დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს ეკონომიკისა და მდგრადი განვითარების სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“ საქართველოს მთავრობის 2012 წლის 13 ივლისის №1365 განკარგულებაში ცვლილების შეტანის თაობაზე | |
|---|---|
| დოკუმენტის ნომერი | 310 |
| დოკუმენტის მიმღები | საქართველოს მთავრობა |
| მიღების თარიღი | 04/04/2013 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 04/04/2013 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №310
2013 წლის 4 აპრილი
ქ. თბილისი
„საქართველოს ეკონომიკისა და მდგრადი განვითარების სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“ საქართველოს მთავრობის 2012 წლის 13 ივლისის №1365 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს ეკონომიკისა და მდგრადი განვითარების სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ“ საქართველოს მთავრობის 2012 წლის 13 ივლისის №1365 განკარგულებაში შეტანილ იქნეს ცვლილება და განკარგულების პირველი პუნქტი ჩამოყალიბდეს შემდეგი რედაქციით:
„1. ანაკლიის ზღვის სანაპიროსათვის განათების სისტემის (მონტაჟით) გამწმენდი და დასუფთავების მანქანების, ორი ერთეული ბალახის საკრეჭი მანქანის, ორი ერთეული დიდი მტვერსასრუტის, სარეცხი მანქანა-დანადგარის და ნაგვის კონტეინერების შესყიდვის მიზნით, აგრეთვე შპს „ანაკლიის“ შეუფერხებელი ფუნქციონირებისათვის საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან საქართველოს ეკონომიკისა და მდგრადი განვითარების სამინისტროს გამოუყოს 1 000 000 (ერთი მილიონი) ლარი სახელმწიფო წილობრივი მონაწილეობით შექმნილი შპს „ანაკლიის“ კაპიტალის გაზრდის მიზნით, საიდანაც 720 000 (შვიდას ოცი ათასი) ლარი გამოყენებულ იქნეს შპს „ანაკლიის“ შეუფერხებელი ფუნქციონირებისათვის ხოლო 280 000 (ორას ოთხმოცი ათასი) ლარი მოხმარდეს ანაკლიის ზღვის სანაპიროსათვის გამწმენდი და დასუფთავების მანქანების, ორი ერთეული ბალახის საკრეჭი მანქანის, ორი ერთეული დიდი მტვერსასრუტის, სარეცხი მანქანა-დანადგარის და ნაგვის კონტეინერების შესყიდვას, ამასთან აღნიშნული თანხიდან 10 000 (ათი ათასი) ლარი გამოყენებულ იქნეს ანაკლიის ზღვის სანაპიროსათვის განათების სისტემის შესყიდვისა და მონტაჟისათვის.“.
პრემიერ-მინისტრი ბ. ივანიშვილი
დოკუმენტის კომენტარები