„ქარელის მუნიციპალიტეტის 2013 წლის ბიუჯეტის დამტკიცების შესახებ“ ქარელის მუნიციპალიტეტის საკრებულოს 2012 წლის 28 დეკემბრის №31 დადგენილებაში ცვლილების შეტანის თაობაზე

ა) დადგენილების პირველი მუხლი ჩამოყალიბდეს შემდეგი რედაქციით:

„მუხლი 1. მუნიციპალიტეტის ბიუჯეტის ბალანსი

განისაზღვროს მუნიციპალიტეტის ბიუჯეტის ბალანსი თანდართული რედაქციით:

ბ) დადგენილების მე-2 მუხლი ჩამოყალიბდეს შემდეგი რედაქციით:

„მუხლი 2. მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

განისაზღვროს მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით

გ) დადგენილების მე-3 მუხლი ჩამოყალიბდეს შემდეგი რედაქციით:

„მუხლი 3. ქარელის მუნიციპალიტეტის ბიუჯეტის შემოსავლები

განისაზღვროს მუნიციპალიტეტის ბიუჯეტის შემოსავლები 11 626.3  ათასი ლარის ოდენობით.

დ) დადგენილების მე-4 მუხლი ჩამოყალიბდეს შემდეგი რედაქციით:

„მუხლი 4. მუნიციპალიტეტის ბიუჯეტის გადასახადები

ე)  დადგენილების მე-6 მუხლი ჩამოყალიბდეს შემდეგი რედაქციით:

„მუხლი 6. მუნიციპალიტეტის ბიუჯეტის სხვა შემოსავლები

განისაზღვროს მუნიციპალიტეტის ბიუჯეტის სხვა შემოსავლები 994.4 ათასი ლარის ოდენობით

ვ) დადგენილების მე-7 მუხლი ჩამოყალიბდეს შემდეგი რედაქციით:

„მუხლი 7. მუნიციპალიტეტის ბიუჯეტის ხარჯები

განისაზღვროს მუნიციპალიტეტის ბიუჯეტის ხარჯები 5 775.2 ათასი ლარის ოდენობით, თანდართული რედაქციით

ზ) დადგენილების მე-8 მუხლი ჩამოყალიბდეს შემდეგი რედაქციით:

„მუხლი 8. მუნიციპალიტეტის ბიუჯეტის არაფინანსური აქტივების ცვლილება

განისაზღვროს  მუნიციპალიტეტის  ბიუჯეტის  არაფინანსური აქტივების ცვლილება 5356.3  ათასი ლარის ოდენობით, მათ შორის:

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 5387.3  ათასი ლარის ოდენობით, თანდართული რედაქციით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 31.0 ათასი ლარის ოდენობით, მათ შორის:

თ) დადგენილების მე-9 მუხლი ჩამოყალიბდეს შემდეგი რედაქციით:

„მუხლი 9. მუნიციპალიტეტის ბიუჯეტის ხარჯებისა და არაფინანსური  აქტივების ზრდის ფუნქციონალური კლასიფიკაცია

   განისაზღვროს მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით:

ი) დადგენილების მე-16 მუხლი ჩამოყალიბდეს შემდეგი რედაქციით:

„მუხლი 16. მუნიციპალიტეტის ბიუჯეტის პრიორიტეტები და პროგრამები

1. თავდაცვა, საზოგადოებრივი წესრიგი და უსაფრთხოება

ბოლო დროს გახშირებული მიწისძვრის, სახანძრო და სხვა უბედური შემთხვევების პრევენციის მიზნით აუცილებელია პერსონალის სახანძრო და სამაშველო ტექნიკური ინვენტარით უზრუნველყოფა. პერსონალისათვის სათანადო ხარისხის ინდივიდუალური და ჯგუფური წვრთნების ჩატარება და პროფესიული დონის ამაღლება. სახანძრო-სამაშველო სამსახურის შენობის რეაბილიტაცია და კომუნალური პირობების გაუმჯობესება. არსებული რესურსებისა და მოთხოვნების გათვალისწინებით სახანძრო და მაღალგამავლობის ავტომობილის შეძენა, რაც აუცილებელია მაშველების ოპერატიული მოქმედებისათვის.

საქართველოს შეიარაღებული ძალების საბრძოლო მზადყოფნის ამაღლებისათვის ქარელის მუნიციპალიტეტში ხორციელდება წვევამდელთა ჯანმრთელობის მდგომარეობის გამოკვლევა და მათი გაწვევის პუნქტებამდე ტრანსპორტირების უზრუნველყოფა.

1.1. საგანგებო სიტუაციების მართვა (პროგრამული კოდი 02 01)

ბოლო დროს გახშირებული მიწისძვრების, სახანძრო და სხვა უბედური შემთხვევების პრევენციის მიზნით სახანძრო სამაშველო სამსახურის შენობის რეაბილიტაცია და კომუნალური პირობების გაუმჯობესება. არსებული რესურსებისა და მოთხოვნების გათვალისწინებით სახანძრო და მაღალგამავლობის ავტომობილის შეძენა, რაც აუცილებელია მაშველების ოპერატიული მოქმედებისათვის.

1.2. ქვეყნის თავდაცვის უნარიანობის ამაღლების ხელშეწყობა (პროგრამული კოდი 02 03)

საქართველოს შეიარაღებული ძალების საბრძოლო მზადყოფნის ამაღლებისათვის ქარელის მუნიციპალიტეტში ხორციელდება წვევამდელთა ჯანმრთელობის მდგომარეობის გამოკვლევა და მათი გაწვევის პუნქტებამდე ტრანსპორტირების უზრუნველყოფა.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, ქალაქის საცხოვრებელი უბნების ეზოების, დასასვენებელი პარკების და მაღალსართულიანი საცხოვრებელი კორპუსების კეთილმოწყობა. მუნიციპალური ინფრასტრუქტურის  მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის მოვლა შენახვა და დაფინანსდება მის ექსპლოატაციასთან დაკავშირებული ხარჯები.

