დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვის და შეფასების წესისა და იმ სამედიცინო დაწესებულებების ან/და სასწავლებლების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა“ საქართველოს შრომის, ჯანმრთელობისა და სოციალური დაცვის მინისტრის 2009 წლის 8 აპრილის №135/ნ ბრძანებაში ცვლილების შეტანის შესახებ | |
|---|---|
| დოკუმენტის ნომერი | 01-2/ნ |
| დოკუმენტის მიმღები | საქართველოს შრომის, ჯანმრთელობისა და სოციალური დაცვის მინისტრი |
| მიღების თარიღი | 10/01/2014 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 10/01/2014 |
| სარეგისტრაციო კოდი | 470230000.22.035.016234 |
|
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ: |
| მუხლი 1 |
„რეზიდენტურის ალტერნატიულ დიპლომისშემდგომ განათლებაში (პროფესიულ მზადებაში) მონაწილეობის, მისი წარმართვის და შეფასების წესისა და იმ სამედიცინო დაწესებულებების ან/და სასწავლებლების აკრედიტაციის კრიტერიუმების და წესის დამტკიცების შესახებ, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა“ საქართველოს შრომის, ჯანმრთელობისა და სოციალური დაცვის მინისტრის 2009 წლის 8 აპრილის №135/ნ ბრძანების (სსმ III, 10.04.2009 N45 მუხ. 509) პირველი პუნქტის „ბ“ ქვეპუნქტით დამტკიცებულ დანართ 2-ში (იმ სამედიცინო დაწესებულებების ან/და სასწავლებლების აკრედიტაციის კრიტერიუმები და წესი, რომლებშიც შესაძლებელია დიპლომისშემდგომი განათლების (პროფესიული მზადების) კურსის გავლა) შეტანილ იქნეს შემდეგი ცვლილება: |
1.
მე-2 მუხლის: |
ა)
პირველი პუნქტი ჩამოყალიბდეს შემდეგი რედაქციით:
„1. დაწესებულებების/სასწავლებლების აკრედიტაცია შესაძლებელია, განხორციელდეს კონკრეტული საექიმო სპეციალობ(ებ)ის დიპლომისშემდგომი განათლების (პროფესიული მზადების)/სარეზიდენტო პროგრამ(ებ)ის ან/და მოდულ(ებ)ის ფარგლებში, ასევე კონკრეტული საექიმო სპეციალობ(ებ)ის: ა) მომიჯნავე საექიმო სპეციალობ(ებ)ისათვის დადგენილი (გადამზადების) კურსის ფარგლებში; ბ) მომიჯნავე საექიმო სპეციალობ(ებ)ისათვის საერთო (საბაზისო) და შესაბამის საექიმო სპეციალობაში/სპეციალობებში შემდგომი მზადების კურსის ფარგლებში.“; |
ბ)
11 პუნქტი ამოღებულ იქნეს; |
გ)
მე-6 პუნქტი ამოღებულ იქნეს; |
დ)
მე-7 პუნქტი ჩამოყალიბდეს შემდეგი რედაქციით:
„7. აფილირებულ დაწესებულებას/სასწავლებელს, უფლება აქვს საბჭოსთან შეთანხმებით: ა) სათანადო სიმძლავრეების არსებობის შემთხვევაში, მოიპოვოს აკრედიტაცია იგივე სარეზიდენტო პროგრამის განხორციელების მიზნით; ბ) გახდეს სხვა აკრედიტებული დაწესებულების/სასწავლებლის კონტრაქტორი იგივე პროგრამის მოდულ(ებ)ის ფარგლებში, მოდულ(ებ)ის მიმდინარეობის ვადებისა და კვოტის გათვალისწინებით; გ) მოიპოვოს აკრედიტაცია იგივე პროგრამის ცალკეული მოდულ(ებ)ის განხორციელების მიზნით, მოდულ(ებ)ის მიმდინარეობის ვადებისა და კვოტის გათვალისწინებით.“. |
2.
მე-6 მუხლის: |
ა)
პირველი პუნქტი ჩამოყალიბდეს შემდეგი რედაქციით:
„1. რეზიდენტთა/მაძიებელთა რაოდენობის განსაზღვრა გულისხმობს დაწესებულებისათვის/ სასწავლებლისათვის მათი მაქსიმალური რაოდენობის – ლიმიტის (კვოტის) განსაზღვრას, რომლის ერთდროულად მზადების უფლება აქვს დაწესებულებას / სასწავლებელს: ა) იმ სარეზიდენტო პროგრამის (მ.შ. მომიჯნავე საექიმო სპეციალობებისათვის დადგენილი (გადამზადების) კურსის, მომიჯნავე საექიმო სპეციალობებისათვის საერთო (საბაზისო) და შესაბამის საექიმო სპეციალობებში შემდგომი მზადების კურსის) ფარგლებში, რომელზედაც უნდა მოიპოვოს აკრედიტაცია, პროგრამის (კურსის) ხანგრძლივობის ვადებში; ბ) იმ მოდულ(ებ)ის ფარგლებში, რომელზედაც უნდა მოიპოვოს აკრედიტაცია მოდულის ხანგრძლივობის ვადებში.“; |
ბ)
31 პუნქტის შემდეგ დაემატოს შემდეგი შინაარსის 32 პუნქტი:
„32. სარეზიდენტო პროგრამის ფარგლებში, აკრედიტაციისას, დამატებით განისაზღვრება რეზიდენტთა/მაძიებელთა მაქსიმალური რაოდენობა – ლიმიტი (კვოტა) პროგრამის შესაბამისი მოდულ(ებ)ის ფარგლებში.“. |
3.
