მომავალი თაობებისა და სტაბილური განვითარების ფონდებში თანხების გადარიცხვის თაობაზე

საქართველოს მთავრობის

განკარგულება №252

2008 წლის 24 აპრილი

ქ. თბილისი

მომავალი თაობებისა და სტაბილური განვითარების ფონდებში თანხების გადარიცხვის თაობაზე

1. „მომავალი თაობებისა და სტაბილური განვითარების ფონდების შესახებ“ საქართველოს კანონის მე-3 მუხლის მე-2 პუნქტის „დ“ ქვეპუნქტისა და მე-11 მუხლის მე-2 პუნქტის „დ“ ქვეპუნქტის, აგრეთვე „საქართველოს 2008 წლის სახელმწიფო ბიუჯეტის შესახებ“ საქართველოს კანონის 38-ე მუხლის მე-13 პუნქტის შესაბამისად საქართველოს ფინანსთა სამინისტრომ 2008 წლის 9 მაისამდე უზრუნველყოს მომავალი თაობების ფონდში 150.0 (ას ორმოცდაათი) მლნ აშშ დოლარის და სტაბილური განვითარების ფონდში 100.0 (ასი) მლნ აშშ დოლარის გადარიცხვა.

2. „მომავალი თაობებისა და სტაბილური განვითარების ფონდების შესახებ“ საქართველოს კანონის მე-6 მუხლის პირველი პუნქტის შესაბამისად საქართველოს ფინანსთა სამინისტრომ შეიმუშაოს და საქართველოს მთავრობას წარმო­უდგინოს გენერალური მანდატის პროექტი.

3. განკარგულება ძალაშია ხელმოწერის დღიდან.

პრემიერ-მინისტრი                    ვ. გურგენიძე