დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | თბილისი-სენაკი-ლესელიძის საავტომობილო გზის 214-ე კმ-ზე სტიქიის შედეგად დაზიანებული გზის აღდგენით სამუშაოთა შესახებ | |
|---|---|
| დოკუმენტის ნომერი | 258 |
| დოკუმენტის მიმღები | საქართველოს მთავრობა |
| მიღების თარიღი | 31/03/2009 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 31/03/2009 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №258
2009 წლის 31 მარტი
ქ. თბილისი
თბილისი-სენაკი-ლესელიძის საავტომობილო გზის 214-ე კმ-ზე სტიქიის შედეგად დაზიანებული გზის აღდგენით სამუშაოთა შესახებ
თბილისი-სენაკი-ლესელიძის საავტომობილო გზის 214-ე კმ-ზე არსებული რკინა-ბეტონის მილზე მიმდინარე წლის თებერვალში ძლიერმა წვიმამ გამოიწვია მილის საფუძველში არსებული გრუნტის წყლის გაჯერება და მისი მზიდუნარიანობის შესუსტება, რის შედეგადაც მილის მეორე სექციამ ყველა მხარეს განიცადა ჯდენა; მოსალოდნელია გზის ჩამოქცევა და მოძრაობის ჩაკეტვა. ზემოაღნიშნული ავარიული მდგომარეობის დროულად აღმოფხვრის მიზნით აუცილებელია ხსენებულ მონაკვეთზე შეზღუდულ ვადებში განხორციელდეს მუდმივი ნაგებობის – სახიდე გადასასვლელის მშენებლობა, რისთვისაც:
1. საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა სახელმწიფოებრივი და საზოგადოებრივი მნიშვნელობის ღონისძიებათა შეზღუდულ ვადებში შეუფერხებლად განხორციელებისათვის თბილისი-სენაკი-ლესელიძის საავტომობილო გზის 214-ე კმ-ზე 2009 წელს სახიდე გადასასვლელის სამშენებლო სამუშაოების სახელმწიფო შესყიდვა განახორციელოს ერთ პირთან მოლაპარაკების საშუალებით „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად.
2. აღნიშნულ სამუშაოთა დაფინანსება განხორციელდეს „საქართველოს 2009 წლის სახელმწიფო ბიუჯეტის შესახებ“ საქართველოს კანონით „გზების პერიოდული შეკეთებისა და რეაბილიტაციის“ მუხლით (ორგანიზაციული კოდი – 25 03 01 02 01) საქართველოს საავტომობილო გზების დეპარტამენტისათვის განსაზღვრული ასიგნებებიდან.
პრემიერ-მინისტრი ნ. გილაური
დოკუმენტის კომენტარები