„სამედიცინო მომსახურების მიმწოდებელთათვის პასპორტიზაციის წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2013 წლის 4 აგვისტოს N01-33/ნ ბრძანებაში ცვლილების შეტანის თაობაზე

„4. სამედიცინო მომსახურების მიმწოდებელი ვალდებულია ,,წამლისა და ფარმაცევტული საქმიანობის შესახებ“ საქართველოს კანონით გათვალისწინებული, შესაბამისი რეგულაციის ამოქმედებამდე ერთჯერადად წარმოადგინოს ,,ფარმაცევტული პროდუქტის (სამკურნალო საშუალების) გამოწერის ინსტრუქციისა და რეცეპტის (ფორმა №3) ნიმუშის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2011 წლის 11 მარტის №01-9/ნ ბრძანებით დამტკიცებულ ფორმა №3 (შემდგომში - ფორმა №3) რეცეპტის ბლანკზე გამოსაწერი სამკურნალო საშუალებების, გამოწერის პრაქტიკის ეტაპობრივი დანერგვის გეგმა-გრაფიკი (პერსონალის ინფორმირება, ტრენინგი, რეცეპტის ბლანკზე ეტაპობრივად გამოსაწერი მედიკამენტების ნუსხა).

5. სამედიცინო მომსახურების მიმწოდებელი ვალდებულია  ყოველი კვირის ბოლოს ელექტრონულ პორტალზე ასახოს ინფორმაცია ფორმა №3 რეცეპტის ბლანკზე   გამოწერის შემთხვევათა რაოდენობის შესახებ.”;

,,8^1.. ბლოკი ,,რეცეპტები” ივსება იმ შემთხვევაში, თუ დაწესებულება ახორციელებს ფორმა №3 რეცეპტის გამოწერას და მიეთითება ყოველკვირეულად გამოწერილი რეცეპტების რაოდენობა.”.