„ზემო აფხაზეთში ომარიშარისა და საკენის ჰიდროელექტროსადგურების ფუნქციონირების შესახებ“ საქართველოს მთავრობის 2008 წლის 8 მარტის №107 განკარგულებაში ცვლილების შეტანის თაობაზე

საქართველოს მთავრობის

განკარგულება №380

2008 წლის 4 ივნისი

ქ. თბილისი

„ ზემო აფხაზეთში ომარიშარისა და საკენის ჰიდროელექტროსადგურების ფუნქციონირების შესახებ“ საქართველოს მთავრობის 2008 წლის 8 მარტის №107 განკარგულებაში ცვლილების შეტანის თაობაზე

1. „ზემო აფხაზეთში ომარიშარისა და საკენის ჰიდროელექტროსადგურების ფუნქციონირების შესახებ“ საქართველოს მთავრობის 2008 წლის 8 მარტის №107 განკარგულებაში შეტანილ იქნეს ცვლილება და მე-2 პუნქტი ჩამოყალიბდეს შემდეგი რედაქციით:

„2. საქართველოს ეკონომიკური განვითარების სამინისტრომ (ე. შარაშიძე) და სსიპ – საწარმოთა მართვის სააგენტომ პირველი პუნქტით გათვალისწინებული პროცედურების დასრულებისთანავე უზრუნველყონ ზემო აფხაზეთში, დალი-კოდორის ხეობაში არსებული ომარიშარისა და საკენის ჰიდროელექტროსადგურების კანონმდებლობით დადგენილი წესის თანახმად სახელმწიფო წილობრივი მონაწილეობით არსებული შპს „ენგურჰესისა“ და ამავე ტერიტორიაზე განთავსებული 10 კვ. და 0,4 კვ. ელექტროგადამცემი ხაზების შპს „საქართველოს სახელმწიფო ელექტროსისტემის“ საწესდებო კაპიტალში შესატანად სათანადო ღონისძიებების განხორციელება.“.

2. განკარგულება ძალაშია ხელმოწერის დღიდან.

პრემიერ-მინისტრი                              ვ. გურგენიძე