,,საქართველოს ცენტრალური საარჩევნო კომისიის რეგლამენტის დამტკიცების თაობაზე’’ საქართველოს ცენტრალური საარჩევნო კომისიის 2012 წლის 3 თებერვლის №1/2012 დადგენილებაში ცვლილებების შეტანის შესახებ

  ,,საქართველოს საარჩევნო კოდექსი’’ საქართველოს ორგანული კანონის 77-ე მუხლის მე-5 პუნქტისა და ,,ნორმატიული აქტების შესახებ’’ საქართველოს კანონის მე-20 მუხლის საფუძველზე, საქართველოს ცენტრალური საარჩევნო კომისია ადგენს:

,,საქართველოს ცენტრალური საარჩევნო კომისიის რეგლამენტის დამტკიცების თაობაზე’’ საქართველოს ცენტრალური საარჩევნო კომისიის 2012 წლის 3 თებერვლის №1/2012 დადგენილებაში (სსმ ვებგვერდი, 06/02/2012,  010190030.15.008.016019) შეტანილ იქნეს შემდეგი სახის ცვლილებები:
1.    რეგლამენტის მე-8 მუხლის პირველი პუნქტის:
ა) 1.4.1 და 1.4.2 ქვეპუნქტები შეიცვალოს და ჩამოყალიბდეს შემდეგი რედაქციით:
,,1.4.1. მატერიალური რესურსების მართვის განყოფილება;
  1.4.2. ადამიანური რესურსებისა (კადრების) და საქმისწარმოების განყოფილება.’’
ბ) 1.6 ქვეპუნქტი შეიცვალოს და ჩამოყალიბდეს შემდეგი რედაქციით:
,,1.6.  დაგეგმვისა და სახელმწიფო შესყიდვების დეპარტამენტი;”
2. რეგლამენტის მე-8 მუხლის მე-2 პუნქტის 2.3 ქვეპუნქტი შეიცვალოს და ჩამოყალიბდეს შემდეგი  რედაქციით:
,,2.3. თავმჯდომარის მრჩეველი  (II, III კატეგორია);”
3.    რეგლამენტის მე-10 მუხლს დაემატოს 9¹, 9² და 9³  პუნქტები შემდეგი რედაქციით:
,,9¹. უზრუნველყოფს საარჩევნო ადმინისტრაციის გენდერული თანასწორობის საკითხებზე სამოქმედო გეგმის შესრულებას, ამავე საკითხებზე მომუშავე საარჩევნო ადმინისტრაციის მუდმივმოქმედი კომისიის მუშაობის ორგანიზებას.
9². უზრუნველყოფს ეთნიკური უმცირესობების ჯგუფებთან მუშაობას და ახორციელებს ამ ჯგუფთა საარჩევნო კანონმდებლობით მინიჭებული უფლებების რეალიზების პროცესის ხელშეწყობას და კოორდინაციას უწევს ამ მიმართულებით საარჩევნო ადმინისტრაციის საქმიანობის დაგეგმვასა და შესრულებას.
9³. უზრუნველყოფს შეზღუდული შესაძლებლობების მქონე პირთა, ახალგაზრდებისა და სხვა კატეგორიის მოწყვლადი ჯგუფების წარმომადგენელთა შესაძლებლობების გაზრდას საარჩევნო პროცესში, კოორდინაციას უწვეს ამ მიმართულებით საარჩევნო ადმინისტრაციის საქმიანობის დაგეგმვასა და შესრულებას.’’
4. რეგლამენტის მე-11 მუხლის მე-10 და მე-11  პუნქტები  შეიცვალოს და ჩამოყალიბდეს შემდეგი რედაქციით:
,,10. დაგეგმვისა და სახელმწიფო შესყიდვების დეპარტამენტთან ერთად ადგენს არჩევნების მოსამზადებლად და ჩასატარებლად საჭირო დაფინანსების გეგმას.  
11. ადგენს და დაგეგმვისა და სახელწიფო შესყიდვების დეპარტამენტს გადასცემს ინფორმაციას არჩევნების ჩასატარებლად საჭირო ინვენტარისა და სხვადასხვა საარჩევნო დოკუმენტაციის რაოდენობის შესახებ.”
