მოღნისის, სურბმინასისა და სურბნიშანის ეკლესიების მომიჯნავედ კერძო საკუთრებაში/მფლობელობაში არსებულ უძრავ ქონებასთან დაკავშირებული საკითხების შემსწავლელი უწყებათაშორისი კომისიის შექმნის შესახებ

საქართველოს მთავრობის

განკარგულება №671

2013 წლის 28 ივნისი

ქ. თბილისი

მოღნისის, სურბმინასისა და სურბნი შანის ეკლესიების მომიჯნავედ კერძო საკუთრებაში/მფლობელობაში არსებულ უძრავ ქონებასთან დაკავშირებული საკითხების შემსწავლელი უწყებათაშორისი კომისიის შექმნის შესახებ

1. „ საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 29-ე მუხლის შესაბამისად, შეიქმნას მოღნისის, სურბმინასისა და სურბნი შანის ეკლესიების მომიჯნავედ კერძო საკუთრებაში/მფლობელობაში არსებულ უძრავ ქონებასთან დაკავშირებული საკითხების შემსწავლელი უწყებათაშორისი კომისია შემდეგი შემადგენლობით:

ალექსანდრე მარგიშვილი – საქართველოს კულტურისა და ძეგლთა დაცვის               მინისტრის მოადგილე-კომისიის თავმჯდომარე

გიორგი ჯავახიშვილი – საქართველოს ფინანსთა მინისტრის მოადგილე

დიმიტრი ქუმსიშვილი – საქართველოს ეკონომიკისა და მდგრადი განვითარების მინისტრის პირველი მოადგილე

დავით ჯანდიერი – საქართველოს იუსტიციის მინისტრის პირველი მოადგილე.

2. კომისიამ უზრუნველყოს ამ განკარგულების პირველ პუნქტში აღნიშნული საკითხების შესწავლა და საქართველოს მთავრობისათვის შესაბამისი წინადადებების წარდგენა ორი თვის ვადაში.

პრემიერ-მინისტრი                                  ბიძინა ივანიშვილი