სახელმწიფო საკუთრებაში არსებული უძრავი ქონების შპს „ჯი თი ემ გრუპისათვის“ პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №130

2014 წლის 27 იანვარი

 ქ. თბილისი

სახელმწიფო საკუთრებაში არსებული უძრავი ქონების შპს „ჯი თი ემ გრუპისათვის“ პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული, ზესტაფონის მუნიციპალიტეტში, სოფელ არგვეთაში მდებარე 14068 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი №32.03.49.135) და ზესტაფონის მუნიციპალიტეტში, სოფელ არგვეთაში მდებარე 13351 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი №32.03.49.136) პირდაპირი მიყიდვის ფორმით 110 000 (ას ათი ათასი) ლარად საკუთრებაში გადაეცეს შპს „ჯი თი ემ გრუპს“ (ს/კ 404882383).

2. საპრივატიზებო პირობებად განისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან 1 (ერთი) თვის ვადაში ;

 ბ) ამ განკარგულებით გადაცემულ ქონებაზე ფეროშენადნობი ქარხნის მშენებლობა, მისი დასრულება და ექსპლუატაციაში მიღება შესაბამისი ხელშეკრულების გაფორმებიდან 3 (სამი) წლის ვადაში ;

გ) ამ განკარგულების მე-2 პუნქტის „ბ“ ქვეპუნქტით გათვალისწინებული საპრივატიზებო პირობის შესრულების მიზნით არანაკლებ 4 000 000 (ოთხი მილიონი) აშშ დოლარის ეკვივალენტი ლარის ინვესტიციის განხორციელება.

3. შპს „ჯი თი ემ გრუპი“ ვალდებულია, შესაბამისი ხელშეკრულების გაფორმებამდე უზრუნველყოს ამ განკარგულების მე-2 პუნქტის „გ“ ქვეპუნქტით გათვალისწინებული საინვესტიციო ვალდებულების შესრულების უზრუნველსაყოფად განსახორცილებელი ინვესტიციის არანაკლებ 10%-ის უპირობო და გამოუხმობი საბანკო გარანტიის წარმოდგენა, რომლის ვადაც საინვესტიციო ვალდებულების შესრულების ვადას უნდა აღემატებოდეს სამი თვით.

4. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ ამ განკარგულების შესრულების მიზნით უზრუნველყოს კანონმდებლობით გათვალისწინებული შესაბამისი ღონისძიებების განხორციელება.

პრემიერ-მინისტრი                        ირაკლი ღარიბაშვილი