სოფლის მხარდაჭერის პროგრამის ფარგლებში საქართველოს სახელმწიფო ბიუჯეტიდან ადგილობრივი თვითმმართველი ერთეულებისათვის თანხის გამოყოფის შესახებ

საქართველოს მთავრობის

განკარგულება №466

2013 წლის 17 მაისი

ქ. თბილისი

სოფლის მხარდაჭერის პროგრამის ფარგლებში  საქართველოს სახელმწიფო ბიუჯეტიდან ადგილობრივი თვითმმართველი ერთეულებისათვის თანხის გამოყოფის შესახებ

1. „საქართველოს 2013 წლის სახელმწიფო ბიუჯეტის შესახებ“ საქართველოს კანონის მე-19 მუხლის საფუძველზე და „სოფლის მხარდაჭერის პროგრამის დამტკიცების შესახებ“ საქართველოს მთავრობის 2013 წლის 7 თებერვლის №25 დადგენილების შესაბამისად, საქართველოს ფინანსთა სამინისტრომ, ამ განკარგულების №№1-59 დანართებით გათვალისწინებულ ადგილობრივ თვითმმართველ ერთეულებს გამოუყოს ჯამში 49 993 821(ორმოცდაცხრა მილიონ ცხრაას ოთხმოცდაცამეტი ათას რვაას ოცდაერთი) ლარი.  

2. განკარგულების №№1-59 დანართებით გათვალისწინებულმა  ადგილობრივმა თვითმმართველმა ერთეულებმა, დანართებში მითითებული მიზნობრიობის დაცვით, უზრუნველყონ  გამოყოფილი თანხების წარმართვა საქართველოს მთავრობის 2013 წლის 7 თებერვლის №25 დადგენილებით დამტკიცებული სოფლის მხარდაჭერის პროგრამის მე-2 და მე-5 მუხლების შესაბამისად.

3. „სახელმწიფო შესყიდვების შესახებ“ საქართველოს კანონის 10¹   მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით, სოფლის მხარდაჭერის პროგრამის ფარგლებში ადგილობრივმა თვითმმართველმა ერთეულებმა №№1-59 დანართებით გათვალისწინებულ ღონისძიებებთან დაკავშირებული სახელმწიფო შესყიდვები  განხორციელონ  გამარტივებული შესყიდვის საშუალებით.

პრემიერ-მინისტრი                                                                   ბ . ივანიშვილი