დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საუნივერსიტეტო ინფრასტრუქტურის განვითარების პროგრამის ფარგლებში გათვალისწინებული ინტელექტუალური მომსახურების სახელმწიფო შესყიდვების ერთ პირთან მოლაპარაკების საშუალებით განხორციელების უფლებამოსილების საქართველოს განათლებისა და მეცნიერების სამინისტროსათვის მინიჭების შესახებ | |
|---|---|
| დოკუმენტის ნომერი | 354 |
| დოკუმენტის მიმღები | საქართველოს მთავრობა |
| მიღების თარიღი | 27/05/2008 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 27/05/2008 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №354
2008 წლის 27 მაისი
ქ. თბილისი
საუნივერსიტეტო ინფრასტრუქტურის განვითარების პროგრამის ფარგლებში გათვალისწინებული ინტელექტუალური მომსახურების სახელმწიფო შესყიდვების ერთ პირთან მოლაპარაკების საშუალებით განხორციელების უფლებამოსილების საქართველოს განათლებისა და მეცნიერების სამინისტროსათვის მინიჭების შესახებ
საუნივერსიტეტო ინფრასტრუქტურის განვითარების პროგრამის ფარგლებში („საქართველოს 2008 წლის სახელმწიფო ბიუჯეტის შესახებ“ საქართველოს კანონის საბიუჯეტო ორგანიზაციული კოდი 32 12 05) საქართველოს განათლებისა და მეცნიერების სამინისტრო ახორციელებს რიგი უმაღლესი საგანმანათლებლო დაწესებულებების რეაბილიტაციას.
რეაბილიტაციის სამუშაოთა დაგეგმვისა და შესრულებისათვის საჭიროა საპროექტო-სახარჯთაღრიცხვო დოკუმენტაციის შესყიდვა, რაც თავისთავად არის ინტელექტუალური მომსახურების შესყიდვა. ინტელექტუალური მომსახურების შესყიდვისათვის კანონმდებლობით დადგენილია 2-ეტაპიანი ტენდერი, რომელიც მოიცავს დაახლოებით 45 დღეს. სრული რეაბილიტაციის სამუშაოთა შესრულების მასშტაბებიდან გამომდინარე რეაბილიტაციის ვადებმა შესაძლებელია გადააჭარბოს საზაფხულო არდადეგების პერიოდს და ამით ხელი შეუშალოს სასწავლო პროცესის დადგენილ ვადებში დაწყებას. ზემოაღნიშნულიდან გამომდინარე:
1. „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად განხორციელების მიზნით საუნივერსიტეტო ინფრასტრუქტურის განვითარების პროგრამის ფარგლებში („საქართველოს 2008 წლის სახელმწიფო ბიუჯეტის შესახებ“ საქართველოს კანონის საბიუჯეტო ორგანიზაციული კოდი 32 12 05) საქართველოს განათლებისა და მეცნიერების სამინისტროს მიენიჭოს უფლებამოსილება უზრუნველყოს სსიპ – გორის უნივერსიტეტისა და სსიპ – ახალციხის ინსტიტუტის რეაბილიტაციის სამუშაოთა შესასრულებლად საჭირო საპროექტო-სახარჯთაღრიცხვო დოკუმენტაციის შედგენის მომსახურების სახელმწიფო შესყიდვა ერთ პირთან მოლაპარაკების საშუალებით.
2. განკარგულება ძალაშია ხელმოწერის დღიდან.
პრემიერ-მინისტრი ვ. გურგენიძე
დოკუმენტის კომენტარები