ფაშიზმზე გამარჯვების 68-ე წლისთავის აღსანიშნავი საზეიმო ღონისძიებების შესახებ

საქართველოს მთავრობის

განკარგულება №381

2013 წლის 1 მაისი

ქ. თბილისი

ფაშიზმზე გამარჯვების 68-ე წლისთავის აღსანიშნავი საზეიმო ღონისძიებების შესახებ

ფაშიზმზე გამარჯვების 68-ე წლისთავთან დაკავშირებით:

1. დამტკიცდეს ფაშიზმზე გამარჯვების 68-ე წლისთავის აღსა ნიშნავი საზეიმო ღონისძიებების თანდართული გეგმა.

2. საქართველოს შრომის, ჯანმრთელობისა და სოციალური დაცვის სამინისტრომ უზრუნველყოს მეორე მსოფლიო ომის ვეტერანებისათვის (გარდა ქ. თბილისში რეგისტრირებული მეორე მსოფლიო ომის ვეტერანებისა) თანდართული გეგმის მე-6 პუნქტის შესაბამისად, ერთჯერადი ფულადი სოციალური დახმარების გაცემა, ომის მონაწილეებისათვის 200 (ორასი) ლარის და ომში დაღუპულთა თითოეული მარჩენალდაკარგულისათვის 100 (ასი) ლარის ოდენობით.

3. საქართველოს მთელ ტერიტორიაზე (გარდა ქ. თბილისში რეგისტრირებული მეორე მსოფლიო ომის ვეტერანებისა) ერთჯერადი ფულადი სოციალური დახმარების გაცემა უზრუნველყოს  საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა საჯარო სამართლის იურიდიულმა პირმა - სოციალური მომსახურების სააგენტომ (შემდგომში - სააგენტო) სახელმწიფო სოციალური შინაარსის ფულადი გასაცემლების გაცემა/დარიგებაზე მომსახურე შესაბამისი საბანკო დაწესებულების მეშვეობით, ამ განკარგულების მე- 5 პუნქტის „ა“ ქვეპუნქტის შესაბამისად მიწოდებული სიის საფუძველზე. სააგენტო დამატებით უზრუნველყოფს მონაცემების დადარებას სსიპ ‑ სახელმწიფო სერვისების განვითარების სააგენტოს მიერ მოწოდებულ ბაზასთან, 2013 წლის 1 მაისის მდგომარეობით ცოცხლად მყოფ პირთა დაზუსტებისა და ამ პირებზე სოციალური დახმარების გაცემის მიზნით.

4. ამ განკარგულების მე-2 პუნქტით გათვალისწინებული ღონისძიებების დაფინანსება განხორციელდეს „საქართველოს 2013 წლის სახელმწიფო ბიუჯეტის შესახებ“ საქართველოს კანონით საქართველოს შრომის, ჯანმრთელობისა და სოციალური დაცვის სამინისტროსათვის გათვალისწინებული „სოციალური დახმარებების“ პროგრამის (პროგრამული კოდი 35 02 02) ასიგნებიდან.  ამასთან, საქართველოს ფინანსთა სამინისტრომ  „საქართველოს 2013 წლის სახელმწიფო ბიუჯეტის შესახებ“ საქართველოს კანონში ცვლილებების განხორციელებისას, საქართველოს შრომის, ჯანმრთელობისა და სოციალური დაცვის სამინისტროს წინადადებების საფუძველზე უზრუნველყოს „სოციალური დახმარებების“ პროგრამისათვის შესაბამისი ასიგნების დამატება.

5. საქართველოს თავდაცვის სამინისტრომ არაუგვიანეს 2013 წლის 1 მაისისა :

ა) სააგენტოს მიაწოდოს საქართველოს მთელ ტერიტორიაზე რეგისტრირებული (გარდა ქ. თბილისში რეგისტრირებული მეორე მსოფლიო ომის ვეტერანებისა), მეორე მსოფლიო ომის მონაწილეების და ომში დაღუპულთა მარჩენალდაკარგულების სახელობითი მონაცემები;

ბ) ქ. თბილისის მერიას მიაწოდოს შესაბამისი სახელობითი მონაცემები ქ. თბილისში რეგისტრირებული მეორე მსოფლიო ომის მონაწილეების და ომში დაღუპულთა   მარჩენალდაკარგულების შესახებ.

6.  ეთხოვოს ქ. თბილისის მერიას უზრუნველყოს ქ. თბილისში რეგისტრირებული მეორე მსოფლიო ო მის მონაწილეებისათვის 200 (ორასი) ლარის და ომში დაღუპულთა   მარჩენალდაკარგულებისათვის 100 (ასი) ლარის ფულადი დახმარების მიზნით შესაბამისი სახსრების გამოყოფა და გაცემა.

7. ეთხოვოს სსიპ ‑ საზოგადოებრივ მაუწყებელსა და სხვა ტელეკომპანიებს უზრუნველყონ ფაშიზმზე გამარჯვების 68-ე წლისთავთან დაკავშირებული საზეიმო ღონისძიებების გაშუქება.

8. ფაშიზმზე გამარჯვების აღსანიშნავი საზეიმო ღონისძიებების დაფინანსება განხორციელდეს შესაბამისი მონაწილე უწყებებისათვის შესაბამისი ბიუჯეტით გათვალისწინებული ასიგნებების ფარგლებში.

პრემიერ-მინისტრი                                                                ბ. ივანიშვილი    

ფაშიზმზე გამარჯვების 68-ე წლისთავის აღსანიშნავი საზეიმო ღონისძიებების გეგმა