„სახელმწიფო შესყიდვების ერთ პირთან მოლაპარაკების გზით განსახორციელებლად აჭარის ავტონომიური რესპუბლიკის სოფლის მეურნეობის სამინისტროსა და ადმინისტრაციულ-ტერიტორიული ერთეულებისათვის ნებართვის მიცემის შესახებ“ საქართველოს მთავრობის 2008 წლის 21 მარტის №140 განკარგულებაში დამატებების შეტანის თაობაზე

საქართველოს მთავრობის

განკარგულება №185

2008 წლის 8 აპრილი

ქ. თბილისი

„სახელმწიფო შესყიდვების ერთ პირთან მოლაპარაკების გზით განსახორციელებლად აჭარის ავტონომიური რესპუბლიკის სოფლის მეურნეობის სამინისტროსა და ადმინისტრაციულ-ტერიტორიული ერთეულებისათვის ნებართვის მიცემის შესახებ“ საქართველოს მთავრობის 2008 წლის 21 მარტის №140 განკარგულებაში დამატებების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლის თანახმად „სახელმწიფო შესყიდვების ერთ პირთან მოლაპარაკების გზით განსახორციელებლად აჭარის ავტონომიური რესპუბლიკის სოფლის მეურნეობის სამინისტროსა და ადმინისტრაციულ-ტერიტორიული ერთეულებისათვის ნებართვის მიცემის შესახებ“ საქართველოს მთავრობის 2008 წლის 21 მარტის №140 განკარგულებაში შეტანილ იქნეს შემდეგი დამატებები:

ა) პირველი პუნქტის:

ა.ა) „ბ“ ქვეპუნქტს დაემატოს:

„– 15 000 (თხუთმეტი ათასი) ლარი – ქობულეთის ქუჩის სანიაღვრე სისტემის მოწყობა;

– 250 000 (ორას ორმოცდაათი ათასი) ლარი – ჩაისუბნის წყალსადენის სამარაგო რეზერვუარის მშენებლობისათვის ტერიტორიის მომზადების სამუშაოები;

– 117 300 (ას ჩვიდმეტი ათას სამასი) ლარი – შოთა ზამთარაძის სახელობის სამხატვრო სკოლის კაპიტალური რეკონსტრუქციის დამატებითი სამუშაოები;

– 80 000 (ოთხმოცი ათასი) ლარი – ეზოების სანიაღვრე არხების რეაბილიტაციის ღონისძიებები;

– 50 000 (ორმოცდაათი ათასი) ლარი – ეზოების საკანალიზაციო სისტემის რეაბილიტაციის ღონისძიებები.“;

ა.ბ) „ე“ ქვეპუნქტს დაემატოს:

„ – 423 000 (ოთხას ოცდასამი ათასი) ლარი – სანიტარიული დასუფთავება;

– 120 000 (ას ოცი ათასი) ლარი – კონტეინერების (სანაგვე ურნების) შეძენა.“.

2. განკარგულება ძალაშია ხელმოწერის დღიდან.

პრემიერ-მინისტრი            ვ. გურგენიძე