2.1. საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01)

პროგრამის ფარგლებში განხორციელდება მუნიციპალიტეტში არსებული რეაბილიტირებული გზების მდგომარეობის შენარჩუნება. რეაბილიტაცია ჩაუტარდება და მოასფალტდება ქარელში: ამირეჯიბის; აღმაშენებლის; რუსთაველის; მგალობლიშვილის; ფანასკერტელის; კაპანაძის; სააკაძის და რუხაძის ქუჩებს. ასევე მოასფალტდება ქარელში  ჭავჭავაძის; თბილისის; ცაბაძის და აღმაშენებლის ჩიხები. აღნიშნული პროექტის ფარგლებში მოასფალტდება 4,1 კმ-იანი მონაკვეთი, რაც 3870 მოსახლეს გაუადვილებს ყოველდღიურ გადაადგილებას. 2013 წელს ასევე დასრულდება გასულ წესლ დაწყებული  სოფ. ქვემო ხვედურეთში ქ. ქარელთან დამაკავშირებელი გზის მოასფალტება ასევე გათვალისწინებულია მუნიციპალიტეტის სოფლების გზების მოხრეშვა-მოშანდაკება.

გარდა ამისა, პროგრამის ფარგლებში განხორციელდება ქარელის (აღმაშენებლის, ერთობის, რუსთაველის, ლეონიძის, სააკაძის, გოგებაშვილის და მუსხელიშვილის)   ქუჩებისა და (კაპანაძის, ბახტრიონის და ფანასკერტელის) ჩიხების რეაბილიტაციისათვის საპროექტო, ხოლო შემდგომ სარეაბილიტაციო  სამუშაოები. აღნიშნული სამუშაოებისათვის თანხები საქართველოს მთავრობის 2013 წლის 4 აპრილის №311 განკარგულებით საპროექტო, ხოლო 9 ივლისის №781 განკარგულებით სარეაბილიტაციო სამუშაოებისათვის საქართველოს რეგიონებში განსახორციელებელი პროექტების ფონდიდანაა გამოყოფილი. აღნიშნული პროგრამის პარგლებში განხორციელდება მუნიციპალიტეტის 18 სოფელში შიდა გზებისა და ხიდების მოწყობა-რეაბილიაცია, რაც საქართველოს მთავრობის 2013 წლის  17 მაისის განკარგულებით (სოფლის მხარდაჭერის პროგრამა) გამოყოფილი  თანხით განხორციელდება.

2.2. კომუნალური ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 02)

პროგრამის ფარგლებში დაგეგმილია გარე განათების ქსელის გაფართოება, არსებული ქსელის მოვლა-შენახვა და დაფინანსდება მის ექსპლოატაციასთან დაკავშირებული ხარჯები, უზრუნველყოფილი იქნება მუნიციპალიტეტის დასუფთავება და საყოფაცხოვრებო ნარჩენების გატანა, მოეწყობა და რეაბილიტაცია ჩაუტარდება საკანალიზაციო და წყლის სისტემებს, შეკეთდება მრავალსართულიანი სახლების სახურავები, დაფინანსდება სარწყავი არხებისა და ნაპირსამაგრი ნაგებობების მოწყობა-რეაბილიტაციასთან დაკავშირებული ხარჯები.

2.2.1. გარე განათების მოწყობა, რეაბილიტაცია და ექსპლოატაცია (პროგრამული კოდი 03 02 01)

დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს მუნიციპალიტეტის განათება, რისი გათვალისწინებითაც ქვეპროგრამის ფარგლებში დაფინანსდება გარე განათების არსებული ქსელის ექსპლოატაცია. ასევე იგეგმება მუნიციპალიტეტის სოფლებში გარე განათების ქსელის გაფართოვებაც, კერძოდ მოეწყობა სოფ. ფცის, სოფ ზემო ხვედურეთისა და სოფ. ქვემო ხვედურეთის ცენტრალური ქუჩები. მიმდინარე წელს დასრულდება ქარელის ძირითადი ქუჩების განათევის ქსელის მოწყობა-გაფართოებაც.

2.2.2. დასუფთავების ღონისძიებები (პროგრამული კოდი 03 02 02)

მუნიციპალიტეტის ერთ-ერთ მთავარ ფუნქციას წარმოადგენს სანიტარიული მდგომარეობის უზრუნველყოფა, შესაბამისად ქვეპროგრამის ფარგლებში გავალისწინებულია მუნიციპალიტეტის ყოველდღიური დაგვა-დასუფთავება და ნარჩენების გატანა. აღნიშნული  პროგრამა კიდევ უფრო გაფართოვდა და ახლა უკვე ქარელთან, დაბა აგარასთან და სოფ. ქვენატკოცასთან, სოფ. ბებნისთან და სოფ. ქვემო ხვედურეთთან ერთად ჩართულია სოფ. კეხიჯვარი. სოფ. რუისი და კომპაქტურად ჩასახლებული დევნილთა დასახლებებიც. გარდა ამისა აღნიშნული პრიგრამის ფარგლებში გათვალისწინებულია ქ. ქარელში და დაბა აგარაში მდებარე ნაგავსაყრელების მოვლა-პატრონობაც.

ქვეპროგრამის ფარგლებში ზამთრის პერიოდში განხორციელდება  გზების ტექნიკური მარილით დამუშავება, ხოლო დიდთოვლიანობის შემთხვევაში ჭარბი თოვლისგან გათავისუფლება.

 ასევე აღნიშნული ქვეპროგრამით განხორციელდება დაბა აგარაში მრავალსართულიანი ბინების წინ ნაგვის ურნების განთავსება, რაც საქართველოს მთავრობის 2013 წლის  17 მაისის განკარგულებით (სოფლის მხარდაჭერის პროგრამა) გამოყოფილი  თანხით განხორციელდება. აღნიშნული პროექტი გადაჭრის დაბა აგარის მოსახლეობის ანტისანიტარიულ პრობლემებს.

