საქართველოს შინაგან საქმეთა მინისტრის 2013 წლის 31 დეკემბრის №989 ბრძანებით დამტკიცებულ საქართველოს შინაგან საქმეთა სამინისტროს მოსამსახურეთა დისციპლინურ წესდებაში ცვლილების შეტანის შესახებ

1. ბრძანების პირველი მუხლი ჩამოყალიბდეს შემდეგი რედაქციით:

„მუხლი 1. დამტკიცდეს:

ა) საქართველოს შინაგან საქმეთა სამინისტროს მოსამსახურეთა დისციპლინური წესდება თანდართული რედაქციით (დანართი №1);

 ბ) იმ პირთა ნუსხა, რომელთაც აქვთ მოსამსახურეთა  წახალისების უფლება (დანართი №2).“.

2. ბრძანებით დამტკიცებული წესდების:

ა) მე-4 მუხლის მე–4 და მე-5 პუნქტები ჩამოყალიბდეს შემდეგი რედაქციით:

„4. წესდების მე-2 მუხლის მე-2 პუნქტის „თ“ და „ი“ ქვეპუნქტებით გათვალისწინებული  გადაცდომის გამოვლენისას, სამინისტროს სტრუქტურული ქვედანაყოფების, ტერიტორიული ორგანოების, სამინისტროს მმართველობის სფეროში მოქმედი საჯარო სამართლის იურიდიული პირებისა და სახელმწიფო საქვეუწყებო დაწესებულების ხელმძღვანელი პირები  უფლებამოსილი არიან,  შეადგინონ დისციპლინური გადაცდომის ამსახველი დასკვნა და განიხილონ დისციპლინური სახდელის დადების საკითხი, მხოლოდ განყოფილების უფროსის მოადგილისა და უფრო დაბალი რანგის მოსამსახურის მიმართ.

5. ამ მუხლის მე-4 პუნქტით განსაზღვრულ პირებს უფლება არა აქვთ, მათ მიერ დისციპლინური სახდელის დადებისას გამოიყენონ ამ წესის მე–3 მუხლის „დ-ზ“ ქვეპუნქტებით გათვალისწინებული სახდელი.“;

ბ)   მე-7 მუხლის მე-3 პუნქტი ჩამოყალიბდეს შემდეგი რედაქციით:

„3. №2 დანართის შესაბამისად, წახალისების უფლება აქვს:

ა) შინაგან საქმეთა მინისტრს;

ბ) შინაგან საქმეთა მინისტრის პირველ მოადგილეს და მოადგილეებს;

გ) სამინისტროს სტრუქტურული ქვედანაყოფების ხელმძღვანელებს;

დ) სამინისტროს ტერიტორიული ორგანოების უფროსებს;

ე) სამინისტროს მმართველობის სფეროში მოქმედი საჯარო სამართლის იურიდიული პირების ხელმძღვანელებს;

ვ)  სახელმწიფო საქვეუწყებო დაწესებულების ხელმძღვანელ პირს.“.