„საქართველოს განათლებისა და მეცნიერების სამინისტროს ზოგადი განათლების მართვისა და განვითარების დეპარტამენტში ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების დამტკიცების თაობაზე” საქართველოს განათლებისა და მეცნიერების მინისტრის 2013 წლის 4 დეკემბრის №192/ნ ბრძანებაში ცვლილების შეტანის თაობაზე

,,4. ზოგადი განათლების მართვისა და განვითარების დეპარტამენტის მონიტორინგისა და კოორდინაციის სამმართველოს  უფროსი

4.1. კონკურსში მონაწილე კანდიდატი უნდა იყოს 21 წლის ასაკს მიღწეული საქართველოს ქმედუნარიანი მოქალაქე, ჰქონდეს უმაღლესი განათლება და ფლობდეს სახელმწიფო ენას.

4.2. ზოგადი განათლების მართვისა და განვითარების დეპარტამენტის  მონიტორინგისა და კოორდინაციის სამმართველოს  უფროსის ვაკანტური თანამდებობის დასაკავებლად კანდიდატებისათვის დამატებით დადგენილია შემდეგი საკვალიფიკაციო მოთხოვნები:

ა) უმაღლესი  განათლება: ბაკალავრის ან მასთან გათანაბრებული აკადემიური ხარისხი;

ბ)  სამუშაო გამოცდილება: 5 წელი;

გ) ხელმძღვანელ თანამდებობაზე მუშაობის გამოცდილება არანაკლებ 2 წელი;

დ) საჯარო სექტორში მუშაობის გამოცდილება;

ე) კომპიუტერული (საოფისე) პროგრამების (Ms. Word, Ms. Excel, Ms. PowerPoint, Outlook) კარგად  ცოდნა;

ვ) უცხოური ენების (ინგლისური, რუსული) ცოდნა.

ზ) უპირატესობა მიენიჭება პირს, რომელსაც აქვს:
ზ.ა) მაგისტრის ან მასთან გათანაბრებული აკადემიური ხარისხი;
ზ.ბ) ზოგადი განათლების სფეროში მუშაობის გამოცდილება.

4.3. ზოგადი განათლების მართვისა და განვითარების დეპარტამენტის  მონიტორინგისა და კოორდინაციის სამმართველოს  უფროსის ვაკანტური თანამდებობის დასაკავებლად კანდიდატებისათვის დადგენილია შემდეგი საკონკურსო თემატიკა:

ა) საქართველოს კონსტიტუცია;

ბ) საქართველოს ორგანული კანონი ,,საქართველოს შრომის კოდექსი”;

გ) საქართველოს ზოგადი ადმინისტრაციული კოდექსი;

დ),,საჯარო სამსახურის შესახებ“ საქართველოს კანონი;

ე)  „ზოგადი განათლების შესახებ“ საქართველოს კანონი;

ვ) „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილება;

ზ) „ეროვნული სასწავლო გეგმის დამტკიცების შესახებ” საქართველოს განათლებისა და მეცნიერების მინისტრის 2011 წლის 11 მარტის  №36/ნ ბრძანება.“.