აჭარის ავტონომიური რესპუბლიკის მთავრობის საქვეუწყებო დაწესებულება – ტელევიზიისა და რადიომაუწყებლობის დეპარტამენტის ლიკვიდაციის შესახებ

საქართველოს ზოგადი ადმინისტრაციული კოდექსის 61-ე მუხლის, ,,აჭარის ავტონომიური რესპუბლიკის მთავრობის სტრუქტურის, უფლებამოსილებისა და სამიანობის წესის შესახებ“ აჭარის ავტონომიური რესპუბლიკის კანონის  მე-9 მუხლისა და 30-ე მუხლის მე-2 პუნქტის  შესაბამისად:

1. 2014 წლის 1 იანვრიდან ლიკვიდირებულ იქნეს აჭარის ავტონომიური რესპუბლიკის მთავრობის საქვეუწყებო დაწესებულება _ ტელევიზიისა და რადიომაუწყებლობის დეპარტამენტი. 

2. 2014 წლის 1 იანვრიდან ძალადაკარგულად გამოცხადდეს ,,აჭარის ავტონომიური რესპუბლიკის ტელევიზიისა და რადიომაუწყებლობის სახელმწიფო დეპარტამენტის აჭარის ავტონომიური რესპუბლიკის მთავრობის საქვეუწყებო დაწესებულებად – ტელევიზიისა და რადიომაუწყებლობის დეპარტამენტად რეორგანიზაციისა და დებულების დამტკიცების შესახებ“ აჭარის ავტონომიური რესპუბლიკის მთავრობის 2004 წლის 5 ოქტომბრის №58 დადგენილება.

3. შეიქმნას სალიკვიდაციო კომისია (შემდეგში – კომისია) შემდეგი შემადგენლობით:

ა) ჯემალ გვეტაძე –აჭარის ავტონომიური რესპუბლიკის მთავრობის საქვეუწყებო დაწესებულება – ტელევიზიისა და რადიომაუწყებლობის დეპარტამენტის თავმჯდომარის პირველი მოადგილე (კომისიის თავმჯდომარე);

ბ) მალხაზ ბოლქვაძე – აჭარის ავტონომიური რესპუბლიკის მთავრობის საქვეუწყებო დაწესებულება – ტელევიზიისა და რადიომაუწყებლობის დეპარტამენტის სამართლებრივი უზრუნველყოფის სამსახურის უფროსი (კომისიის თავმჯდომარის მოადგილე);

გ) ლევან ლეკვეიშვილი –  აჭარის ავტონომიური რესპუბლიკის ფინანსთა და ეკონომიკის სამინისტროს ქონების მართვისა და პრივატიზების დეპარტამენტის ქონების მართვის განყოფილების მთავარი სპეციალისტი (კომისიის წევრი); 

დ) ედუარდ ნაკაშიძე – აჭარის ავტონომიური რესპუბლიკის ფინანსთა და ეკონომიკის სამინისტროს ქონების მართვისა და პრივატიზების დეპარტამენტის ქონების მართვის განყოფილების მთავარი სპეციალისტი (კომისიის წევრი);

ე) ზურაბ ხოფერია –აჭარის ავტონომიური რესპუბლიკის მთავრობის საქვეუწყებო დაწესებულება – ტელევიზიისა და რადიომაუწყებლობის დეპარტამენტის საფინანსო სამსახურის უფროსი (კომისიის მდივანი).

4. 2014 წლის 1 იანვრამდე კომისიამ უზრუნველყოს კანონმდებლობით გათვალისწინებული მატერიალურ-ტექნიკური, სამართლებრივი და სხვა შესაბამისი ღონისძიებების გატარება, ქონების სრული ინვენტარიზაცია და სალიკვიდაციო ბალანსის შედგენა.

5. 2014 წლის 1 იანვრამდე „აჭარის ავტონომიური რესპუბლიკის მთავრობის საქვეუწყებო დაწესებულება _ ტელევიზიისა და რადიომაუწყებლობის დეპარტამენტის თავმჯდომარის მოვალეობის შემსრულებელმა (ჯ. გვეტაძე) კანონმდებლობით დადგე­ნილი წესით უზრუნველყოს ლიკვიდაციასთან დაკავშირებით საქართველოს ორგანული კანონის საქართველოს შრომის კოდექსით და ,,საჯარო სამსახურის შესახებ“ საქართ­ველოს კანონით გათვალისწინებული ღონისძიებების გატარება.

6. დადგენილება ამოქმედდეს გამოქვეყნებისთანავე.