„საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულების - გარემოსდაცვითი ზედამხედველობის დეპარტამენტის დებულების დამტკიცების შესახებ“ საქართველოს გარემოსა და ბუნებრივი რესურსების დაცვის მინისტრის 2013 წლის 10 მაისის №26 ბრძანებაში ცვლილების შეტანის თაობაზე

„ე¹) დეპარტამენტის  უფლებამოსილ პირს უფლება აქვს, გამოიყენოს სამსახურებრივ-საშტატო ცეცხლსასროლი იარაღი, ფიზიკური იძულება და სპეციალური საშუალებები „პოლიციის შესახებ“ საქართველოს კანონით გათვალისწინებულ შემთხვევებში. ცეცხლსასროლი იარაღის სასაზღვრო ზონასა და ზოლში გამოყენებისას მან უნდა იხელმძღვანელოს „სახელმწიფო საზღვრის რეჟიმისა და დაცვის წესის დამტკიცების შესახებ“ საქართველოს პრეზიდენტის 1999 წლის 20 დეკემბრის №676 ბრძანებულებით;“

„4¹) საქართველოს კანონმდებლობით მინიჭებული უფლებამოსილების ფარგლებში, სამსახურებრივი მოვალეობის შესრულებისას დეპარტამენტის უფროსი, დეპარტამენტის უფროსის პირველი მოადგილე, დეპარტამენტის უფროსის მოადგილე, ტერიტორიული ორგანოს (სამსახურის) უფროსი, ცენტრალური აპარატის სწრაფი რეაგირების სამსახურისა და ტერიტორიული ორგანოს (სამსახურის) სწრაფი რეაგირების განყოფილების სწრაფი რეაგირების საჯარო მოსამსახურეებს, უფლება აქვთ დადგენილი წესით გამოიყენონ ფიზიკური იძულება, სპეციალური საშუალებები და სამსახურებრივ-საშტატო იარაღი.“

„გ¹) დაბინძურების სტაციონარული წყაროებიდან ატმოსფერულ ჰაერში მავნე ნივთიერებათა წლიური გაფრქვევების ფაქტობრივი მაჩვენებლების შეთანხმება;“

„კ) სამსახურებრივი-საშტატო იარაღისა და საბრძოლო მასალის მომარაგება და კანონმდებლობით დადგენილი წესით, მათი აღრიცხვა, შენახვისა და გაცემის ორგანიზება;“.

„ე¹) სამსახურზე გადაცემული სამსახურებრივი-საშტატო იარაღისა და საბრძოლო მასალების კანონმდებლობით დადგენილი წესით აღრიცხვა, შენახვისა და გაცემის ორგანიზება;“.