5. რეგლამენტის მე-11 მუხლს დაემატოს 21¹ პუნქტი  შემდეგი რედაქციით:
,,21¹. უზრუნველყოფს საარჩევნო ადმინისტრაციის საქმიანობისათვის სტამბის ორგანიზაციასა და პოლიგრაფიული საქმიანობის გამართულ ფუნქციონირებას.’’
6. რეგლამენტის მე-13 მუხლის მე-20, 21-ე და 22-ე პუნქტები ამოღებულ იქნეს.
7. რეგლამენტის მე-13 მუხლს დაემატოს 26¹ პუნქტი შემდეგი რედაქციით:
,,26¹. თავისი კომპეტენციის ფარგლებში უზრუნველყოფს ,,პერსონალურ მონაცემთა დაცვის შესახებ” საქართველოს კანონის მოთხოვნების შესრულებასა და დაცვას.’’   
8. რეგლამენტის  მე-13 მუხლის 39-ე პუნქტი შეიცვალოს და ჩამოყალიბდეს შემდეგი რედაქციით:  
,,39. ახორციელებს საარჩევნო კოდექსითა და ამ რეგლამენტით ცესკოს მდივნისათვის განკუთვნილი უფლებამოსილებების შესრულებისათვის საჭირო დოკუმენტაციის მომზადებას,  კერძოდ,  საარჩევნო კომისიებში საარჩევნო სუბიექტებისა და  ადგილობრივი სადამკვირვებლო ორგანიზაციების წარმომადგენლების რეგისტრაციისა და სააკრედიტაციო დოკუმენტაციის მომზადებას.”
9.  რეგლამენტის მე-14 მუხლს დაემატოს 26¹ პუნქტი შემდეგი რედაქციით:
,,26¹. ახორციელებს საარჩევნო კოდექსითა და ამ რეგლამენტით ცესკოს მდივნისათვის განკუთვნილი უფლებამოსილებების შესრულებისათვის საჭირო დოკუმენტაციის მომზადებას, კერძოდ, საერთაშორისო  სადამკვირვებლო ორგანიზაციების, პრესისა და მასობრივი ინფორმაციის საშუალებების წარმომადგენლების რეგისტრაციისა და სააკრედიტაციო დოკუმენტაციის მომზადებას.”
10. რეგლამენტის  მე-15 მუხლის სათაური ჩამოყალიბდეს შემდეგი რედაქციით:
,,მუხლი 15. დაგეგმვისა და სახელმწიფო შესყიდვების დეპარტამენტი.”
11. რეგლამენტის მე-15 მუხლს დაემატოს 10¹,10² და 10³ პუნქტები შემდეგი რედაქციით:
,,10¹. ახორციელებს წლიური შესყიდვების გეგმის შედგენას მოსალოდნელი მოთხოვნილების გეგმის საფუძველზე: წლიური გეგმის შეჯერებას, დამტკიცებისა და კორექტირების უზრუნველყოფას.
10². უზრუნველყოფს სახელმწიფო შესყიდვებს, შესყიდვებთან დაკავშირებით გაფორმებულ ხელშეკრულებებზე მონიტორინგს.
10³. უზრუნველყოფს სახელმწიფო შესყიდვაზე ოპერატიული, კვარტალური და წლიური ანგარიშების შედგენასა და კანონმდებლობით დადგენილი წესით წარდგენას.”
12. რეგლამენტის მე-16 მუხლს დაემატოს 17¹ პუნქტი შემდეგი რედაქციით:
,,17¹. თავისი კომპეტენციის ფარგლებში უზრუნველყოფს ,,პერსონალურ მონაცემთა დაცვის შესახებ” და ,,ინფორმაციული უსაფრთხოების შესახებ” საქართველოს კანონების  მოთხოვნების შესრულებასა და დაცვას.”
 

 ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან 2 კალენდარული დღის ვადაში.
 

 ეს დადგენილება ამოქმედდეს 2014 წლის 1 იანვრიდან.