„საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლით გათვალისწინებულ შეზღუდვაზე საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირის - გარემოს ეროვნული სააგენტოსათვის გამონაკლისის დაშვების თაობაზე

საქართველოს მთავრობის

განკარგულება №387

2013 წლის 2 მაისი

ქ. თბილისი

 „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლით გათვალისწინებულ შეზღუდვაზე საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიული პირის - გარემოს ეროვნული სააგენტოსათვის გამონაკლისის დაშვების თაობაზე

1. „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-7 პუნქტის საფუძველზე, საქართველოს გარემოსა და ბუნებრივი რესურსების დაცვის სამინისტროს საჯარო სამართლის იურიდიულ პირზე - გარემოს ეროვნულ სააგენტოზე არ გავრცელდეს „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლის პირველი პუნქტით გათვალისწინებული შეზღუდვა და მიეცეს თანხმობა, რომ გარდა „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლის პირველი პუნქტით გათვალისწინებული რაოდენობისა და „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლით გათვალისწინებულ შეზღუდვაზე საქართველოს გარემოს დაცვის სამინისტროს საჯარო სამართლის იურიდიული პირის ‑ გარემოს ეროვნული სააგენტოსათვის გამონაკლისის დაშვების თაობაზე“ საქართველოს მთავრობის 2013 წლის 11 იანვრის N 6 განკარგულებით გათვალისწინებული რაოდენობისა, 2013 წლის განმავლობაში დამატებით დაიქირავოს არაუმეტეს 21 (ოცდაერთი) შტატგარეშე თანამშრომელი.

2.    ამ განკარგულების ფარგლებში დაქირავებულ თანამშრომლებზე არ გავრცელდეს „საქართველოს 2013 წლის სახელმწიფო ბიუჯეტის შესახებ“ საქართველოს კანონის 23-ე მუხლის მეორე პუნქტით გათვალისწინებული შეზღუდვა და მათი საშუალო შრომის ანაზღაურება განისაზღვროს არაუმეტეს 1 100 ( ათას ასი) ლარის ოდენობით.

3.    განკარგულება ძალაშია  2013 წლის 14 მაისიდან.

პრემიერ-მინისტრი                                                           ბ . ივანიშვილი