„სახელმწიფო დაცვის სპეციალური სამსახურის თანამშრომელთა სოციალური დაცვისა და მატერიალური უზრუნველყოფის შესახებ“ საქართველოს მთავრობის 2013 წლის 28 მარტის №77 დადგენილებაში ცვლილების შეტანის თაობაზე

 1. მე-2 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ყოველთვიურ პროცენტულ (წელთა ნამსახურობის) დანამატს, აგრეთვე დანამატებს ჯანმრთელობისათვის მავნე ან სხვა მძიმე პირობებში სამსახურისათვის;“.

 2. მე-10 პუნქტის შემდეგ დაემატოს „10¹“ და „10²“ პუნქტები შემდეგი რედაქციით:

 „10¹. სახელმწიფო დაცვის სპეციალური სამსახურის კადრის, საკონტრაქტო-პროფესიული და საკონტრაქტო სამსახურში გრძელვადიანი კონტრაქტის საფუძველზე ჩარიცხულ მოსამსახურეებს, სახელმწიფო დაცვის სპეციალურ სამსახურში და/ან სხვა შესაბამის სახელმწიფო ორგანოებში სახელმწიფო სპეციალური ან/და სამხედრო წოდებით ნამსახურევი (გარდა სამხედრო სავალდებულო სამსახურისა) კალენ­დარული წლების მიხედვით ეძლევათ ყოველთვიური პროცენტული (წელთა ნამსახურობის) დანამატი ფულადი სარგოს შემდეგი ოდენობით:

 ა) 1-დან 2 წლამდე - 5%;

 ბ) 2-დან 5 წლამდე - 10%;

 გ) 5-დან 10 წლამდე - 15%;

 დ) 10 წელი და მეტი - 20%.

 შენიშვნა:

 მოსამსახურეებს, რომლებიც სამხედრო ვალდებულებას იხდიან საკონტრაქტო სამსახურში გრძელვადიანი კონტრაქტის საფუძველზე, ყოველთვიური პროცენტული (წელთა ნამსახურობის) დანამატის დაანგარიშებისას ნამსახურობაში ჩაეთვლებათ ის პერიოდი, რომლითაც გრძელვადიანი კონტრაქტის ხანგრძლივობა აღემატება კანონით განსაზღვრული სამხედრო სავალდებულო სამსახურის ვადას.

 10². სამოქალაქო პირისათვის სახელმწიფო სპეციალური წოდების მინიჭების შემთხვევაში, ყოველთვიური პროცენტული (წელთა ნამსახურობის) დანამატის დაანგარიშებისას, სამსახურის უფროსის გადაწყვეტილებით (ბრძანებით) ნამსახურობაში შეიძლება ჩაითვალოს სახელმწიფო დაცვის სპეციალურ სამსახურში სამოქალაქო პირად მუშაობის პერიოდი.“.