საქართველოს ადგილობრივი თვითმმართველი ერთეულებისათვის საქართველოს მთავრობის სარეზერვო ფონდიდან თანხის გამოყოფის შესახებ

საქართველოს მთავრობის

განკარგულება №807

2009 წლის 30 ოქტომბერი

ქ. თბილისი

საქართველოს ადგილობრივი თვითმმართველი ერთეულებისათვის საქართველოს მთავრობის სარეზერვო ფონდიდან თანხის გამოყოფის შესახებ

1. საქართველოს ფინანსთა სამინისტრომ „ საქართველოს 2009 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან ადგილობრივ თვითმმართველ ერთეულებს გამოუყოს 515 000 (ხუთას თხუთმეტი ათასი) ლარი, მათ შორის:

 ა)ახალციხის მუნიციპალიტეტს – 300 000 (სამასი ათასი) ლარი ახალციხის მუნიციპალიტეტის სოფელ წნისის ხიდის აღდგენით სამუშაოთა შესასრულებლად;

 ბ) თერჯოლის მუნიციპალიტეტს – 150 000 (ას ორმოცდაათი ათასი) ლარი თერჯოლის მუნიციპალიტეტში დაზიანებული წყლის სისტემების, ხიდ-ბოგირებისა და გზების სარეაბილიტაციო სამუშაოთა შესასრულებლად;

 გ) ცაგერის მუნიციპალიტეტს – 65 000 (სამოცდახუთი ათასი) ლარი ცაგერის მუნიციპალიტეტში სტიქიის შედეგად უსახლკაროდ დარჩენილი 13 ოჯახის საკომპენსაციოდ (თითო ოჯახისათვის 5 000 ლარი).

 2. განკარგულების შესრულების კონტროლი განახორციელონ საქართველოს ფინანსთა სამინისტრომ და საქართველოს რეგიონული განვითარებისა და ინფრასტრუქტურის სამინისტრომ.

  პრემიერ-მინისტრი                                                                                              ნ. გილაური