„ნინოწმინდის მუნიციპალიტეტის ქონების აუქციონის ფორმით პრივატიზების წესის დამტკიცების შესახებ’’ ნინოწმინდის მუნიციპალიტეტის საკრებულოს 2011 წლის 30 მაისის №9 დადგენილებაში ცვლილების შეტანის შესახებ

1. დადგენილებით დამტკიცებული დანართის პირველი მუხლის მე-4 პუნქტი ჩამოყალიბდეს შემდეგი რედაქციით:

,,4. ნინოწმინდის მუნიციპალიტეტის აუქციონის ფორმით ქონების  პრივატიზებას ახორციელებს  მუნიციპალიტეტის გამგეობა, აუქციონის ორგანიზების მიზნით ნინოწმინდის მუნიციპალიტეტის გამგეობა ქმნის მუდმივმოქმედ სააუქციონო კომისიას, რომელშიც შედიან კომისიის თავმჯდომარე, აუქციონატორი, კომისიის მდივანი, რეგისტრატორი და სააუქციონო კომისიის წევრები. კომისია პრივატიზების განმახორციელებელი ორგანოს სახელით ადგენს  აუქციონში გამარჯვების დამადასტურებელ ოქმს (ადმინისტრაციულ დაპირებას);.

2. დადგენილებით დამტკიცებული დანართის მე-2 მუხლის მე-2 პუნქტი ჩამოყალიბდეს შემდეგი რედაქციით:

,,2. საჯარო აუქციონის ფორმით მუნიციპალიტეტის ქონების პრივატიზების შესახებ ინფორმაცია ქვეყნდება ნინოწმინდის მუნიციპალიტეტის  ოფიციალურ ვებგვერდზე (www.ninotsminda.ge),  რაც ინფორმაციის ოფიციალურ გამოქვეყნებად ითვლება. ინფორმაციის საჯაროობისა და ხელმისაწვდომობის უზრუნველსაყოფად საჯარო აუქციონის ფორმით ქონების პრივატიზების შესახებ  ინფორმაცია უნდა გამოქვეყნდეს ადგილობრივ ბეჭდვით ორგანოსა და ნინოწმინდის მუნიციპალიტეტის ოფიციალურ ვებგვერდზე  (www.ninotsminda.ge) ამ მუხლის მე–3 პუნქტში გათვალისწინებული ვადების დაცვით;

3. დადგენილებით დამტკიცებული დანართის მე-2 მუხლის მე-5 პუნქტი ამოღებულ იქნეს’’.