„საქართველოს სოფლის მეურნეობის სამინისტროს მელიორაციის პოლიტიკის დეპარტამენტის დებულების დამტკიცების შესახებ“ საქართველოს სოფლის მეურნეობის მინისტრის 2012 წლის 27 მარტის №2-51 ბრძანებაში ცვლილების შეტანის თაობაზე

1. მე-4 მუხლს დაემატოს შემდეგი შინაარსის „გ“ ქვეპუნქტი:

„გ) ნიადაგის რესურსების მართვის სამმართველო“.

2. მე-5 მუხლის:

ა) პირველი პუნქტის „ლ¹“ ქვეპუნქტი ამოღებულ იქნეს;

ბ) მე-2 პუნქტის „გ“ ქვეპუნქტი ამოღებულ იქნეს.

გ) დაემატოს შემდეგი შინაარსის მე-3 პუნქტი:

„3. ნიადაგის რესურსების მართვის სამმართველოს კომპეტენციას განეკუთვნება:

ა) კომპეტენციის შესაბამისად, სახელმწიფო პროგრამის ფარგლებში ნიადაგების კონსერვაციისა და ნაყოფიერების აღდგენა-გაუმჯობესების სფეროში ერთიანი სახელმწიფო პოლიტიკის განსაზღვრაში და სახელმწიფო ზედამხედველობის განხორციელებაში მონაწილეობის მიღება;

ბ) სახელმწიფო პროგრამის შემუშავებასა და მისი განხორციელების უზრუნველყოფაში მონაწილეობის მიღება;

გ) კომპეტენციის ფარგლებში, ნიადაგის ხარისხობრივი მახასიათებლების (ნიადაგის ატლასი) ერთიანი გეო მონაცემთა ბანკის შექმნაში მონაწილეობის მიღება;

დ) ნიადაგის მონაცემების საფუძველზე, სასოფლო-სამეურნეო კულტურათა სწორი განლაგებისათვის რეკომენდაციების გაცემა.“.