ეკონომიკური საბჭოს აპრატისა და სახელმწიფო უსაფრთხოებისა და კრიზისების მართვის საბჭოს აპარატის ფუნქციონირებისათვის საჭირო პირველადი ღონისძიებების განსახორციელებლად და აღნიშნული საბჭოებისა და საგადასახადო ომბუდსმენის აპარატის განთავსების უზრუნველსაყოფად, საქართველოს მთავრობის კანცელარიის მიერ სახელმწიფო შესყიდვების გამარტივებული შესყიდვის საშუალებით განხორციელების თაობაზე

საქართველოს მთავრობის

განკარგულება №200

2014 წლის 10 თებერვალი

ქ. თბილისი

ეკონომიკური საბჭოს აპრატისა და სახელმწიფო უსაფრთხოებისა და კრიზისების მართვის საბჭოს აპარატის ფუნქციონირებისათვის საჭირო პირველადი ღონისძიებების განსახორციელებლად და აღნიშნული საბჭოებისა და საგადასახადო ომბუდსმენის აპარატის განთავსების უზრუნველსაყოფად, საქართველოს მთავრობის კანცელარიის მიერ სახელმწიფო შესყიდვების გამარტივებული შესყიდვის საშუალებით განხორციელების თაობაზე

ეკონომიკური საბჭოს აპარატისა და სახელმწიფო უსაფრთხოებისა და კრიზისების მართვის საბჭოს აპარატის ფუნქციონირებისათვის საჭირო პირველადი ღონისძიებების უზრუნველსაყოფად და აღნიშნული საბჭოებისა და საგადასახადო ომბუდსმენის აპარატების განსათავსებლად, საქართველოს მთავრობის კანცელარიის ადმინისტრაციული შენობისათვის საჭირო სამშენებლო-სარემონტო მოსამზადებელი სამუშაოებიდან გამომდინარე, „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის საფუძველზე, საქართველოს მთავრობის კანცელარიამ, 2014 წლის საკუთარი ასიგნებების ფარგლებში, 2014 წლის 4 თებერვლიდან 3 თვის განმავლობაში, გამარტივებული შესყიდვის საშუალებით განახორციელოს შემდეგი სახელმწიფი შესყიდვები:

ა) სსიპ – სახელმწიფო ქონების ეროვნული სააგენტოს მიერ გადმოცემული ფართისათვის (შემდგომში – გადმოცემული ფართი) საჭირო კოსმეტიკური სახის სარემონტო სამუშაოების შესყიდვა ;

ბ) გადმოცემულ ფართში სამუშაო გარემოს უზრუნვესაყოფად საჭირო პირველადი გენერალური დასუფთავებისა და გადმოცემულ ფართში არსებული ტექნიკური ინფრასტრუქტურის (დიზელ-გენერატორი და გათბობა-გაგრილება-ვენტილაციის სისტემები) აღდგენისა და საინფორმაციო ტექნოლოგიების (IT) ინფრასტრუქტურის მოწყობა-გამართვის უზრუნველმყოფი სამუშაოების შესყიდვა ;

გ) გადმოცემული ფართის დასუფთავებისა და ტექნიკური ინფრასტრუქტურის მოვლა‑შენახვის უზრუნველმყოფი მომსახურების შესყიდვა ;

დ) გადმოცემული ფართის აღჭურვისათვის საჭირო საოფისე ავეჯისა და ტექნიკის (ელექტრო და კომპიუტერული) შესყიდვა.

პრემიერ-მინისტრი  ირაკლი ღარიბაშვილი