2.2.3. საკანალიზაციო სისტემების მოწყობა და რეაბილიტაცია (პროგრამული კოდი 03 02 03)

ქვეპროგრამის ფარგლებში დაგეგმილია ქარელში ყაზბეგის ქუჩაზე საკანალიზაციო სისტემის მოწყობა. ასევე ახალი საკანალიზაციო ქსელი მოეწყობა იერუსალიმისა და სააკაძის ქუჩებზე აღნიშნული პროგრამის განხორციელება მცხოვრებლებს გადაუჭრის წლების განმავლობაში არსებულ საკანალიზაციო სისტემასთან დაკავშირებულ პრობლემებს. ასევე იგეგმება სოფ. დვანში და ქ. ქარელის ცენტრალურ ქუჩებზე საწური სისტემის მოწყობა. აღნიშნული პროექტები ადგილობრივი ბიუჯეტის სახსრებთან ერთად განხორციელდება საქართველოს მთავრობის 2013 წლის  17 მაისის განკარგულებით (სოფლის მხარდაჭერის პროგრამა) გამოყოფილი  თანხით.

      2.2.4. წყლის სისტემის რეაბილიტაცია და ექსპლოატაცია (პროგრამული კოდი 03 02 04)

მუნიციპალიტეტის ზოგიერთ სოფელში ჯერ კიდევ არსებობს სასმელი წყლის პრობლემები. მოძველებულია და მწყობრიდანაა გამოსული სასმელი წყლის შემკრები აუზები და შიდა გაყვანილობები. ქვეპროგრამის ფარგლებში 2013 წელს რეაბილიტაცია ჩაუტარდება სოფ რუისისა და სოფ ზემო ხვედურეთის სასმელი წყლის სისტემებს, რაც გააუმჯობესებს 7737 მოსახლეს ყოველდღიურ საყოფაცხოვრებო პირობებს. სოფლის მხარდაჭერის პროგრამით (საქართველოს მთავრობის 2013 წლის 17 მაისის განკარგულებით) რეაბილიტაცია ჩაუტარდება მუნიციპალიტეტის 20 სოფლის სასმელი წყლის სისტემებს, რაც მოსახლეობას გადაუჭრის წლების განმავლობაში არსებულ პრობლემებს და გაუუმჯობესებს ყოველდღიურ საყოფაცხოვრებო პირობებს.

ქვეპროგრამის ფარგლებში იგეგმება ასევე მუნიციპალიტეტისა და USAID-ის ერთობლივი პროექტების ფარგლებში სოფ. დვანის, სოფ. ცერონისის, სოფ. კნოლევისა და სოფ. ქობესაანთუბნის სასმელი წყლის სისტემების რეაბილიტაცია.

2.2.5.  საკადასტრო რუკების მომზადება (პროგრამული კოდი 03 02 05)

ქვეპროგრამის ფარგლებში განხორციელდება მუნიციპალიტეტის ბალანსზე რიცხული შენობა-ნაგებობების და მიწების ელექტრონული ნახაზებისა და საკადასტრო გეგმების მომზადება.

2.2.6. სარწყავი არხებისა და ნაპირსამაგრი ნაგებობების მოწყობა, რეაბილიტაცია და ექსპლოატაცია (პროგრამული კოდი 03 02 06)

მუნიციპალიტეტის ზოგიერთ სოფელში ჯერ კიდევ არსებობს სარწყავი წყლის პრობლემა, ხშირად საჭირო ხდება სარწყავი არხებისა და მდინარეების კალაპოტების გაწმენდა. ქვეპროგრამის ფარგლებში იგეგმება მუნიციპალიტეტისა და USAID-ის ერთობლივი პროექტების ფარგლებში სოფ. ტახტიძირის ირიგაციის სისტემის სარეაბილიტაციო სამუშაოები.

 ხშირია შემთხვევები (განსაკუთრებით გაზაფხულზე) როდესაც მდინარეების ადიდების შედეგად საფრთხე ექმნება ადგილობრივ მოსახლეობას. ქვეპროგრამის ფარგლებში  მდინარე ძამის კალაპოტის გამაგრების სამუშაოების ჩასატარებლად დაგეგმილია საპროექტო და სარეაბილიტაციო სამუშაოები, რისთვისაც თანხა საქართველოს მთავრობის 2013 წლის 4 აპრილის №311 განკარგულების საფუძველზე საპროექტო, ხოლო 9 ივლისის №781 განკარგულებით  მდინარის კალაპოტის გამაგრების სამუშაოებისათვის საქართველოს რეგიონებში განსახორციელებელი პროექტების ფონდიდანაა გამოყოფილი.

ქვეპროგრამის ფარგლებში ასევე იგეგმება სოფლების: ქობესაანთ უბანი; კრობანი; ღოღეთი - სარწყავი სისტემების მოწყობა საქართველოს მთავრობის 2013 წლის  17 მაისის განკარგულებით (სოფლის მხარდაჭერის პროგრამა) გამოყოფილი  თანხებით. რაც საშუალებას მისცემს სოფლის მოსახლეობას გაზარდონ საკუთარი შრომის ნაყოფიერება.

2.2.7.  მუნიციპალური განვითარების ფონდის თანადაფინანსება (პროგრამული კოდი 03 02 07)

მუნიციპალიტეტსა და სსიპ „საქართველოს მუნიციპალური განვითარების ფონდს“ შორის გაფორმებული საინვესტიციო ხელშეკრულების საფუძველზე ქვეპროგრამის ფარგლებში განხორციელდება დევნილთა კომპაქტურ დასახლებებში საცხოვრებელი სახლების ნესტით დაზიანებული შიდა კედლების რეაბილიტაციის სამუშაოების თანადაფინანსება.

2.2.8.  ბინათმშენებლობა (პროგრამული კოდი 03 02 08)

საქართველოს მთავრობის 2013 წლის  17 მაისის განკარგულებით (სოფლის მხარდაჭერის პროგრამა) გამოყოფილი  თანხით ქვეპროგრამის ფარგლებში განხორციელდება სოფ. ბანში წისქვილის, ხოლო სოფლებში: სუქითი, ჯაგარაანთკარი, კუდატყე, მეხეთი, ტყემალა, ტყემლოვანა მზის ენერგიის გამოყენებით და მინი ჰესის მოწყობით ელექტრო ენერგიის სისტემების მოწყობა. აღნიშნული ქვეპროგრამა ხელს შეუწყობს მთის სოფლებიდან მოსახლეობის მიგრაციის შეჩერებას და მოსახლეობის სოფლებში დაბრუნებას.