მე-11 მუხლის შემდეგ დაემატოს შემდეგი შინაარსის მე-12 მუხლი:
„მუხლი 12. გარდამავალი დებულებები 1. აკრედიტებულ სამედიცინო დაწესებულებებში/სასწავლებლებში რეზიდენტთა/მაძიებელთა ახალი ნაკადის მზადება 2013 წლის 19 დეკემბრის შემდეგ განხორციელდეს 2013 წლის 19 დეკემბრის შემდგომ აკრედიტებული დიპლომისშემდგომი განათლების (პროფესიული მზადების)/სარეზიდენტო პროგრამ(ებ)ის შესაბამისად და იმ ლიმიტის (კვოტის) ფარგლებში, რომელიც მათ მიენიჭათ 2013 წლის 20 დეკემბრის ჩათვლით. 2. 2013 წლის 19 დეკემბრის შემდგომ აკრედიტებული დიპლომისშემდგომი განათლების (პროფესიული მზადების)/სარეზიდენტო პროგრამ(ებ)ით მზადების დაწყებამდე აკრედიტებული დაწესებულება/სასწავლებელი ვალდებულია, მოიპოვოს აკრედიტაცია მხოლოდ იმ მოდულ(ებ)ის ფარგლებში, რომელიც დაემატა ხსენებულ პროგრამას ან რომელმაც განიცადა შინაარსობრივი ცვლილება. აღნიშნულ შემთხვევაში აკრედიტაცია შესაძლებელია განხორციელდეს ეტაპობრივად, სტომატოლოგიური სპეციალობების დიპლომისშემდგომი განათლების (პროფესიული მზადების)/სარეზიდენტო პროგრამების ფარგლებში - სააკრედიტაციო ვიზიტის გარეშე, შესაბამისი ინფორმაციის გამოთხოვის და საბჭოს გადაწყვეტილების საფუძველზე. ამასთან, დაწესებულების/სასწავლებლის მოდულების ფარგლებში დამატებითი აკრედიტაციის განხორციელებისას შესაძლებელია, საბჭოსთან შეთანხმებით, ლიმიტის (კვოტის) კორექტირება პროგრამაში განხორციელებული ცვლილებების შესაბამისად.“. |
4.
დანართი 2.1-ის ცხრილი II (კლინიკური რესურსი) ჩამოყალიბდეს თანდართული რედაქციით. |
5.
დანართი 2.2-ის (აკრედიტაციის კრიტერიუმები): |
ა)
მე-2 პუნქტის „ბ“, ,,გ“ და ,,დ“ ქვეპუნქტები ჩამოყალიბდეს შემდეგი რედაქციით:
„ბ) თერაპიული პროფილი - საშუალოდ ერთი რეზიდენტი/მაძიებელი წელიწადში 1 000 ვიზიტზე (მ.შ. შესაბამისი გადაუდებელი სამედიცინო დახმარების (EMERGENCY) მიმართვიანობის რაოდენობა); გ) ქირურგიული პროფილი - საშუალოდ ერთი რეზიდენტი/მაძიებელი წელიწადში 800 ვიზიტზე (მ.შ. შესაბამისი გადაუდებელი სამედიცინო დახმარების (EMERGENCY) მიმართვიანობის რაოდენობა); დ) პედიატრიული პროფილი - საშუალოდ ერთი რეზიდენტი/მაძიებელი წელიწადში 1 000 ვიზიტზე (მ.შ. შესაბამისი გადაუდებელი სამედიცინო დახმარების (EMERGENCY) მიმართვიანობის რაოდენობა);“; |
ბ)
მე-4 პუნქტის „თ“ ქვეპუნქტი ჩამოყალიბდეს შემდეგი რედაქციით:
„თ) ანესთეზიოლოგია-რეანიმაციული პროფილი - საშუალოდ ერთი რეზიდენტი/მაძიებელი წელიწადში ზოგადი და რეგიონული (სპინალური, პერიდურული და წნულოვანი) გაუტკივარებით ჩატარებულ არანაკლებ 70 ოპერაციაზე.“; |
გ)
41 პუნქტს დაემატოს შემდეგი შინაარსის „ე“ ქვეპუნქტი:
„ე) ანესთეზიოლოგია-რეანიმაციული პროფილის შემთხვევაში - მხოლოდ ამ დანართის მე-4 პუნქტით განსაზღვრულ კრიტერიუმებს.“. |
| მუხლი 2 |
ბრძანება ამოქმედდეს გამოქვეყნებისთანავე.
|
|
II. კლინიკური რესურსი
|
დოკუმენტის კომენტარები