სს „საქართველოს ნავთობისა და გაზის კორპორაციასთვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრისა და წითელი ნუსხით დაცული სახეობების გარემოდან ამოღებაზე ნებართვის მიცემის შესახებ

საქართველოს მთავრობის

განკარგულება №221

2014 წლის 10 თებერვალი

 ქ. თბილისი

სს „საქართველოს ნავთობისა და გაზის კორპორაციისთვის“ სახელმწიფო ტყის ფონდით სპეციალური დანიშნულებით სარგებლობის ვადის განსაზღვრისა და წითელი ნუსხით დაცული სახეობების გარემოდან ამოღებაზე ნებართვის მიცემის შესახებ

საქართველოს ტყის კოდექსის 52-ე მუხლის, „საქართველოს „წითე­ლი ნუსხისა“ და „წითელი წიგნის“ შესახებ“ საქართველოს კანონის 24-ე მუხლის პირველი პუნქტის „ვ“ ქვეპუნქტის, 2³ პუნქტის, „ტყითსარ­გებ­ლო­ბის წესის დამტკიცების შესახებ“ საქართველოს მთავრობის 2010 წლის 20 აგვისტოს №242 დადგენილებით დამტკიცებული „ტყითსარგებლობის წესის“ 27¹ მუხლის პირველი პუნქტისა და „ტყითსარგებლობის წესის დამტკიცების შესახებ“ საქართველოს მთავრობის 2010 წლის 20 აგ­ვის­ტოს №242 დადგენილებაში ცვლილების შეტანის თაობაზე“ საქართვე­ლოს მთავრობის 2013 წლის 29 ნოემბრის №302 დადგენილების მე-2 მუხ­ლის მე-4 და მე-5 პუნქტების შესაბამისად:

1. საგურამო-ქუთაისის მაგისტრალური გაზსადენის შუფერხებლად ფუნქციონირების უზრუნველსაყოფად, გაზსადენის 111-ე და 179-ე კმ. ნიშ­ნულებს შორის არსებული მონაკვეთის (სიგრძე-68 კმ., სიგანე-8 მ.) რე­კონსტრუქციის (რეაბილიტაციის), დემონტაჟის და საინჟინრო-გეოლო­გი­ური სამუშაოების განხორციელების მიზნით, სს „საქართველოს ნავთობისა და გაზის კორპორაციას“ (ს/კ 206237491) საქართველოს გარემოსა და ბუნებრივი რესურსების დაცვის სამინისტროს სსიპ – ეროვნული სატყეო სააგენტოს (შემდგომში – სააგენტო) მართვას დაქვემდებარებულ, ხაშუ­რისა და ზესტაფონის სატყეო უბნებში და მათ მიმდებარედ ყოფილ საკო­ლ­მეურნეო ტყეში არსებული 33986 კვ.მ ფართობით სპეციალური დანიშ­ნულებით სარგებლობის ვადა განესაზღვროს 49 წლამდე.

2. სს „საქართველოს ნავთობისა და გაზის კორპორაციას“ მიეცეს უფ­ლება, ამ განკარგულების პირველი პუნქტით განსაზღვრული ტერი­ტო­რიიდან, კანონმდებლობით დადგენილი წესით, გარემოდან ამოიღოს საქართველოს „წითელ ნუსხაში“ შეტანილი წაბლის (Castanea sativa) 27 (ოცდაშვიდი) ინდივიდი.

3. სს „საქართველოს ნავთობისა და გაზის კორპორაცია“ ვალდე­ბუ­ლია:

ა) მოჭრილი მერქნული რესურსი დაასაწყობოს სააგენტოს მიერ მი­თი­თებულ ტერიტორიაზე და მიღება-ჩაბარების აქტის საფუძველზე გა­და­ს­ცეს სააგენტოს;

ბ) ამ განკარგულების ძალაში შესვლიდან 3 (სამი) თვის ვადაში საა­გენტოს შესათანხმებლად წარუდგინოს სპე­ციალური ტყითსარგებლობის შედეგად ბიომრავალფეროვნებისათვის მი­ყე­ნებული ზემოქმედების სა­კო­მ­პენსაციო ქმედებების პაკეტი.

პრემიერ-მინისტრი                                                      ირაკლი ღარიბაშვილი