დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | იაღლუჯის საწვრთნელ ბაზასთან მისასვლელი საავტომობილო გზის რეაბილიტაციის შესახებ | |
|---|---|
| დოკუმენტის ნომერი | 247 |
| დოკუმენტის მიმღები | საქართველოს მთავრობა |
| მიღების თარიღი | 15/03/2013 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 15/03/2013 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №247
2013 წლის 15 მარტი
ქ. თბილისი
იაღლუჯის საწვრთნელ ბაზასთან მისასვლელი საავტომობილო გზის რეაბილიტაციის შესახებ
საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ - საქართველოს საავტომობილო გზების დეპარტამენტმა:
ა) 2013 წელს უზრუნველყოს იაღლუჯის საწვრთნელ ბაზასთან მისასვლელი საავტომობილო გზის სარეაბილიტაციო სამუშაოებისა და მასთან დაკავშირებული საპროექტო და საზედამხედველო მომსახურებების სახელმწიფო შესყიდვა;
ბ) ამ განკარგულებით გათვალისწინებული სარეაბილიტაციო სამუშაოებისა და მასთან დაკავშირებული საპროექტო და საზედამხედველო მომსახურებების სახელმწიფო შესყიდვა განახორციელოს ,,საქართველოს 2013 წლის სახელმწიფო ბიუჯეტის შესახებ“ საქართველოს კანონით საქართველოს საავტომობილო გზების დეპარტამენტისათვის ,,გზების მშენებლობისა და მოვლა-შენახვის“ მუხლით (პროგრამული კოდი 25 02 02) განსაზღვრული ასიგნებებიდან;
გ) იაღლუჯის საწვრთნელ ბაზასთან მისასვლელი საავტომობილო გზის საუწყებო დანიშნულებიდან გამომდინარე, ამ განკარგულებით გათვალისწინებული სარეაბილიტაციო სამუშაოების დასრულების შემდეგ, უზრუნველყოს კანონმდებლობით გათვალისწინებული პროცედურების განხორციელება, საავტომობილო გზის აღნიშნული მონაკვეთის საქართველოს შინაგან საქმეთა სამინისტროსათვის გადასაცემად.
პრემიერ‑მინისტრი ბ. ივანიშვილი
დოკუმენტის კომენტარები