კახეთის რეგიონის მოსახლეობის მიერ 2013 წლის დეკემბერში მოსახმარი ელექტროენერგიის ღირებულების ანაზღაურების მიზნით გასატარებელ ცალკეულ ღონისძიებათა შესახებ

საქართველოს მთავრობის

განკარგულება №1586

2013 წლის 25 ნოემბერი

ქ. თბილისი

კახეთის რეგიონის მოსახლეობის მიერ 2013 წლის დეკემბერში მოსახმარი ელექტროენერგიის ღირებულების ანაზღაურების მიზნით გასატარებელ ცალკეულ ღონისძიებათა შესახებ

იმის გათვალისწინებით, რომ „კახეთის რეგიონის მოსახლეობის მიერ მოხმარებული ელექტროენერგიის ღირებულების ანაზღაურების შესახებ“ საქართველოს მთავრობის 2013 წლის 28 მარტის №275 განკარგულებით საქართველოს ენერგეტიკის სამინისტროსათვის „საქართველოს 2013 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან გამოყოფილი 2 515 000 (ორი მილიონ ხუთას თხუთმეტი ათასი) ლარი გათვალისწინებული იყო ელექტროენერგიის განაწილების ლიცენზიატის სს „კახეთის ენერგოდისტრიბუციის“ აბონენტების (საყოფაცხოვრებო მომხმარებლების) მიერ 2013 წლის პირველი აპრილიდან 2013 წლის 30 ნოემბრის ჩათვლით მოხმარებული ელექტროენერგიის ღირებულების ნაწილობრივ ასანაზღაურებლად, აგრეთვე იმის გათვალისწინებით, რომ დაგეგმილია ზემოხსენებული განკარგულების მსგავსად ანაზღაურდეს ამავე მომხმარებლების მიერ 2013 წლის დეკემბრის თვეში მოხმარებული ელექტროენერგიის საფასურიც, საქართველოს ენერგეტიკის სამინისტრომ უზრუნველყოს მოლაპარაკებების გამართვა სს „კახეთის ენერგოდისტრიბუციასთან“, რათა ამ უკანასკნელმა 2013 წლის დეკემბრის თვეში მისი აბონენტების მოსახმარი ელექტროენერგიის საფასურის დარიცხვა განახორციელოს საქართველოს მთავრობის 2013 წლის 28 მარტის №275 განკარგულებით გათვალისწინებული სუბსიდირებული პერიოდის მსგავსად.

პრემიერ-მინისტრი            ი . ღარიბაშვილი