2.3  მუნიციპალიტეტის კეთილმოწყობის ღონისძიებები (პროგრამული კოდი 03 04)

პროგრამის ფარგლებში განხორციელდება მუნიციპალიტეტში არსებული სკვერებისა და პარკების კეთილმოწყობის სამუშაოები, მოწესრიგდება გამწვანების ზოლები, მოეწყობა საბავშვო და სპორტული სტადიონები, სადღესასწაულო დღეებში დაგეგმილია ქალაქგაფორმებითი ღონისძიებები.

2.3.1 გამწვანების ღონისძიებები (პროგრამული კოდი 03 04 01)

ქვეპროგრამის ფარგლებში განხორციელდება არსებული სკვერებისა და პარკების მოვლა, ახალი ხეების დარგვა და გამწვანების ზოლებში ყვავილებისა და სხვა დეკორატიული მცენარეების განაშენიანება. გამწვანების ზოლი მოეწყობა ქარელში ნინოშვილის, 9 აპრილის, სტალინის ქუჩებზე და დაბა აგარის სკვერში, ხოლო ახალი ხეები დაირგვება ქარელში სტალინისა და ჭავჭავაძის ქუჩებზე.

აღნიშნული ქვეპროგრამა ასევე ითვალისწინებს ქ. ქარელში ნინოშვილის ქუჩაზე არსებულიშადრევნის მოვლა-შენახვას.

გარდა ამისა აღნიშნული ქვეპროგრამის ფარგლებში განხორციელდება ქარელის მუნიციპალიტეტის საკუთრებაში არსებული ხეების მოვლის (გადაბელვა, მოჭრა, ამოძირკვა)ღონისძიებები, რაც ხელს შეუწყობს დაავადებული და დაზიანებული ხეებისაგან საღი ხეების დაცვას და მუნიციპალიტეტში ეკოლოგიური მდგომარეობის გაუმჯობესებას.

2.3.2 ქალაქის ქუჩების, შენობების, ეზოებისა და სკვერების კეთილმოწყობა (პროგრამული კოდი 03 04 02)

ქალაქის ქუჩებისა რა საზოგადოებრივი მნიშვნელობის შენობა-ნაგებობების კეთილმოწყობის მიზნით ქვეპროგრამის ფარგლებში დაგეგმილია ქ. ქარელში ახალგაზრდობის ქუჩაზე მდებარე სპორტული დარბაზის მიმდებარე ტერიტორიის კეთილმოწყობა.

 ქვეპროგრამის ფარგლებში საქართველოს რეგიონებში განსახორციელებელი პროექტების ფონდიდან საქართველოს მთავრობის 2013 წლის 4 აპრილის №311 განკარგულებით  გამოყოფილი სახსრებით დაგეგმილია ქარელის კულტურის სახლის სრული რეაბილიტაციისათვის საჭირო საპროექტო, ხოლო 2013 წლის 19 აგვისტოს 1085 განკარგულებით სარეაბილიტაციო სამუშაოები ჩატარება. კულტურის სახლის რეაბილიტაცია მნიშვნელოვნად შეუწყობს ხელს ადგილობრივი მოსახლეობის კულტურულ განვითარებას, მოზარდებისა და ახალგაზრდების თავისუფალი დროის სწორად ორგანიზებას, მათ სულიერ და კულტურულ აღზრდასა და განათლებას, ქართული ტრადიციების შენარჩუნებას.

ასევე განხორციელდება საქართველოს მთავრობის 2013 წლის  17 მაისის განკარგულებით გამოყოფილი  თანხებით სოფლის მხარდაჭერის პროგრამის ფარგლებში ქარელში ვაჟა-ფშაველას ქუჩაზე მდებარე დევნილთა დასახლებაში საცხოვრებელი კირპუსების ეზოს კეთილმოწყობა, დაბა აგარაში საავადმყოფოს შენობის რეაბილიტაცია, ხოლო სოფლებში: ძლევიჯვარი, კეხიჯვარი, რუისი - სკვერის მოწყობის სამუშაოები. 

მუნიციპალიტეტის სოფლებში (ბრეძა; კოდა; ავლევი; თამარაშენი; რუისი) დაგეგმილია ამბულატირიების მოწყობა, რისთვისაც ქვეპროგრამის ფარგლებში განხორციელდება მშენებლობის წინა მოსამზადებელი სამუშაოები.

2.3.3 სპორტული მოედნების მოწყობა (პროგრამული კოდი 03 04 03)

ქვეპროგრამის ფარგლებში საქართველოს მთავრობის 2013 წლის  17 მაისის განკარგულებით გამოყოფილი  თანხებით სოფლის მხარდაჭერის პროგრამით დაგეგმილია სოფლებში: ახალსოფელსა და კეხიჯვარში სპორტული მოედნების (სტადიონების) მოწყობა, სოფელ რუისში არსებულ მინი სტადიონზე ხელოვნური საფარის მოწყობა, ხოლო დაბა აგარაში მინი სტადიონის ღობის აღდგენის სამუშაოები, რაც ხელს შეუწყობს ახაგაზრდობაში ჯანსაღი ცხოვრების წესის დამკვიდრებას.

3. განათლება (პროგრამული კოდი 04 00)

მუნიციპალიტეტის ერთ-ერთი პრიორიტეტია ახალგაზრდების სწავლა-განათლება  და მათი მრავალმხრივი განვითარების ხელშეწყობა როგორც სკოლამდელი, ასევე სასკოლე და სკოლისშემდგომი ასაკის ახალგაზრდებისათვის. შესაბამისად, მუნიციპალიტეტი განაგრძობს საგანმანათლებლო ობიექტების ფინანსურ მხარდაჭერას და შესაბამისი პირობების შექმნას, რათა ბავშვებმა და ახალგაზრდებმა შეძლონ საფუძვლის შექმნა მათი შემდგომი განვითარებისათვის.

