„ენგურის ჰიდროელექტროსადგურის რეაბილიტაციის პროექტის“ ფარგლებში შპს „საქართველოს სახელმწიფო ელექტროსისტემის“ ძველი დავალიანებისაგან გათავისუფლების ღონისძიებათა შესახებ

საქართველოს მთავრობი ს

განკარგულება №614

2008 წლის 24 სექტემბერი

ქ. თბილისი

„ენგურის ჰიდროელექტროსადგურის რეაბილიტაციის პროექტის“ ფარგლებში შპს „ საქართველოს სახელმწიფო ელექტროსისტემის“ ძველი დავალიანებისაგან გათავისუფლების ღონისძიებათა შესახებ

2006 წლის 29 დეკემბერს „ ენგურის ჰიდროელექტრო­სად­გურის რეაბილიტაციის პროექტთან“ დაკავშირებით ევროპის რეკონსტრუქციისა და განვითარების ბანკსა (შემდგომში – ბანკი) და შპს „საქართველოს სახელმწიფო ელექტრო­სის­ტე­მას“ (როგორც შპს „ელექ­ტრო­დისპეჩერიზაცია _ 2000-ის“ სამართალმემკვიდრე) შორის გა­­­­ფორ­მებული „შეწყვეტის შესა­ხებ ხელშეკრულების“ საფუძ­ველზე შპს `საქართველოს სა­ხელმწიფო ელექტრო­სის­ტე­მა“ ბანკის წინაშე გათავი­სუფლდა 2001 წლის 21 დეკემბერს განახლებული სასესხო ხელშეკ­რულების ფარგლებში გამოყოფილი 38.750.000 აშშ დოლარის სესხის მომსახურების ვალდებულებისაგან, რის გამოც იგი ბანკსა და საქართველოს შორის გაფორმებული მეორე განახ­ლებული სასესხო ხელშეკრულებით განსაზღვრული დაფინან­სების სქე­მაში არ მონაწილეობს, ამიტომ საჭიროა შპს „საქარ­თველოს სახელმწიფო ელექტრო­სის­ტე­მა“ გათავი­სუფლდეს ასევე „ენგურის ჰიდროელექტროსადგურის რეაბი­ლი­ტაციის პრო­ექტთან“ დაკავშირებული ძველი დავა­ლია­ნებისაგან. აღ­ნიშ­ნული დავალიანება შპს „საქართველოს სახელმწიფო ელექტრო­სის­ტე­მას“ წარმოექმნა „ენგუ­რის ჰიდროელექტროსა­დგუ­რის პროექტთან და­კავ­შირებით“ საქარ­თველოს ფინანსთა სამინისტროს, შპს „ელექტროდის­პეტჩერიზაცია-2000-სა“ (რომ­ლის სამართალ­მემ­კვი­დ­­რეს წარ­მოად­გენს შპს `საქართველოს სახელმწიფო ელექ­ტროსისტემა“) და შპს „ენგურჰესს“ შორის 2002 წლის 30 ივლისს ხელმო­წერილი სახელმწიფო გარანტიის საფუძველზე მიღებული კრედიტის დაფარვის უზრუნველ­ყოფის შესახებ ხელშეკ­რულების საფუძველზე.

ზემოაღნიშნულიდან გამომდინარე:

1. საქართველოს ფინანსთა სამინისტრომ და ეკონომი­კუ­რი განვითარების სამინისტრომ უზრუნველყონ:

ა) საქართველოს ფინანსთა სამინისტროს, შპს „ელექ­ტრო­დის­პეტჩერიზაცია-2000-სა~ და შპს „ენგურჰესს“ შორის 2002 წლის 30 ივლისს ხელმოწერილი სახელმწიფო გარანტიის სა­ფუძ­ველზე მიღებული კრედიტის დაფარვის უზრუნველ­ყო­ფის შესახებ ხელშეკრულების შეწყვეტა;

ბ) შპს „ელექ­ტრო­დის­პეტჩერიზაცია-2000-სა“ და შპს „ენ­გურჰესს“ შორის 2002 წლის 25 იანვარს გაფორმებული „შეს­წორებული მეორადი სასესხო ხელშეკრულების“ შეწყვეტა;

გ) ამ პუნქტის „ა“ ქვეპუნქტში აღნიშნული ხელშეკრულე­ბის ფარგლებში შპს „საქართველოს სახელმწიფო ელექტრო­სის­ტე­მის“ საქართველოს ფინანსთა სამინისტროსადმი წარ­მოქმ­ნილი დავალიანების მომსახურების ვალდებულება დაეკისროს შპს „ენგურჰესს“, ამ უკანასკნელსა და საქარ­თველოს ფინანსთა სამინისტროს შორის შესაბამისი ხელშეკ­რულების გა­ფორ­მების საფუძველზე.

2. პირველი პუნქტის „ა“ ქვეპუნქტში აღნიშნული ხელ­შეკ­რულე­ბის ფარგლებში საქართველოს ფინანსთა სამინის­ტრო­სადმი წარ­მოქმნილი დავალიანების თანხის ზუსტი ოდე­ნობა ფი­ნანს­თა სამინისტრომ დაიანგარიშოს საქართველოს ფინანს­თა სამინისტრო­სა და შპს „ენგურჰესს“ შორის გასა­ფორმე­ბელი ხელშეკრუ­ლე­ბის ხელ­მოწერის თარიღისათვის.

3. განკარგულების შესრულების კონტროლი განახორციე­ლონ საქართველოს ფინანსთა მინისტრმა ნ. გილაურმა და საქართველოს ეკო­ნომიკური განვითარების მინისტრმა                                 ე. შარაშიძემ.

4. განკარგულება ძალაშია ხელმოწერის დღიდან.

პრემიერ-მინისტრი ვ. გურგენიძე