„საქართველოს ცენტრალური საარჩევნო კომისიის აპარატის მოხელეთა შესარჩევი კონკურსის დებულების დამტკიცების შესახებ” საქართველოს ცენტრალური საარჩევნო კომისიის 2012 წლის 2 მარტის №9/2012 დადგენილებით დამტკიცებულ დებულებაში ცვლილებების შეტანის თაობაზე

 1. პირველი მუხლის მე-2 პუნქტი ჩამოყალიბდეს შემდეგი რედაქციით:

„2. ცესკოს აპარატის მუდმივმოქმედი საკონკურსო კომისია (შემდგომში „საკონკურსო კომისია”) იქმნება და საქმიანობს წინამდებარე დებულების საფუძველზე.”.

 2. მე-3 მუხლის მე-4 პუნქტი ჩამოყალიბდეს შემდეგი რედაქციით:

„4. საკონკურსო კომისია – ცესკოს აპარატის ვაკანტური თანამდებობის მოთხოვნათა გათვალისწინებით, კანდიდატის შერჩევის მიზნით შექმნილი მუდმივმოქმედი კომისია;”.

 3. მე-4 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. საკონკურსო კომისია შედგება საარჩევნო ადმინისტრაციის მოხელეებისაგან და იქმნება ცესკოს თავმჯდომარის ბრძანებით. საკონკურსო კომისია შედგება კომისიის თავმჯდომარის, თავმჯდომარის მოადგილისა და კომისიის არანაკლებ 3 წევრისაგან.”;

ბ) მე-3 პუნქტი ჩამოყალიბდეს შემდეგი რედაქციით:

„3. კომისიის მუშაობაში, კომისიის წევრების გარდა, სათათბირო ხმის უფლებით შეიძლება მონაწილეობდნენ ცესკოს შესაბამისი სტრუქტურული ერთეულების  ხელმძღვანელები.”.