3.1. სკოლამდელი განათლების დაფინანსება (პროგრამული კოდი 04 01)

  ადამიანის სწორი განვითარებისათვის ერთ-ერთი მთავარი პირობაა სკოლამდელი აღზრდა.  მუნიციპალიტეტში ამ ეტაპზე ფუნქციონირებს 14 საბავშვო ბაღი, სადაც დაწყებით განათლებას იღებს  600 მეტი აღსაზრდელი. პროგრამის ფარგლებში დაფინანსდება მუნიციპალიტეტში მოქმედი ყველა საბავშვო ბაღის მიმდინარე და აღსაზრდელთა კვების ხარჯები. გარდა ამისა პროგრამის ფარგლებში დაგეგმილია სოფ. ზემო ხვედურეთში ახალი საბავშვო ბაღის გახსნა, რაც გადაუჭრის პრობლემას სოფლის სკოლამდელი ასაკის ახალგაზრდებს.

    სკოლამდელი განათლების ხელშეწყობის მიზნით პროგრამის ფარგლებში ასევე დაგეგმილია სოფელ რუისის №1 ბაღისა და ქარელის №2, კეხიჯვრის და დირბის ბაღისათვის ახალი შენობის სარემონტო სამუშაოები. ასევე განხორციელდება დაბა აგარაში საბავშვო ბაღის რეაბილიტაციის სამუშაოები და ინვენტარის შეძენა, რაც საქართველოს მთავრობის 2013 წლის  17 მაისის განკარგულებით (სოფლის მხარდაჭერის პროგრამა) გამოყოფილი თანხით დაფინანსდება.

3.2. საჯარო სკოლების  დაფინანსება (პროგრამული კოდი 04 02)

მუნიციპალიტეტის ზოგიეთ მცირემოსახლიან სოფეში ჯერ კიდევ არ არსებობს სკოლა, რის გამოც მოსწავლეები იძულებულნი არიან სასკოლო განათლების მისაღებად ყოველდღიურად იარონ მეზობელ სოფელსა თუ ქარელში. აღნიშნული პრობლემების მოსაგვარებლად გაწეული ხარჯების თანადაფინანსების მიზნით ქვეპროგრამის ფარგლებში ხორციელდება სოფ. ლეთეთიდან ქარელის სკოლებში და სოფ. დოღლაურიდან სოფ საღოლაშენში მოსწავლეთა ტრანსპორტირების ხარჯების (საკრებულოს გადაწყვეტილებით) დაფინანსება.  

3.3. პროფესიული განათლების ხელშეწყობა (პროგრამული კოდი 04 03)

მუნიციპალიტეტის ერთ-ერთ მთავარ მიზანს წარმოადგენს ხელი შეუწყოს მოსახლეობას დასაქმებაში და მიცეს საშუალება დაეუფლონ იმ უნარ-ჩვევებს რაც ხშირ შემთხვევაში აუცილებელი პირობაა სტაბილური დასაქმებისათვის. აღნიშნული მიზნით პროგრამის ფარგლებში დაფინასდება ქარგვის, ხალიჩების ქსოვის, თექაზე მუშაობის, კულინარიის და სხვადასხვა მუსიკალურ ინტრუმენტებზე დაკვრის შემსწავლელი კურსები. მუნიციპალიტეტის ყველა მაცხოვრებელს ექნება საშუალება შესაბამისი განაცხადის საფუძველზე გაიაროს აღნიშნული კურსები, რაც აამაღლებს მათ კვალიფიკაციას და ხელს შეუწყობს მათ შემდგომ დასაქმებას.

4. კულტურა, რელიგია ახალგაზრდობის ხელშეწყობა და სპორტი (პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალერულად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლენა.

4.1. სპორტის განვითარების ხელშეწყობა (პროგრამული კოდი 05 01)

პროგრამის ფარგლებში განხორციელდება სხვადასხვა სპორტული ორგანიზაციების და კლუბების ფინანსური მხარდაჭერა, რათა მათ ქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება.

4.1.1 სპორტული ღონისძიებების დაფინასება (პროგრამული კოდი 05 01 01)

2013 წლის განმავლობაში პროგრამის ფარგლებში გაიმართება სხვადასხვა სპორტული შეჯიბრებები. ახალგაზრდებში ჯანსაღი ცხოვრების წესის დამკვიდრების მიზნით დაგეგმილია სპორტის სახეობათა პოპულარიზაცია მუნიციპალიტეტის მოსახლეობაში, მუნიციპალიტეტის სპორტსმენთა მონაწილეობის მიღება რეგიონალურ, სახელობით, რესპუბლიკურ, საერთაშორისო ტურნირებზე, მოწინავე სპორტსმენების ოსტატობის ამაღლების და ფიზიკური მოზადებისათვის სასწავლო-საწრთვნელი და გამაჯანსაღებელი შეკრებების მოწყობა.   2013 წლის განმავლობაში 505 სპორტსმენი გაივლის სპორტულ მომზადებას.აღნიშნული ქვეპროგრამის ფარგლებში ასევე დაგეგმილია ქ. ქარელში ახალგაზრდობის ქუჩაზე მდებარე სპორტულ დარბაზში ხის იატაკის მოწყობა. ასევე განხორციელდება დაბა აგარის სპორტული დარბაზის გაზიფიცირებისა და გათბობის მოწყობის სამუშაოები.

4.2. კულტურის განვითარების ხელშეწყობა (პროგრამული კოდი 05 02)

მუნიციპალიტეტის კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები.

