„შპს კორპორაცია სინოჰიდროს ფილიალი საქართველოში“-ის სასარგებლო წიაღისეულის მოპოვების ლიცენზიისაგან განთავისუფლების თაობაზე

საქართველოს მთავრობის

განკარგულება №2138

2013 წლის 20 დეკემბერი

ქ. თბილისი

შპს-ის „კორპორაცია სინოჰიდროს ფილიალი საქართველოში“ სასარგებლო წიაღისეულის მოპოვების ლიცენზიისაგან გან თავისუფლების თაობაზე

1. „ სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში – დებულება) 74  მუხლის საფუძველზე, ქობულეთის შემოვლითი გზის მონაკვეთის – კმ12+400 და კმ31+259, სამშენებლო სამუშ აოების შეუფერხებლად განსახორციელებლად, შპს „კორპორაცია სინოჰიდროს ფილიალი საქართველოში“ (ს/კ 404859122) გან თავისუფლდეს სასარგებლო წიაღისეულის მოპოვების ლიცენზიისაგან სამი თვის ვადით და ქობულეთის მუნიციპალიტეტის სოფ. ზედა სამების მიმდებარე ტერიტორიაზე განახორციელოს 395 000 მ³ სასარგებლო წიაღისეულის (ქვიშა-ხრეში) მოპოვება შემდეგ X და Y კოორდინატების საზღვრებში:

2. შპს „კორპორაცია სინოჰიდროს ფილიალი საქართველოში“ ვალდებულია:

ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი დასკვნით (გეოსაინფორმაციო პაკეტი) განსაზღვრული პირობების შესრულება;

ბ) მოპოვებული სასარგებლო წიაღისეული გამოიყენოს მხოლოდ სამშენებლო პროექტით გათვალისწინებული მიზნებისათვის;

გ) მოპოვებული 395 000 მ³ სასარგებლო წიაღისეულიდან 10 000 მ³ გამოიტანოს წიაღის მოპოვების ტერიტორიიდან და შავი ზღვის სანაპირო ზოლის ნაპირდაცვითი ღონისძიებების უზრუნველსაყოფად, ჩაყაროს ქობულეთის სანაპიროს აღნიშნულ X-730325 და Y-4633262 კოორდინატების ( ქ. ქობულეთში, სასტუმრო „სანაპიროს“ მიმდებარედ, ნაპირდამცავ დეზებთან ) ფარგლებში;

დ) ამ პუნქტის „გ“ ქვეპუნქტით გათვალისწინებული ვალდებულების შესრულება უზრუნველყოს განკარგულების ძალაში შესვლიდან 3 (სამი) თვის ვადაში;

ე) დებულების 7⁴ მუხლის 2¹ პუნქტის შესაბამისად, ერთი თვის ვადაში უზრუნველყოს საქართველოს სახელმწიფო ბიუჯეტში 68 696 (სამოცდარვა ათას ექვსას ოთხმოცდათექვსმეტი ) ლარის გადახდა.

3. შპს-ის „კორპორაცია სინოჰიდროს ფილიალი საქართველოში“ მიერ ლიცენზიისგან განთავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებამ – გარემოსდაცვითი ზედამხედველობის დეპარტამენტმა (შემდგომში – გარემოსდაცვითი ზედამ ხედველობის დეპარტამენტი).

4 . შპს-მ „კორპორაცია სინოჰიდროს ფილიალი საქართველოში“ სასარგებლო წიაღისეულის მოპოვების ვადის გასვლიდან ორი კვირის ვადაში, გარემოსდაცვითი ზედამხედველობის დეპარტამენტში წარადგინოს ინფორმაცია მოპოვებული ბუნებრივი რესურსის ოდენობის შესახებ.

პრემიერ-მინისტრი                                                    ი . ღარიბა შვილი