“სატენდერო განცხადებისა და სატენდერო დოკუმენტაციის და საკონკურსო განცხადებისა და საკონკურსო დოკუმენტაციის გამოქვეყნების საფასურის ოდენობებისა და გადახდის წესის დამტკიცების შესახებ“სახელმწიფო შესყიდვების თავმჯდომარის 2011 წლის 23 ივნისის №15 ბრძანებაში ცვლილებების შეტანის თაობაზე

1. პირველი  მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. სატენდერო განცხადებისა და სატენდერო დოკუმენტაციის სისტემაში განთავსებას, გამოქვეყნებას უზრუნველყოფს კონკურენციისა და სახელმწიფო შესყიდვების სააგენტო (შემდგომში - სააგენტო).“.

ბ. მე-3  პუნქტის:

ბ.ა) „ა“ ქვეპუნქტი ჩამოყალიბდეს შემდეგი რედაქციით:

„ა) 50 ლარს, როდესაც შესაბამის ტენდერში სატენდერო წინადადების მიღების ვადის დასრულების მომენტისთვის სატენდერო წინადადება წარმოადგინა სულ მცირე ერთმა პრეტენდენტმა ან როდესაც მიენიჭა სტატუსი ,,ტენდერი შეწყვეტილია.";

ბ.ბ) „ბ“ ქვეპუნქტი ჩამოყალიბდეს შემდეგი რედაქციით:

„ბ) 25 ლარს, როდესაც შესაბამის ტენდერში სატენდერო წინადადების მიღების ვადის დასრულების მომენტისთვის სატენდერო წინადადება არ წარმოუდგენია არცერთ პრეტენდენტს.".

2. მე-2 მუხლის შემდეგ დაემატოს მე-3 მუხლის შემდეგი რედაქციით:

„მუხლი 3. გარდამავალი დებულებები

სისტემის მეშვეობით 2014 წლის პირველ იანვრამდე გამოცხადებული გამარტივებული ელექტრონული ტენდერის ან ელექტრონული ტენდერის სატენდერო განცხადებისა და სატენდერო დოკუმენტაციის გამოქვეყნებისათვის საფასურის ოდენობა შეადგენს:

ა) 50 ლარს, როდესაც შესაბამის ტენდერში სატენდერო წინადადების მიღების ვადის დასრულების მომენტისთვის სატენდერო წინადადება წარმოადგინა სულ მცირე ერთმა პრეტენდენტმა ან როდესაც ტენდერს მიენიჭა სტატუსი „ტენდერი შეწყვეტილია“. ამ თანხიდან კანონმდებლობით დადგენილი გადასახადების გადახდის შემდეგ, დარჩენილი თანხის 80% მიემართება გაზეთ „24 საათის“ ანგარიშზე, ხოლო 20% – სააგენტოს ანგარიშზე, სააგენტოსა და გაზეთ „24 საათს” შორის დადებული ხელშეკრულებით განსაზღვრული წესით;

ბ) 25 ლარს, როდესაც შესაბამის ტენდერში სატენდერო წინადადების მიღების ვადის დასრულების მომენტისთვის სატენდერო წინადადება არ წარმოუდგენია არცერთ პრეტენდენტს. ამ თანხიდან კანონმდებლობით დადგენილი გადასახადების გადახდის შემდეგ, დარჩენილი თანხის 80% მიემართება გაზეთ „24 საათის“ ანგარიშზე, ხოლო 20% – სააგენტოს ანგარიშზე, სააგენტოსა და გაზეთ „24 საათს” შორის დადებული ხელშეკრულებით განსაზღვრული წესით.".