4.2.1 კულტურული ღონისძიებების დაფინანსება (პროგრამული კოდი 05 02 01)

ქვეპროგრამის ფარგლებში დაგეგმილია მუნიციპალიტეტში მცხოვრები მოსახლეობისათვის კულტურული და გასართობი ღონისძიებების მოწყობა. სხვადასხვა დღესასწაულებისადმი მიძღვნილი ღონისძიებების ორგანიზება. აღნიშნული ღონისძიებები ხელს შეუწყობს მუნიციპალიტეტში არსებული შემოქმედებითი კოლექტივების გამოვლენასა და მათ შემდგომ განვითარებას. მიმდინარე წელს მუნიციპალიტეტში დაგეგმილია შემდეგი სახის კულტურული ღონისძიების მოწყობა:

• ქალთა და დედათა დღისადმი მიძღვნილი ღონისძიება;
• 1989 წლის 9 აპრილს დაღუპულთა ხსოვნისადმი მიღვნილი რექვიემი;
• პოეზიის საღამო;
• აღდგომის ბრწყინვალე დღესასწაულისადმი მიძღვნილი ღონისძიება;
• ხელოვნების ნიმუშების გამოფენა-გაყიდვა;
• 9 მაისისადმი მიძღვნილი ღონისძიება შეხვედრა ომის ვეტერნებთან;
• საქართველოს დამოუკიდებლობის აღდგენის დღისადმი მიძღვნილი საზეიმო ღონისძიება;
• „ჩვენი წარსულის ფერადი ფურცლები“ მიძღვნილი მუნიციპალიტეტში მცხოვრები ღვაწლმოსილი კულტურის მუშაკებისათვის;
• ქართული ტრადიციული და თანამედროვე ხელოვნების საერთაშორისო ფესტივალი „არტგენი“;
• 2008 წლის აგვისტოში რუსეთის აგრესიის შედეგად დაღუპულთა ხსოვნისადმი მიძღვნილი ღონისძიება;
• კონცერტი მუნიციპალიტეტის შემოქმმედებითი კოლექტივების მონაწილეობით;
• ადგილობრივი ტურიზმის, ტრადიციებისა და ისტორიულ-კულტურულ ფასეულობათა პოპულარიზაცია (პრესტურის მოწყობა);
• საეკლესიო და ხალხური საგალობლების ფესტივალი;
• გამოფენის მოწყობა.

4.2.2. სახელოვნებო სკოლების ხელშეწყობა (პროგრამული კოდი 05 02 02)

 ქვეპროგრამის ფარგლებში დაგეგმილია მუნიციპალიტეტში არსებული ორი სახელოვნებო და ორი მუსიკალური სკოლა, სადაც სწავლობს 350-მდე ბავშვი. სასწავლო წლის განმავლობაში ერთ მოსწავლეზე გადასახადი შეადგენს 100 ლარს, რაც არ არის საკმარისი მოსწავლეთა სწავლებისათვის და სხვადასხვა კონკურსებსა და ფესტივალებში მონაწილეობის მისაღებად.  ასევე დაგეგმილია ქარელში არსებული ხელოვნების სკოლის დარბაზს რეაბილიტაცია. აღნიშნული პროგრამის განხორციელება ხელს შეუწყობს სხვადასხვა კონკურსისა და ფესტივალის ჩატარების უზრუნველყოფას.

4.2.3. ბიბლიოთეკების ხელშეწყობა (პროგრამული კოდი 05 02 03)

ქვეპროგრამის ფარგლებში დაგეგმილია მუნიციპალიტეტში არსებული ბიბლიოთეკების დაფინანსება. ქვეპროგრამის მიზანია მუნიციპალიტეტსა და მის საზღვრებს გარეთ მცხოვრები მკითხველების სწრაფი და სრული დაკმაყოფილება მათთვის საჭირო ინფორმაციითა და საბიბლიოთეკო დოკუმენტებით (ბეჭდური,  ხელნაწერი და ინფორმაციის შემცველი სხვა მასალები), შესაბამისი პროფილის საბიბლიოთეკო დოკუმენტების შეგროვება, დაცვა და ამ დოკუმენტებით მომსახურება, როგორც ადგილზე გაცემით, ასე ასლების გაგზავნით ბიბლიოთეკათშორისი აბონემენტით და საერთაშორისო წიგნთგაცვლის საშუალებით, ბიბლიოთეკათმცოდნეობის, ბიბლიოგრაფიის, წიგნთმცოდნეობისა და ინფორმაციის დარგში მეცნიერული და მეთოდური მოღვაწეობისათვის ხელშეწყობა. ბიბლიოთეკის კულტურულ ფასეულობათა შენარჩუნების, გამდიდრების, რეგისტრაციისა და მათი საგანგებო რეჟიმით დაცვის ხელშეწყობა. ბიბლიოთეკის მატერიალურ-ტექნიკური ბაზის განმტკიცება და ამ მიმართულებით წარმოდგენილი სპეციალური პროგრამების მხარდაჭერა, არსებული წიგნადი ფონდის გადარჩევა და მომზადება ელექტრონული საინფორმაციო ბაზისათვის, წიგნადი ფონდის შევსება თანამედროვე ლიტერატურით.

4.2.4. კულტურის სახლისა და სოფლის კლუბების ხელშეწყობა (პროგრამული კოდი 05 02 04)

ქვეპროგრამის ფარგლებში დაფინანსდება მუნიციპალიტეტში არსებული 3 სოფლის კლუბი და ერთი ქალაქის კულტურის სახლი, სადაც ფუნქციონირებს სახალხო თეატრი, თოჯინების თეატრი, ბავშვთა დრამატული თეატრი და ქორეოგრაფიული წრეები.

4.2.5. მუზეუმების ხელშეწყობა (პროგრამული კოდი 05 02 05)

ქვეპროგრამის ფარგლებში დაფინანსდება ქარელის მხარეთმცოდნეობის მუზეუმი, სადაც დაცულია დედოფლის მინდორზე არქეოლოგიური გათხრების შედეგად მოპოვებული მრავალი სამუზეუმო ექსპონანტი. ასევე ქვეპროგრამის ფარგლებში იგეგმება მხარეთმცოდნეობის მუზეუმის შენობის სარემონტო სამუშაოები.

4.2.6. მუსიკალური კოლექტივების დაფინანსება (პროგრამული კოდი 05 02 06)

მუნიციპალიტეტში ფუნქციონირებს ფოლკლორული ანსამბლი „ქარელი“, რომელსაც სრულად აფინანსებს მუნიციპალიტეტი, აღნიშნული ანსამბლი ორიენტირებულია ქართული ხალხური სომღერების პოპულარიზაციისკენ და სტაბილურად მონაწილეობს სხვადასხვა ფესტივალსა და კონკურსში.

