დაბა ბაკურიანში ტურისტული კომპლექსის მშენებლობისათვის სახელმწიფო ტყის ფონდის მიწებიდან 16 541 მ2 ფართობის ამორიცხვის შესახებ

საქართველოს მთავრობის

განკარგულება №155

2008 წლის 24 მარტი

ქ. თბილისი

დაბა ბაკურიანში ტურისტული კომპლექსის მშენებლობისათვის სახელმწიფო ტყის ფონდის მიწებიდან 16 541 მ² ფართობის ამორიცხვის შესახებ

1. „სახელმწიფო ტყის ფონდის მიწებიდან ფართობების ამორიცხვისა და ჩარიცხვის შესახებ“ დებულების დამტკიცების თაობაზე“ საქართველოს მთავრობის 2007 წლის 10 მაისის №96 დადგენილების შესაბამისად მოწონებულ იქნეს ბორჯომის მუნიციპალიტეტის ტერიტორიაზე, დაბა ბაკურიანში, „დიდველზე“ 16 541 მ² ფართობის სახელმწიფო ტყის ფონდის მიწებიდან ამორიცხვის შესახებ საქართველოს მიწის გამოყენებისა და დაცვის სახელმწიფო კომისიის რეკომენდაცია (კომისიის 2008 წლის 11 მარტის სხდომის ოქმი №2) და ბორჯომის მუნიციპალიტეტის ტერიტორიაზე, დაბა ბაკურიანში, „დიდველზე“ ახალი ტურისტული კომპლექსის მშენებლობისათვის ამოირიცხოს სახელმწიფო ტყის ფონდის მიწებიდან სამცხე-ჯავახეთის რეგიონალური სატყეო სამმართველოს მართვას დაქვემდებარებულ სახელმწიფო სამეურნეო ტყის ფონდში, კერძოდ ბორჯომ-ბაკურიანის სატყეო უბნის ბაკურიანის 4-1-9 სარეინჯეროს №18 კვარტალის №8 უბანში 16 541 მ² ფართობი.

2. განკარგულების პირველი პუნქტის შესრულების მიზნით საქართველოს გარემოს დაცვისა და ბუნებრივი რესურსების სამინისტრომ (ზ. გამცემლიძე) და ეკონომიკური განვითარების სამინისტრომ (ე. შარაშიძე) უზრუნველყონ მათ კომპეტენციაში შემავალი საკითხების გადაწყვეტა კანონით დადგენილი წესით.        

3. განკარგულება ძალაშია ხელმოწერის დღიდან.

პრემიერ-მინისტრი                     ვ. გურგენიძე