იქნება ყოველთვიური გასაცემლის ოდენობა.“.

ამ დადგენილების პირველი მუხლის მე‑2 პუნქტის „ა“ ქვეპუნქტით განსაზღვრულ პირთათვის დახმარება დაინიშნება ამ დად­გე­­ნილების ამოქმედების შემდეგ, კანონმდებლობის დაცვით წარდგე­ნი­ლი განცხადების მომდევნო თვის პირველი რიცხვიდან, დახმარების შე­წყვე­ტის საფუძვლის წარმოშობამდე.