დუშეთის მუნიციპალიტეტის საკრებულოს 2013 წლის 23 იანვრის N1 დადგენილებით დამტკიცებულ „დუშეთის მუნიციპალიტეტის ბიუჯეტიდან სოციალური დახმარების გაცემის წესში“ ცვლილების შეტანის თაობაზე

   1. მე-7 მუხლი ჩამოყალიბდეს შემდეგი რედაქციით:

  „ მუხლი 7

 ხანძრით, სტიქიური მოვლენებით უსახლკაროდ დარჩენილი და სხვა მძიმე გარემოებათა გამო დაზარალებული ოჯახების დახმარება

 1. ამ მუხლის შესაბამისად, დახმარება გაეწევათ მუნიციპალიტეტის ტერიტორიაზე ხანძრით,  სტიქიური მოვლენებით (მიწისძვრა, მეწყერი, წყალდიდობა, დიდთოვლობა და ა.შ) ასევე სხვა მძიმე გარემოებათა გამო დაზარალებულ ოჯახებს;

 2. ხანძრით, სტიქიური მოვლენებით და სხვა მძიმე გარემოებათა გამო დაზარალებულ ოჯახებს, ერთჯერადი დახმარება გაეწევათ 1000 (ერთი ათასი) ლარამდე ოდენობით.

 3. განსაკუთრებულ შემთხვევებში საკრებულოს გადაწყვეტილებით შესაძლებელია   დახმარების სახით გაიცეს ამ მუხლის მე-2 პუნქტით გათვალისწინებულ ზღვრულ ოდეობაზე მეტი თანხა“.

   4.  დაზარალებული ოჯახის წარმომადგენელმა მუნიციპალიტეტში უნდა წარადგინოს:

  ა)  განცხადება საკრებულოს თავმჯდომარის სახელზე;

  ბ) პირადობის მოწმობის ასლი;

  გ) ცნობა კომპეტენტური დაწესებულებიდან, ან სტიიქით მიყენებული ზარალის შესაფასებლად მუნიციპალიტეტში შექმნილი კომისიის დასკვნა (ასეთი კომისიის არსებობის შემთხვევაში);

 დ) საბანკო დაწესებულებაში გახსნილი პირადი ანგარიშის რეკვიზიტები.