,,საქართველოს ფინანსთა სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №39 დადგენილებით დამტკიცებულ დებულებაში ცვლილებების შეტანის თაობაზე”

საქართველოს მთავრობის

დადგენილება №115

2004 წლის 16 დეკემბერი

ქ. თბილისი

„საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებულ დებულებაში ცვლილებების შეტანის თაობაზე

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 მუხლის 1-ლი პუნქტისა და „ნორმატიული აქტების შესახებ“ საქართველოს კანონის 36-ე მუხლის 1-ლი პუნქტის შესაბამისად, „საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებულ საქართველოს ფინანსთა სამინისტროს დებულებაში (სსმ III,, 2004 წ., №54, მუხ. 462) შეტანილ იქნეს შემდეგი ცვლილებები:

    მუხლი 1

1. დებულებიდან ამოღებულ იქნეს მე-7 მუხლის 1-ლი პუნქტის „გ“ ქვეპუნქტი და მე-16 მუხლის მე-3 პუნქტი.

2. ამოღებულ იქნეს დებულების მე-3 მუხლის „ჰ“ ქვეპუნქტი, მე-7 მუხლის მე-2 პუნქტის „ზ“ ქვეპუნქტი და მე-15 მუხლი.

3. მე-8 მუხლის „ვ“ ქვეპუნქტი ჩამოყალიბდეს შემდეგი რედაქციით:

„ვ) საზოგადოებასთან ურთიერთობისა და კომუნიკაციების დეპარტამენტი”.

4. 29-ე მუხლი ჩამოყალიბდეს შემდეგი რედაქციით:

     „მუხლი 29

საზოგადოებასთან ურთიერთობისა და კომუნიკაციების დეპარტამენტი უზრუნველყოფს:

ა) სამინისტროს საქმიანობის გამჭვირვალობასა და დემოკრატიზაციას;

ბ) ფინანსთა სამინისტროს საქვეუწყებო დაწესებულებების საზოგადოებასთან ურთიერთობის სამსახურების კოორდინირებულ საქმიანობას;

გ) მასობრივი საინფორმაციო საშუალებებით ფინანსთა სამინისტროს როლისა და მნიშვნელობის განმარტებას სახელმწიფო პოლიტიკის, მისი პრიორიტეტების, ეკონომიკური რეფორმების პროცესში;

დ) სამინისტროში მიმდინარე პროცესებთან დაკავშირებული ოფიციალური შეტყობინებების, განცხადებებისა და სხვა საინფორმაციო მასალების მომზადებასა და მასობრივი საინფორმაციო საშუალებებისათვის მიწოდებას;

ე) სამინისტროს მიერ ორგანიზებული ღონისძიებების, მიღებული გადაწყვეტილებების შესახებ მასობრივი ინფორმაციის საშუალებების ინფორმირებას;

ვ) საჯარო ინფორმაციის ხელმისაწვდომობას.“.

    მუხლი 2

დადგენილების 1-ლი პუნქტი ამოქმედდეს 2005 წლის 1 იანვრიდან, მე-2 პუნქტი – 2005 წლის 13 იანვრიდან, მე-3 და მე-4 პუნქტები – გამოქვეყნებისთანავე.

პრემიერ-მინისტრი ზ. ჟვანია