საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს საგამოძიებო დეპარტამენტის ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნებისა და საკონკურსო თემატიკის დამტკიცების თაობაზე საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის 11 ნოემბრის №286 ბრძანებაში ცვლილების შეტანის თაობაზე

„1. საგამოძიებო დეპარტამენტის აღმოსავლეთ სამმართველოს და დასავლეთ სამმართველოს გამომძიებლის ვაკანტური თანამდებობის დასაკავებლად კანდიდატისათვის დადგენილია შემდეგი საკვალიფიკაციო მოთხოვნები:

ა) უმაღლესი განათლება ან უმაღლესი იურიდიული განათლება (ბაკალავრის  ხარისხი);

ბ) უმაღლესი განათლების შემთხვევაში სპეციალობით მუშაობის, არანაკლებ 2-წლიანი  გამომძიებლად მუშაობის გამოცდილება ხოლო, უმაღლესი იურიდიული განათლების შემთხვევაში სპეციალობით მუშაობის, არანაკლებ 6-თვიანი სამუშაო გამოცდილება;

გ)  საოფისე კომპიუტერული პროგრამების საფუძვლიანი ცოდნა;

დ) სამუშაოს შესასრულებლად აუცილებელი საკანონმდებლო ბაზის ცოდნა;

ე) იურიდიული შინაარსის დოკუმენტაციის მომზადების ცოდნა;

ვ) საკანონმდებლო ხასიათის ელექტრონული პროგრამების ცოდნა (,,საკანონმდებლო მაცნე ”Codex ”);

ზ) სახელმწიფო ენის სრულყოფილი ცოდნა;

თ) ტრენინგებში, ადგილობრივ თუ საერთაშორისო კონფერენციებსა და სემინარებში მიღებული მონაწილეობა ჩაითვლება უპირატესობად.“.