,,მესტიის მუნიციპალიტეტის ბიუჯეტით გათვალისწინებული სოციალური დახმარების გაცემის წესის დამტკიცების შესახებ’’ მესტიის მუნიციპალიტეტის საკრებულოს 2013 წლის 13 მარტის N–19 დადგენილებაში ცვლილების შეტანის შესახებ

მუხლი 1.

 1. მესტიის მუნიციპალიტეტის ბიუჯეტით სოციალური სფეროსათვის სხვადასხვა ორგანიზაციული კოდებით, სოციალურად უმწეო მდგომარეობაში მყოფ ონკოლოგიურ ავადმყოფებზე, დიალიზით მოსარგებლე და ფსიქიურად დაავადებულ პირებზე, სტიქიით (მათ შორის ხანძარი) დაზარალებულ ოჯახებზე,  გარდაცვლილ დევნილთა და ვეტერანთა ოჯახებზე დაკრძალვის ხარჯების,  მრავალშვილიან (არასრულწლოვანი ხუთი შვილი და ზემოთ) ოჯახებზე, მარჩენალდაკარგულ ოჯახებსა და ინვალიდ ბავშვებზე, ახალშობილებზე, ხანდაზმულებზე (90 წელი და ზემოთ), ომის მონაწილე ვეტერანებსა და ომის მონაწილეებთან გათანაბრებულ პირებზე, პირველი ჯგუფის ინვალიდებზე, გაჭირვებულ ოჯახებზე ერთჯერადი მატერიალური (ფულადი) დახმარება, სოციალურად უმწეო მდგომარეობაში მყოფ ავადმყოფთა გადაუდებელი ქირურგიული ოპერაციების დაფინანსებისთვის გათვალისწინებული თანხების მიზნობრივად ხარჯვას უზრუნველყოფს მესტიის მუნიციპალიტეტის ბიუჯეტით გათვალისწინებული სოციალური დახმარების გაცემის კომისია (შემდგომ – კომისია).

    ზ)   გაჭირვებული  ოჯახების დახმარება, რომელშიც შედის: სოციალურად დაუცველი მძიმე კატეგორიის ავადმყოფების  და სიღატაკის ზღვარზე მყოფი ოჯახების  (რომელთა სარეიტინგო ქულა არ აღემატება 35000-ს)  – ერთჯერადი დახმარება  განისაზღვროს არანაკლებ 100   (ასი)  ლარი და   არა უმეტეს 500  (ხუთასი) ლარის ოდენობით;

   ა)  სოციალურად უმწეო მდგომარეობაში მყოფ ავადმყოფთა გადაუდებელი ქირურგიული ოპერაციების დაფინანსება მოხდეს უნაღდო ანგარიშსწორების ფორმით შესაბამისი დაწესებულების (საავადმყოფო) საბანკო ანგარიშზე, ამ დაწესებულების (საავადმყოფოს) მიერ სამედიცინო მომსახურების შესახებ გაცემული ანგარიშ-ფაქტურის შესაბამისად, არაუმეტეს 30%-ის ოდენობით, რასაც სახელმწიფო პროგრამა არ აფინანსებს.