„ოზურგეთის მუნიციპალიტეტის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ოზურგეთის მუნიციპალიტეტის საკრებულოს 2012 წლის 27 დეკემბრის №42 დადგენილებაში ცვლილების შეტანის შესახებ

„2.4  დამხარების მსურველებს, რომელთა სარეიტინგო ქულა არის 57 001-დან 150 001-მდე შეუძლიათ სამედიცინო საჭიროებისათვის მოითხოვონ ერთჯერადი დახმარება 100 ლარის ოდენობით, ხოლო სამედიცინო შემთხვევის დროს სამედიცინო დაწესებულებაში თანხა გადაირიცხოს მხოლოდ იმ მოქალაქეებზე, რომელთა ნოზოლოგიების ანაზღაურება არ ხდება არცერთი პროგრამით (როგორც სრული დაფინანსება, ასევე თანაგადახდა), გარდა საყოველთაო ჯანდაცვით არანაზღაურებადი შემთხვევისა. ერთჯერადად გადარიცხული თანხა შეადგენს ინვოისით მოთხოვნილი თანხის ნახევარს, მაგრამ არაუმეტეს 500 ლარისა.

შენიშვნა: იმ მოქალაქეებს რომელთა სამედიცინო მომსახურება (მშობიარობა, სხვა გადაუდებელი შემთხვევები) არ იფარება სახელმწიფოს ან კერძო სადაზღვევო კომპანიების მიერ გაეწიოთ დახმარება მკურნალობის მოთხოვნილი ღირებულების 50%-ის ოდენობით, მაგრამ არაუმეტეს 500 ლარისა.“

„1. ოზურგეთის მუნიციპალიტეტში მცხოვრებ მრავალშვილიან ოჯახებს, რომლებთაც ჰყავთ ოთხი და მეტი 18 წლამდე ასაკის ბავშვი, უფლება აქვთ მიიღონ ყოველთვიური ფულადი დახმარება, თუკი ისინი რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და თუ მათი სარეიტინგო ქულაა 57.001-დან 150.001 -მდე, თითოეულ ბავშვზე 25 ლარის ოდენობით.

2. მრავალშვილიან ოჯახებს, რომელთა სარეიტინგო ქულა აქვთ 0-დან 57.001-ის ჩათვლით, წელიწადში სამჯერ მიეცემათ 100-ლარიანი დახმარება.“