დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | რუსეთის ფედერაციის სამხედრო აგრესიის შედეგად დაზარალებული საქართველოს ზოგადსაგანმანათლებლო სკოლების მოსწავლეთათვის ერთჯერადი ფინანსური დახმარების გაცემისა და მასთან დაკავშირებული მომსახურების განხორციელების შესახებ | |
|---|---|
| დოკუმენტის ნომერი | 831 |
| დოკუმენტის მიმღები | საქართველოს მთავრობა |
| მიღების თარიღი | 03/12/2008 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 03/12/2008 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №831
2008 წლის 3 დეკემბერი
ქ. თბილისი
რუსეთის ფედერაციის სამხედრო აგრესიის შედეგად დაზარალებული საქართველოს ზოგადსაგანმანათლებლო სკოლების მოსწავლეთათვის ერთჯერადი ფინანსური დახმარების გაცემისა და მასთან დაკავშირებული მომსახურების განხორციელების შესახებ
1. საქართველოს ლტოლვილთა და განსახლების სამინისტრომ „საქართველოს 2008 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილ ასიგნებათა ფარგლებში 116 000 (ას თექვსმეტი ათასი) ლარი წარმართოს რუსეთის ფედერაციის სამხედრო აგრესიის შედეგად დაზარალებული საქართველოს ზოგადსაგანმანათლებლო სკოლების მოსწავლეთათვის, ერთი ბავშვისათვის 100 (ასი) ლარის ოდენობით ერთჯერადი ფინანსური დახმარების გაცემის მიზნით.
2. „საომარი მოქმედების შედეგად დაზარალებული მოსახლეობისა და იძულებით გადაადგილებული პირის – დევნილის სტატუსის მქონე პირთათვის გარკვეული დახმარების გაწევის შესახებ“ საქართველოს მთავრობის 2008 წლის 22 სექტემბრის №603 განკარგულების პირველი პუნქტის „გ“ ქვეპუნქტის, „რუსეთის ფედერაციის სამხედრო აგრესიის შედეგად დაზარალებული საქართველოს ზოგადსაგანმანათლებლო სკოლების მოსწავლეთათვის ერთჯერადი ფინანსური დახმარების გაცემის თაობაზე“ საქართველოს მთავრობის 2008 წლის 24 ოქტომბრის №703 განკარგულების პირველი პუქტისა და ამ განკარგულების პირველი პუნქტით გათვალისწინებული ღონისძიებების განხორციელებისათვის საქართველოს ლტოლვილთა და განსახლების სამინისტრომ „საქართველოს 2008 წლის სახელმწიფო ბიუჯეტის შესახებ“ საქართველოს კანონით მისთვის გამოყოფილ ასიგნებათა ფარგლებში 15 500 (თხუთმეტი ათას ხუთასი) ლარი მიმართოს საბანკო მომსახურების ხარჯის ასანაზღაურებლად.
3. საქართველოს ფინანსთა სამინისტრომ (ნ. გილაური) ამ განკარგულების პირველი და მე-2 პუნქტების შესასრულებლად განახორციელოს შესაბამისი ღონისძიებები საქართველოს კანონმდებლობით დადგენილი წესით.
4. ნება დაერთოს საქართველოს ლტოლვილთა და განსახლების სამინისტროს, ამ განკარგულების მე-2 პუნქტით გათვალისწინებული ღონისძიებების განხორციელებისათვის საჭირო შესყიდვები განახორციელოს ერთ პირთან მოლაპარების საშუალებით „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის ,,ე“ ქვეპუნქტის შესაბამისად.
5. განკარგულება ძალაშია ხელმოწერის დღიდან.
პრემიერ-მინისტრი გ.მგალობლიშვილი
დოკუმენტის კომენტარები