საქართველოს მთავრობასა და ჩინეთის სახალხო რესპუბლიკის მთავრობას შორის 2008 წლის 21 მარტს გაფორმებული „ეკონომიკური და ტექნიკური თანამშრომლობის შესახებ“ შეთანხმების ფარგლებში გამოყოფილი 20 მილიონი იუანის გამოყენების თაობაზე

საქართველოს მთავრობის

განკარგულება №89

2009 წლის 18 თებერვალი

ქ. თბილისი

საქართველოს მთავრობასა და ჩინეთის სახალხო რესპუბლიკის მთავრობას შორის 2008 წლის 21 მარტს გაფორმებული „ეკონომიკური და ტექნიკური თანამშრომლობის შესახებ“ შეთანხმების ფარგლებში გამოყოფილი 20 მილიონი იუანის გამოყენების თაობაზე

1. მოწონებულ იქნეს საქართველოს ფინანსთა სამინისტროს წინადადება საქართველოს მთავრობასა და ჩინეთის სახალხო რესპუბლიკის მთავრობას შორის 2008 წლის 21 მარტს გაფორმებული „ეკონომიკური და ტექნიკური თანამშრომლობის შესახებ“ შეთანხმების ფარგლებში გამოყოფილი 20 მილიონი იუანის გამოყენების თაობაზე.

2. საქართველოს ფინანსთა სამინისტრომ საქართველოს მთავრობის სახელით შეუთანხმოს ჩინეთის მხარეს ზემოაღნიშნული შეთანხმების ფარგლებში გამოყოფილი 20 მილიონი იუანის საქართველოს ფინანსთა სამინისტროს სახელმწიფო საქვეუწყებო დაწესებულების _ შემოსავლების სამსახურისათვის სარკინიგზო საინსპექციო-შემოწმებით მოწყობილობათა შესაძენად და მოსაწყობად გამოყენების საკითხი.

3. განკარგულება ძალაშია ხელმოწერის დღიდან.

პრემიერ-მინისტრი                                                                       ნ. გილაური