„სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებაში ცვლილების შეტანის თაობაზე

1. დადგენილებით დამტკიცებული „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით სადაზ­ღ­ვე­­ვო ვაუჩერის  პირობების“:

ა)  მე-2 მუხლს დაემატოს მე-11 პუნქტი  შემდეგი რედაქციით:

„11. ვაუჩერის პირობების მე-13 მუხლით გათვალისწინებული გარემოებების დადგომისას, ის პირები (ოჯახები), რომლებიც მიუხედავად იმისა, რომ აკმაყოფილებენ ამ მუხლის მე-2 პუნქტით გათვალისწინებულ პირობებს, ხდებიან საქართველოს მთავრობის 2013 წლის 21 თებერვლის №36 დადგენილების მოსარგებლეები. ამ პუნქტით გათვალისწინებული პირებისათვის შესაბამისი სამედიცინო მომსახურების მიწოდება ხორციელდება საქართველოს მთავრობის   №36 დადგენილების დანართი №1.3-ის პირველი პუნქტის შესაბამისი წესებისა და პირობების გათვალისწინებით.“;

ბ) მე-5 მუხლის 12¹ პუნქტი ჩამოყალიბდეს შემდეგი რედაქციით:

„12¹. ბენეფიციარის მიერ უარის თქმის შემთხვევაში იგი კარგავს უფლებას, ისარგებლოს ამ დადგენილებითა და საქართველოს მთავრობის 2012 წლის 7 მაისის №165 დადგენილებით განსაზღვრული ჯანმრთელობის დაზღვევის სახელმწიფო პროგრამით, ასევე საქართველოს მთავრობის 2013 წლის 21 თებერვლის №36 დადგენილების დანართი N1.3-ით განსაზღვრული პირობებით, უარის თქმის მომდევნო თვიდან ერთი კალენდარული წლის განმავლობაში, მაგრამ არა უგვიანეს ამ დადგენილებით დამტკიცებული ვაუჩერის პირობების მე-13 მუხლით განსაზღვრული გარემოებების (პროგრამის შეწყვეტა) დადგომის თარიღისა. ამ ვადის გასვლის შემდეგ, ჯანმრთელობის დაზღვევის სახელმწიფო პროგრამაში მონაწილეობის მიზნით, პირი ვალდებულია განცხადებით მიმართოს სააგენტოს. ამ შემთხვევაში, თუ პირი განეკუთვნება ამ დადგენილებით განსაზღვრულ ბენეფიციართა კატეგორიას, დაზღვევით სარგებლობის უფლებას მოიპოვებს განცხადებით მიმართვის თვის პირველი რიცხვიდან, ხოლო საქართველოს მთავრობის 2013 წლის 21 თებერვლის N36 დადგენილების დანართი №1.3-ის პირველი პუნქტით სარგებლობის უფლებას - საქართველოს მთავრობის 2013 წლის 21 თებერვლის №36 დადგენილებით გათვალისწინებული წესის შესაბამისად.“.

2.  დანართი №3-ის  (სახელმწიფო პროგრამების ფარგლებში სამე­დი­ცინო რაიონების მიხედვით სადაზღვევო ვაუჩერის ფასის დადგენისა და მზღვეველი კომპანიის გამოვლენის წესი და უწყებათაშორისი კომი­სი­ის სხვა უფლებამოსილებები) მე-2 მუხლის პირველი და 1¹ პუნქტები ჩამოყალიბდეს შემდეგი რედაქციით:

,,1. სამედიცინო რაიონების მიხედვით ვაუჩერის ფასის დადგენის, მზღვეველი კომპანიის გამოვლენისა და კონკურსის შედეგად გამოვლე­ნი­ლი მზღვეველის ან ამხანაგობის მიერ აღებულ ვალდებულებათა შეს­რუ­ლებისა და ასევე პროგრამის ზედამხედველობის მიზნით შეიქმნას უწ­ყე­ბათაშორისი კომისია შემდეგი შემადგენლობით:

ა) დავით სერგეენკო - საქართველოს შრომის, ჯანმრთელობისა და სოციალური დაცვის მინისტრი, უწყებათაშორისი კომისიის თავმჯდო­მარე;

ბ) მარიამ ჯაში - საქართველოს შრომის, ჯანმრთელობისა და სოცია­ლური დაცვის მინისტრის მოადგილე, უწყებათაშორისი კომისიის თავმჯდომარის მოადგილე;

გ) დიმიტრი მახათაძე - საქართველოს შრომის, ჯანმრთელობისა და სოციალური დაცვის მინისტრის პირველი მოადგილე, უწყებათაშორისი კომისიის თავმჯდომარის მოადგილე;

დ) დავით ლომიძე - საქართველოს შრომის, ჯანმრთელობისა და სოციალური დაცვის მინისტრის მოადგილე, კომისიის წევრი;

ე) თენგიზ შერგელაშვილი - საქართველოს რეგიონული განვითა­რებისა და ინფრასტრუქტურის მინისტრის პირველი მოადგილე, კომისი­ის წევრი;

ვ) დიმიტრი ქუმსიშვილი - საქართველოს ეკონომიკისა და მდგრა­დი განვითარების მინისტრის პირველი მოადგილე, კომისიის წევრი;

ზ) ლაშა ხუციშვილი - საქართველოს ფინანსთა სამინისტროს სსიპ - შემოსავლების სამსახურის უფროსი, კომისიის წევრი;

თ) გიორგი თაბუაშვილი - საქართველოს ფინანსთა მინისტრის პირველი მოადგილე, კომისიის წევრი;

ი) ალექსანდრე ბურჭულაძე  - საქართველოს იუსტიციის მინი­ს­ტ­რ­ის მოადგილე, კომისიის წევრი;

კ) ირაკლი ქარსელაძე - საქართველოს მთავრობის კანცელარიის ად­მი­ნისტრაციული დეპარტამენტის უფროსი, კომისიის წევრი;

ლ) ლია გიგაური - საქართველოს განათლებისა და მეცნიერების მი­ნი­სტრის მოადგილე, კომისიის წევრი;

მ) ლევან რაზმაძე - სსიპ - კონკურენციისა და სახელმწიფო შესყი­დ­ვე­ბის სააგენტოს თავმჯდომარე, კომისიის წევრი;

ნ) მამუკა ქაცარავა - ქ. თბილისის მერიის სოციალური მომსახუ­რე­ბი­სა და კულტურის საქალაქო სამსახურის უფროსი, კომისიის წევრი;

ო) ლაშა ნიკოლაძე - სსიპ - საქართველოს დაზღვევის სახელმწიფო ზე­დამხედველობის სამსახურის უფროსი, კომისიის წევრი;

პ) რევაზ მაჭარაშვილი  - საქართველოს ეკონომიკისა და მდგრადი გა­ნვითარების სამინისტროს საჯარო მოსამსახურე,  კომისიის მდივანი.

1¹. უწყებათაშორის კომისიას ხელმძღვანელობს კომისიის თავმჯ­დო­მარე, თავმჯდომარის არყოფნის შემთხვევაში – თავმჯდომარის ერთ-ერ­თი მოადგილე. ამასთან, კომისიის წევრების არყოფნის შემთხვევაში (მი­ვლინება, შვებულება, დროებითი შრომისუუნარობა და ა.შ.), კომი­სი­ა­ში მონაწილეობას იღებს ამ წევრის მოვალეობის შემსრულებელი, რო­მე­ლიც განისაზღვრება შესაბამისი კანონმდებლობით.“.