დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
| „სს „კორ სტანდარტ ბანკისთვის“ უძრავი ქონების იჯარის ფორმით გადაცემაზე თანხმობის მიცემის შესახებ“ საქართველოს მთავრობის 2010 წლის 27 ივლისის №991 განკარგულებაში ცვლილების შეტანის თაობაზე | |
|---|---|
| დოკუმენტის ნომერი | 1079 |
| დოკუმენტის მიმღები | საქართველოს მთავრობა |
| მიღების თარიღი | 16/08/2013 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 16/08/2013 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №1079
2013 წლის 16 აგვისტო
ქ. თბილისი
„სს „კორ სტანდარტ ბანკისთვის“ უძრავი ქონების იჯარის ფორმით გადაცემაზე თანხმობის მიცემის შესახებ“ საქართველოს მთავრობის 2010 წლის 27 ივლისის №991 განკარგულებაში ცვლილების შეტანის თაობაზე
1. საქართველოს ზოგადი ადმინისტრაციული კოდექსის 63-ე მუხლის შესაბამისად, „სს „კორ სტანდარტ ბანკისთვის“ უძრავი ქონების იჯარის ფორმით გადაცემაზე თანხმობის მიცემის შესახებ“ საქართველოს მთავრობის 2010 წლის 27 ივლისის №991 განკარგულების პირველი პუნქტი ჩამოყალიბდეს შემდეგი რედაქციით:
„1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად მიეცეს თანხმობა საჯარო სამართლის იურიდიულ პირს - შემოსავლების სამსახურს (შემდგომში - შემოსავლების სამსახური), რომ სს „კორ სტანდარტ ბანკს“ იჯარის ფორმით, აუქციონის გარეშე, 2014 წლის 1 იანვრამდე გადასცეს ამ განკარგულების დანართით განსაზღვრული უძრავი ქონება.“.
2. საჯარო სამართლის იურიდიულმა პირმა - შემოსავლების სამსახურმა, ამ განკარგულების პირველი პუნქტის შესაბამისად, განახორციელოს სათანადო ცვლილება სს „კორ სტანდარტ ბანკთან“ (ს/ნ 204546045) 2010 წლის 27 აგვისტოს გაფორმებულ იჯარის ხელშეკრულებაში.
პრემიერ-მინისტრი ბ. ივანიშვილი
უკან დაბრუნება
დოკუმენტის კომენტარები