რუსეთის ფედერაციის სამხედრო აგრესიის შედეგად იძულებით გადაადგილებულ პირთა – დევნილთა სოციალური მდგომარეობის გაუმჯობესების ღონისძიებათა შესახებ

ს აქართველოს მთ ავრობის

განკარგულება №771

2009 წლის 22 ოქტომბერი

ქ. თბილისი

რუსეთის ფედერაციის სამხედრო აგრესიის შედეგად იძულებით გადაადგილებულ პირთა – დევნილთა სოციალური მდგომარეობის გაუმჯობესების ღონისძიებათა შესახებ

1. 2008 წლის აგვისტოში რუსეთის ფედერაციის სამხედრო აგრესიის შედეგად იძულებით გადაადგილებულ პირთა – დევ­ნილ­თა მიერ 2009 წლის ივლისში, აგვისტოსა და სექტემბერში მოხ­მარებული ელექტროენერგიისა და ბუნებრივი აირის საფასუ­რის ანაზღაურების მიზნით საქართველოს ფინანსთა სამინისტრომ „ სა­ქარ­თველოს 2009 წლის სახელმწიფო ბიუჯეტის შესახებ“ საქარ­თველოს კანონით გათვალისწინებული საქართველოს მთავრობის სარეზერვო ფონდიდან საქართველოს ლტოლვილთა და განსახ­ლების სამინისტროს გამოუყოს 1 260 000 (ერთი მილიონ ორას სამოცი ათასი) ლარი, მათ შორის:

ა)  ელექტროენერგიის  საფასურის  ასანაზღაურებლად  – 615 000 (ექვსას თხუთმეტი ათასი) ლარი;

ბ) ბუნებრივი აირის საფასურის ასანაზღაურებლად – 645 000 (ექვსას ორმოცდახუთი ათასი) ლარი.

2. განისაზღვროს 2008 წლის 6 აგვისტოდან რუსეთის ფედე­რაციის მიერ საქართველოზე განხორციელებული სამხედრო აგრე­სიის შედეგად იძულებით გადაადგილებულ პირთა – დევნილ­თა ორ­გა­ნიზებულად (კომპაქტურად) განსახლებული ოჯახების შემ­დე­გი კატეგორიები:

ა) I კატეგორია – ოჯახები, რომლებიც განსახლებული არიან სახელმწიფოს ან/და სხვა ორგანიზაციების მიერ შესყიდულ, რეა­ბი­ლიტირებულ ან ახლად აშენებულ საცხოვრებელ სახლებში (კო­ტეჯებში);

ბ) II კატეგორია – ოჯახები, რომლებიც განსახლებული არიან სახელმწიფოს ან/და სხვა ორგანიზაციების მიერ შესყიდულ, რეა­ბილიტირებულ ან ახლად აშენებულ საცხოვრებელ კორპუსებ­ში.

3. განისაზღვროს ამ განკარგულების მე-2 პუნქტით განსაზღვ­რული ოჯახების მიერ მოხმარებული ბუნებრივი აირის საფასუ­რის ანაზღაურების მიმდინარე წლის ოქტომბრის, ნოემბრისა და დე­კემბრის ყოველთვიური ლიმიტები შემდეგი ოდენობებით:

ა) I კატეგორიისათვის – 100 ლარი;

ბ) II კატეგორიისათვის – 70 ლარი.

4. ამ განკარგულების მე-3 პუნქტით განსაზღვრული ლიმი­ტებიდან დარჩენილი ეკონომია (თვეში ფაქტობრივად ნაკლები ხარ­ჯის შემთხვევაში) არ გადადის მომდევნო თვეებში.

5. საქართველოს ლტოლვილთა და განსახლების სამინისტრომ ცენტრალიზებულად (ანგარიშსწორება შესაბამის კომპანიებთან) განახორციელოს ამ განკარგულების მე-3 პუნქტით განსაზღვრული ლიმიტების ფარგლებში ფაქტობრივად მოხმარებული ბუნებრივი აირის საფასურის  ანაზღაურება.

6. ამ განკარგულების მე-5 პუნქტით გათვალისწინებული დავა­ლების შესასრულებლად საქართველოს ფინანსთა სამინისტრომ „ სა­ქარ­თველოს 2009 წლის სახელმწიფო ბიუჯეტის შესახებ“ სა­ქარ­­თვე­ლოს კანონით გათვალისწინებული საქართველოს მთავ­რო­ბის სარეზერვო ფონდიდან საქართველოს ლტოლვილთა და გან­სახ­­ლე­ბის სამინისტროს გამოუყოს 1 416 230  (ერთი მილიონ ოთ­ხას თე­ქვს­მეტი ათას ორას ოცდაათი) ლარი.

პრემიერ-მინისტრი                                                                                                        ნ. გილაური