დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს სახელმწიფო ბიუჯეტიდან თანხის გამოყოფის შესახებ | |
|---|---|
| დოკუმენტის ნომერი | 88 |
| დოკუმენტის მიმღები | საქართველოს მთავრობა |
| მიღების თარიღი | 21/02/2007 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | საქართველოს მთავრობის განკარგულებების კრებული, 2, 21/02/2007 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №88
2007 წლის 21 თებერვალი
ქ. თბილისი
საქართველოს სახელმწიფო ბიუჯეტიდან თანხის გამოყოფის შესახებ
საქართველოს ფინანსთა სამინისტრომ (ა. ალექსიშვილი) „საქართველოს 2007 წლის სახელმწიფო ბიუჯეტის შესახებ“ საქართველოს კანონის 42-ე მუხლის მე-8 პუნქტით საქართველოს რეგიონებში განსახოციელებელი პროექტებისათვის გათვალისწინებული ასიგნებებიდან საქართველოს ადმინისტრაციულ-ტერიტორიულ ერთულებში (ქ. ცხინვალი, გორის, კასპის, ქარელის, ხაშურის, ჯავის მუნიციპალიტეტები) საქართველოს პრეზიდენტის სახელმწიფო რწმუნებულის აპარატს გამოუყოს 6 000 000 (ექვსი მილიონი) ლარი შემდეგი პროექტების განსახორციელებლად:
1. დიდი და პატარა ლიახვის ხეობებში გარე განათების, დიდი ლიახვის ხეობის სოფელ თამარაშენში ატრაქციონისა და სპორტდარბაზის მშენებლობისათვის საჭირო მიწის ფართობის შეძენისა და მოწყობისათვის – 1 000 000 (ერთი მილიონი) ლარი.
2. დიდი ლიახვის ხეობაში კეხვი-თამარაშენის წყალსადენის მაგისტრალის რეაბილიტაციისათვის – 1 050 000 (ერთი მილიონ ორმოცდაათი ათასი) ლარი.
3. დიდი ლიახვის ხეობის სოფლების: თამარაშენის, აჩაბეთის, ქურთის, ხეითის, ძარწემის, ქემერტის გაზიფიცირებისათვის 1 845 000 (ერთი მილიონ რვაას ორმოცდახუთი ათასი) ლარი.
4. პატარა ლიახვის ხეობის სოფლების: ერედვის, არგვიცის, ფრისის, ქსუისის, ზარდიაანთკარის, დისევის გაზიფიცირებისათვის – 1 405 000 (ერთი მილიონ ოთხას ხუთი ათასი) ლარი;
5. ფრონეს ხეობის სოფლების: ავნევისა და ნულის გაზიფიცირებისათვის – 700 000 (შვიდასი ათასი) ლარი.
პრემიერ-მინისტრი ზ. ნოღაიდელი
დოკუმენტის კომენტარები