დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | 2008 წლის საახალწლო დღეებთან დაკავშირებით საახალწლო ნაძვის ხეების დამზადების შესახებ | |
|---|---|
| დოკუმენტის ნომერი | 702 |
| დოკუმენტის მიმღები | საქართველოს მთავრობა |
| მიღების თარიღი | 21/11/2007 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 21/11/2007 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №702
2007 წლის 21 ნოემბერი
ქ. თბილისი
2008 წლის საახალწლო დღეებთან დაკავშირებით საახალწლო ნაძვის ხეების დამზადების შესახებ
1. საქართველოს გარემოს დაცვისა და ბუნებრივი რესურსების სამინისტროს სახელმწიფო-საქვეუწყებო დაწესებულებამ – სატყეო დეპარტამენტმა (ზ. ჭეიშვილი) (შემდგომში – სატყეო დეპარტამენტი) სამცხე-ჯავახეთის რეგიონალური სატყეო სამმართველოს ადიგენის სატყეო უბნის ტერიტორიაზე არსებული დამაკმაყოფილებელი ბუნებრივი განახლების ფიჭვნარ-სოჭნარ და მათ მიმდებარე სოჭნარ კორომებში 1,0 მეტრიდან 2,0 მეტრამდე სიგრძის 5 000 (ხუთი ათასი) ცალამდე სოჭის მოზარდის (მიწის გუნდასთან ერთად) ამოსაღებად შეარჩიოს ფართობები იმის გათვალისწინებით, რომ აღნიშნულ ტერიტორიაზე ხელი არ შეეშალოს სოჭის სახეობის ბუნებრივი განახლების პროცესს.
2. საქართველოს გარემოს დაცვისა და ბუნებრივი რესურსების სამინისტროს საჯარო სამართლის იურიდიულმა პირმა – სატყეო საბაზისო სანერგე მეურნეობამ ამ განკარგულების პირველი პუნქტის შესაბამისად, შერჩეული ტერიტორიებიდან საკუთარი ხარჯებით უზრუნველყოს 1,0 მეტრიდან 2,0 მეტრამდე სიგრძის 5 000 (ხუთი ათასი) ცალამდე სოჭის მოზარდის (მიწის გუნდასთან ერთად) ამოღება, შეფუთვა, ტყის მასივიდან გამოტანა, ტრანსპორტირება, თავის სამოქმედო ტერიტორიაზე მათი აგროწესების დაცვით შენახვა და საახალწლოდ მათი რეალიზაცია.
3. სატყეო დეპარტამენტმა სოჭის მოზარდის (მიწის გუნდასთან ერთად) შეუფერხებელი გადაადგილების მიზნით, უზრუნველყოს ბუნებრივი გარემოდან ამოღებულ და ტრანსპორტირებას დაქვემდებარებული სოჭის მოზარდის (მიწის გუნდასთან ერთად) „ხე-ტყის წარმოშობის დამადასტურებელი დოკუმენტის“ საქართველოს გარემოს დაცვისა და ბუნებრივი რესურსების სამინისტროს საჯარო სამართლის იურიდიული პირის – სატყეო საბაზისო სანერგე მეურნეობისათვის გაცემა.
4. საქართველოს გარემოს დაცვისა და ბუნებრივი რესურსების სამინისტროს საჯარო სამართლის იურიდიულმა პირმა – სატყეო საბაზისო სანერგე მეურნეობამ 1,0 მეტრიდან 2,0 მეტრამდე სიგრძის სოჭის მოზარდის (მიწის გუნდასთან ერთად) ამოსაღებად შესაბამისი ადგილობრივი ბიუჯეტის სასარგებლოდ უზრუნველყოს „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით შესაბამისი მერქნული რესურსის სახეობისათვის დადგენილი მოსაკრებლის (სამასალე მერქნისათვის დადგენილი მოსაკრებლის) გადახდა თითოეულ კუბურ მეტრზე.
5. განკარგულება ძალაშია ხელმოწერის დღიდან.
ვიცე-პრემიერი გ. ბარამიძე
დოკუმენტის კომენტარები