,,საქართველოს მდინარეთა სანაპირო ზონებში განსახორციელებელი ნაპირსამაგრი და წყალდიდობის პრევენციის სამუშაოებისათვის საქართველოს მთავრობის სარეზერვო ფონდიდან თანხის გამოყოფის შესახებ“ საქართველოს მთავრობის 2007 წლის 8 თებერვლის №65 განკარგულებაში ცვლილებისა და დამატების შეტანის თაობაზე

საქართველოს მთავრობის

განკარგულება №83

2007 წლის 21 თებერვალი

ქ. თბილისი

,,საქართველოს მდინარეთა სანაპირო ზონებში განსახორციელებელი ნაპირსამაგრი და წყალდიდობის პრევენციის სამუშაოებისათვის საქართველოს მთავრობის სარეზერვო ფონდიდან თანხის გამოყოფის შესახებ“ საქართველოს მთავრობის 2007 წლის 8 თებერვლის №65 განკარგულებაში ცვლილებისა და დამატების შეტანის თაობაზე

„საქართველოს მდინარეთა სანაპირო ზონებში განსახორციელებელი ნაპირსამაგრი და წყალდიდობის პრევენციის სამუშაოებისათვის საქართველოს მთავრობის სარეზერვო ფონდიდან თანხის გამოყოფის შესახებ“ საქართველოს მთავრობის 2007 წლის 8 თებერვლის №65 განკარგულებაში შეტანილ იქნეს შემდეგი ცვლილებები:

1. განკარგულების „მ“ ქვეპუნქტი ჩამოყალიბდეს შემდეგი რედაქციით:

„მ) ლაგოდეხის ნაკრძალში მდინარე ლაგოდეხისხევის ნაპირსამაგრი სამუშაოებისათვის – 100 000 (ასი ათასი) ლარი;“.

2. განკარგულებას დაემატოს შემდეგი შინაარსის მე-2 პუნქტი:

„2. ნება დაერთოს საქართველოს გარემოს დაცვისა და ბუნებრივი რესურსების სამინისტროს საჯარო სამართლის იურიდიულ პირს – მონიტორინგისა და პროგნოზირების ცენტრს „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად ამ განკარგულებით (გარდა „კ“ და „ნ“ ქვეპუნქტებით გათვალისწინებული მომსახურებისა) გათვალისწინებული მომსახურების შესყიდვა განახორიელოს ერთ პირთან მოლაპარაკების საშუალებით.“.

პრემიერ-მინისტრი                                                          ზ. ნოღაიდელი