4.2.7. კულტურის ხელშეწყობის სხვა ღონისძიებები (პროგრამული კოდი 05 02 07)

ქვეპროგრამის ფარგლებში დაფინანსდება ა(ა)იპ „კულტურის დაწესებულებების გაერთიანება“, რომელიც უზრუნველყოფს კულტურული ღონისძიებების ორგანიზებასა და ადმინისტრირებას. აღნიშნული  ა(ა)იპ მოიცავს შემდეგ ფილიალებს: ქარელის კულტურის ცენტრი, მუზეუმი და ქარელის ბიბლიოთეკა. გაერთიანების მიზანია კულტურის სფეროში სახელმწიფო პოლიტიკის განხორციელება, კულტურული მემკვიდრეობის ობიექტების დაცვა, კულტურულ-შემოქმედებითი მოღვაწეობის სუბიექტთა ძირითადი ეკონომიკური, სოციალური და სამართლებლივი ურთიერთობების დარეგულირება, კულტურულ ღონისძიებათა ორგანიზება, ხალხური შემოქმედების, თეატრალური, მუსიკალური, მხატვრული და ხელოვნების სხვა დარგების განვითარების ხელშეწყობა, სამსახურის მმართველობის სფეროში შემავალ განყოფილებებში თავმოყრილი ეროვნული სიმდიდრის დაცვა და პოპულარიზაცია.

4.3. ახალგაზრდული პროგრამების დაფინანსება (პროგრამული კოდი 05 03)

პროგრამის ფარგლებში დაფინანსდება სხვადასხვა ღონისძიებები, რომლებიც ხელს შეუწყობს ახალგაზრდა თაობის ჩართვას მუნიციპალიტეტის ყოველდღიურ საქმიანობასა და მის განვითარებაში. პროგრამის ფარგლებში დაფინანსდება შემდეგი ღონისძიებები:

• მუნიციპალიტეტში მცხოვრები უნარშეზღუდული ბავშვების მონახულება;
• დედის დღისადმი მიძღვნილი ღონისძიება და სამშობიარო სახლში ახალშობილების და დედების მონახულება;
• საქართველოს დამოუკიდებლობისა და ტერიტორიული მთლიანობისათვის დაღუპულ მამულიშვილთა ხსოვნისადმი მიძღვნილი ღონისძიებები;
• ბავშვთა თოჯინური სპექტაკლი;
• ბავშვთა საერთაშორისო დაცვის დღისადმი მიძღვნილი ღონისძიება;
• ექსკურსია;
• ინტელექტუალური თამაში რა, სად როდის?
• ქორეოგრაფიული ცეკვის და ხალხური სიმღერების კონცერტი;
• შეზღუდული შესაძლებლობების მქონე პირთა დაცვის დღე;
• საშობაო -საახალწლო კაფე-საღამო;
• ნიჭიერი და წარმატებული მოსწავლე-ახალგაზრდების  დაჯილდოვება-დასაჩუქრება;
• წარმატებული ბავშვებისა და ახალგაზრდების სხვადასხვა კონკურსებში და შესარჩევ ტურებში მონაწილეობა;
• მუნიციპალიტეტის ახალგაზრდების მონაწილეობა სხვადასხვა მასობრივ რესპუბლიკურ ღონისძიებებში;
• საახალწლო ღონისძიებები;
• სხვა გაუთვალისწინებელი ღონისძიებები და ინიციატივები.

4.4. რელიგიური ორგანიზაციების ხელშეწყობა (პროგრამული კოდი 05 04)

პროგრამის ფარგლებში განხორციელდება მუნიციპალიტეტის ტერიტორიაზე არსებული ეკლესია მონასტრების ფინანსური მხარდაჭერა, ასევე ზოგიერთ ტაძარსა და მის მიმდებარე ტერიტორიაზე განხორციელდება მცირე სარეაბილიტაციო სამუშაოები.

5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებების და შეღავათების უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

5.1. საზოგადოებრივი ჯანდაცვის მომსახურება (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:

• არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხვა, სასწრაფო შეტყობინების სისტემის დახვეწა და გაუმჯობესება;
• დაავადებათა გავრცელების ეტაპობრივი შემცირება მისი კონტროლის გზით. ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკურ ღონისძიებათა გატარება;
• მუნიციპალიტეტის მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა;
• სადერატიზაციო სამუშაოების ჩატარება საცხოვრებელი სახლების სარდაფებსა და ბუნკერებში (კერძო სექტორის გარდა) და ამის საფუძველზე ქალაქში ეპიდსიტუაციის გაუმჯობესება;
• ჯანმრთელობისათვის მნიშვნელოვანი ინფექციური და არაგადამდები დაავადებებისა და მასობრივი მოშხამვების, აგრეთვე პროფესიული დაავადებების თავიდან აცილება;
• მუნიციპალიტეტში არსებული სანიტარულ-ჰიგიენური მგომარეობის მონიტორინგი, მოსახლეობისათვის ჯანსაღი გარემოს შექმნის ხელშეწყობის მიზნით მუნიციპალიტეტის დასახლებულ ტერიტორიებზე ადამიანისათვის საშიში და შხამიანი ცხოველების ცხოველმყოფელობის დადგენისა და გაუვნებელყოფის ღონისძიებები.

5.2. მოსახლეობის სოციალური უზრუნველყოფა (პროგრამული კოდი 06 02)

„პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით და საცხოვრებელი ფართით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

5.2.1. უფასო სასადილოს დაფინანსება (პროგრამული კოდი 06 02 01)

„ქვეპროგრამის ფარგლებში გათვალისწინებულია უმწეო მდგომარეობაში მყოფი მუნიციპალიტეტში მცხოვრები 60 ბენეფიციარის ყოველდღიური კვებით უზრუნველყოფა.

