დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ტურისტული ინფრასტრუქტურის განვითარების ხელშეწყობის მიზნით ზოგიერთი გასატარებელი ღონისძიების შესახებ | |
|---|---|
| დოკუმენტის ნომერი | 693 |
| დოკუმენტის მიმღები | საქართველოს მთავრობა |
| მიღების თარიღი | 22/09/2009 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | გამოუქვეყნებელი, 0, 22/09/2009 |
| სარეგისტრაციო კოდი | 000000000.00(0).000.000000 |
საქართველოს მთავრობის
განკარგულება №693
2009 წლის 22 სექტემბერი
ქ. თბილისი
ტურისტული ინფრასტრუქტურის განვითარების ხელშეწყობის მიზნით ზოგიერთი გასატარებელი ღონისძიების შესახებ
საქართველოს ტერიტორიაზე ტურისტული ინფრასტრუქტურის განვითარების ხელშეწყობის მიზნით:
1. საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებულმა სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა:
ა) 2 009 წლის 5 ნოემბრამდე უზრუნველყოს ტურისტულ რესურსებსა და კურორტებთან მისასვლელ საავტომობილო გზებზე შესაბამისი საინფორმაციო მაჩვენებელი ნიშნების სამონტაჟო სამუშაოების განსახორციელებლად საჭირო საპროექტო დოკუმენტაციის მომზადება;
ბ) ამ განკარგულების პირველი პუნქტის „ა” ქვეპუნქტით გათვალისწინებული სამუშაოების დაფინანსება განახორციელოს „საქართველოს 2009 წლის სახელმწიფო ბიუჯეტის შესახებ” საქართველოს კანონით საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების – საქართველოს საავტომობილო გზების დეპარტამენტისათვის „გზების მოვლა-შენახვის ხარჯების” (მიმდინარე, პერიოდული შეკეთება, რეაბილიტაცია, რეკონსტრუქცია, მშენებლობა და შენახვა ზამთრის პერიოდში) მუხლით (ორგანიზაციული კოდი – 25 03 01 02) განსაზღვრული ასიგნებებიდან.
2. საქართველოს ეკონომიკური განვითარების სამინისტროს სახელმწიფო საქვეუწყებო დაწესებულებამ – ტურიზმისა და კურორტების დეპარტამენტმა უზრუნველყოს ამ განკარგულების პირველი პუნქტის „ა” ქვეპუნქტით განსაზღვრული საქართველოს ტურისტულ რესურსებსა და კურორტებთან მისასვლელ საავტომობილო გზებზე დასამონტაჟებელი შესაბამისი საინფორმაციო-მაჩვენებელი ნიშნების დამზადება და სამონტაჟო სამუშაოების განხორციელება საქართველოს რეგიონული განვითარებისა და ინფრასტრუქტურის სამინისტროს გამგებლობაში არსებული სახელმწიფო საქვეუწყებო დაწესებულების – საქართველოს საავტომობილო გზების დეპარტამენტის მიერ მომზადებული საპროექტო დოკუმენტაციის შესაბამისად.
პრემიერ-მინისტრი ნიკა გილაური
დოკუმენტის კომენტარები