5.2.2 ოკუპირებულ ტერიტორიებთან გამყოფი ხაზის მიმდებარე სოფლებში ზამთრის პერიოდში გათბობის უზრუნველყოფის მიზნით მოსახლეობის დახმარება  (პროგრამული კოდი 06 02 02)

საქართველოს მთავრობის 2013  წლის 18 ნოემბრის №1570 განკარგულების ფარგლებში დაგეგმილია ოკუპირებულ ტერიტორიებთან გამყოფი ხაზის მიმდებარე სოფლების მოსახლეობისათვის ზამთრის პერიოდში გათბობის უზრუნველყოფის მიზნით დახმარების გაცემა თითოეულ ოჯახზე 200 ლარის ოდენობით.

5.2.3. დევნილთა დასახლებებში გარე განათებებისა და წყლის ტუმბოებისელექტროენერგიის დავალიანებების დაფარვა (პროგრამული კოდი 06 02 03)

ქარელის მუნიციპალიტეტის ტერიტორიაზე მცხოვრები დევნილი მოსახლეობის სოციალური ყოფის გაუმჯობესების მიზნით, ქვეპროგრამის ფარგლებში  დაგეგმილია დევნილთა დასახლებებში გარე განათებებისა და წყლის ტუმბოების მიერ მოხმარებული ელექტროენერგიის საფასურის დაფარვა.

5.2.4. ოჯახებისა და ბავშვთა სოციალური დაცვა (პროგრამული კოდი 06 02 04)

ქვეპროგრამის ფარგლებში გათვალისწინებულია:

არსებობს მოსახლეობის კატეგორია რომლებიც არ სარგებლობენ სამედიცინო პოლისით ან დაზღვევით და ესაჭიროებათ მკურნალობა, ან რაიმე სახის გადაუდებელი ოპერაცია. ამავე დროს ხშირ შემთხვევაში არ აქვთ შესაძლებლობა მკურნალობის მინიმალური ხარჯის გაწევისაც კი. ასეთი შემთხვევებისათვის შემუშავდა პროგრამა რომელიც ითვალისწინებს იმ მოსახლეობის მკურნალობის ან ოპერაციის ხარჯების თანადაფინანსებას 40%-ით, რომელთაც არ აქვთ სამედიცინო პოლისი, დაზღვევა და არ მოხვდნენ სახელმწიფო ბიუჯეტით დაფინანსებულ რომელიმე პროგრამაში. ამასთან სუბსიდიების სააგენტოს მიერ მინიჭებული აქვთ ქულა 70 001-დან _ 250 000 –მდე. (შეიძლება გათვალისწინებულ იქნეს შემთხვევები, როდესაც ადამიანი არ არის რეგისტრირებული სუბსიდიების სააგენტოში და არის სოციალურად გაჭირვებული, ამასთან არ აქვს საშუალება მკურნალობის სრულად დაფინანსების) ასევე გათვალისწინებული იქნება ის შემთხვევები, როდესაც მოქალაქეს აქვს პოლისი, ან დაზღვევა, მაგრამ არ უნაზღაურდება ოპერაციის და მკურნალობის ხარჯები, ასეთ შემთხვევაში მოქალაქეს გაეწევა დახმარება თანადაფინანსებით.იმ შემთხვევაში თუ მკურნალობის ღირებულება არ აღემატება 500 ლარის თანადაფინანსება განხორციელდება 100%-ით,  10 000 ლარის თანადაფინანსება განხორციელდება მთლიანი თანხის 40%-ით, ხოლო თუ მკურნალობის ღირებულება აღემატება 10 000ლარს, თანადაფინანსება განხორციელდება 10 000 ლარის 40%-ის ოდენობით.

• მუნიციპალიტეტშიმცხოვრებ იმ ოჯახების მატერიალური დახმარება, რომელთაც შეეძინათ ახალშობილი. პირველ ან მეორე ახალშობილზე ერთჯერადად გაიცემა 200 ლარი, მესამე შვილის შეძენაზე 300 ლარი, ხოლო ყველა მომდევნოზე - 500 ლარი.
• მუნიციპალიტეტში მცხოვრებ სამამულო ომის ვეტერანების და 100 წელს გადაცილებულ უხუცესთა მატერიალური დახმარება - თითოეულზე 100 ლარის ოდენობით. 

5.2.5. სარიტუალო მომსახურება (პროგრამული კოდი 06 02 05)

ქვეპროგრამის ფარგლებში გათვალისწინებულია:

• სამშობლოს დაცვისას დაღუპულთა და ომის შემდეგ გარდაცვლილ მეომართა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით (მიზნობრივი ტრანსფერის ფარგლებში);
• მუნიციპალიტეტის ტერიტორიაზე მცხოვრები მარტოხელა სოციალურად დაუცველ პირთა დაკრძალვის ხარჯების ანაზღაურება, თითოეულ ბენეფიციარზე 250 ლარის ოდენობით

5.2.6. სოფელ ურბნისის მოსახლეობისათვის სატუმბი სადგურის მიერ მოხმარებული ელექტრო ენერგიის დავალიანების დაფარვა (პროგრამული კოდი 06 02 06)

სოფელ ურბნისის სასოფლო სამეურნე მიწის მნიშვნელოვანი ნაწილი განიცდის სარწყავი წყლის ნაკლებობას, აღნიშნული პრობლემის გადაჭრის მიზნით სოფელში მოეწყო სარწყავი წყლის სატუმბი სადგური.

სოფელ ურბნისში მცხოვრები მოსახლეობის სოციალური ყოფის გაუმჯობესების მიზნით, ქვეპროგრამის ფარგლებში  დაგეგმილია აღნიშნული სატუმბი სადგურის მიერ მოხმარებული ელექტროენერგიის საფასურის დაფარვა.

5.2.7. სტიქიური უბედურებების შედეგად დაზარალებული მოსახლეობის დახმარება (პროგრამული კოდი 06 02 07)

ქვეპროგრამის ფარგლებში დაგეგმილია სტიქიის შედეგად დაზარალებული ოჯახების დახმარება, კერძოდ: სტიქიის შედეგად მიყენებული ზარალის ანაზღაურება 40%-ის ოდენობით.

კ) დადგენილების მე-17 მუხლი ჩამოყალიბდეს შემდეგი რედაქციით:

„მუხლი17. მუნიციპალიტეტის ბიუჯეტის ასიგნებები

განისაზღვროს მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით თანდართული რედაქციით.